ساۋدا مينيسترلىگى ا ق ش – نىڭ «قاتتى بولشەك تەحنيكاسىن مەڭگەرۋ كوپ جاقتى سەلبەستىك زاڭ جوباسى» قاتارلى زاڭ جوبالارىن ماقۇلداعانىنا جاۋاپ قايتاردى

شينحۋا اگەنتتىگىنىڭ 4 – ايدىڭ 25 – كۇنى بەيجيڭنەن بەرگەن حابارى. ساۋدا مينيسترلىگىنىڭ اقپارات مالىمدەمەشىسى 4 – ايدىڭ 26 - كۇنى ا ق ش قاۋىم پالاتاسى سىرتقى ىستەر كوميتەتىنىڭ تاياۋدا ماقۇلداعان «قاتتى بولشەك تەحنيكاسىن مەڭگەرۋ كوپ جاقتى سەلبەستىك زاڭ جوباسى» (قىسقاشا MATCH زاڭ جوباسى) قاتارلى زاڭ جوبالارى جونىندە تىلشىلەردىڭ سۇراۋىنا جاۋاپ بەرگەندە بىلاي دەدى: جۇڭگو قاتىستى زاڭ شىعارۋ اياق الىسىنا قاداعالاي نازار اۋدارىپ، جۇڭگونىڭ مۇددەسىنە جاسايتىن ىقپالىن مۇقيات باعالايدى ءارى قاجەتتى شارالاردى باتىل قولدانادى. جۇڭگو كاسىپورىندارىنىڭ زاڭدى، ورىندى ۇقىق - مۇددەسىن باتىل قورعايدى.

مالىمدەمەشى بىلاي دەدى: جۇڭگو مەملەكەت حاۋىپسىزدىگىن جالپىلاي دارىپتەيتىن، ەكسپورتتى باسقارۋدان بەتالدى پايدالاناتىن ءارقانداي ارەكەتكە ەجەلدەن قارسى تۇرىپ كەلەدى. قاتىستى زاڭ جوبالارى ەڭ سوڭىندا جاريالانسا، حالىقارالىق ەكونوميكا ـ ساۋدا ءتارتىبىن اۋىر دارەجەدە ءبۇلدىرىپ، الەمدىك جارتىلاي وتكىزگىش كاسىپ تىزبەگىنىڭ، قامداۋ تىزبەگىنىڭ ورنىقتىلىعىنا اۋىر سوققى بەرەدى.

كەلۋ قاينارى: حالىق تورابى