شينجياڭدا بوراننان، قۇمدى بوراننان ساقتانۋ ساقتىق سيگنالى بەرىلدى

4 – ايدىڭ 23 – كۇنى، شينجياڭ اۋا رايى ستانسياسى بوراننان ساقتانۋ كوك ءتۇستى ساقتىق سيگنالىن، قۇمدى بوراننان ساقتانۋ سارى ءتۇستى ساقتىق سيگنالىن جاريالاپ، كوپشىلىكتىڭ ساقتىقتى كۇشەيتۋىن ەسكەرتتى، ناقتى ساقتاندىرۋ ينفورماتسياسى تومەندەگىدەي:

بوراننان ساقتانۋ كوك ءتۇستى ساقتىق سيگنالى

شينجياڭ اۋا رايى ستانسياسى 4 - ايدىڭ 23 - كۇنى ساعات 17 دەن 16 مينۋت وتكەندە بوراننان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 4 - ايدىڭ 23 - كۇنى تۇننەن 25 - كۇنى تۇنگە دەيىن، بۇراتالا موڭعۇل اۆتونوميالى وبلىسى، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، قارامايلى قالاسى، ءۇرىمجى قالاسى، حوتان ايماعى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە باتىس سولتۇستىكتەن ىلگەرىندى - كەيىندى 8 بال اينالاسىندا بوران سوعادى، مۇنىڭ ىشىندە سولتۇستىك شينجياڭ، شىعىس شينجياڭداعى جەل وتتەرىندە 9 دا 10 بال بوران سوعادى، دابانچىڭداعى 100 شاقىرىمدىق جەل وتىندە 11 بالعا جەتەدى، 4 – ايدىڭ 24 – كۇنى كۇندىزدەن 26 - كۇنى كۇندىزگە دەيىن، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 7 دە 8 بال مەزەتتىك بوران سوعادى، جوعارىدا ايتىلعان ءىشىنارا وڭىرلەردە قۇمدى بوران سوعادى. ساقتىقتى كۇشەيتىڭىز.

قۇمدى بوران بوراننان ساقتانۋ سارى ءتۇستى ساقتىق سيگنالى

شينجياڭ اۋا رايى ستانسياسى 4 - ايدىڭ 23 - كۇنى ساعات 17 دەن 25 مينۋت وتكەندە قۇمدى بوراننان ساقتانۋدىڭ سارى ءتۇستى ساقتىق سيگنالىن جاريالادى: مەجەمەن 4 - ايدىڭ 24 - كۇنى كۇندىزدەن 26 - كۇنى كۇندىزگە دەيىن، وڭتۇستىك شينجياڭ ويپاتىنىڭ كوپ بولىگىندە قۇمدى بوران سوعادى، مۇنىڭ ىشىندە حوتان ايماعى، بايىنعولىن موڭعۇل اۆتونوميالى وبلىسى قاتارلى جەرلەردىڭ ءىشىنارا وڭىرلەرىندە كورىنۋ دارەجەسى 500 مەتردەن تومەن كۇشتى قۇمدى بوران سوعادى؛ 4 – ايدىڭ 24 - كۇنى كۇندىز شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسىنىڭ باتىس بولەگى، تۇرپان قالاسى قاتارلى جەرلەردىڭ ءىشىنارا وڭىرلەرىندە قىسقا ۋاقىت قۇمدى بوران سوعادى. ساقتىقتى كۇشەيتىڭىز.

كەلۋ قاينارى: حالىق تورابى