شۇعىل ەسكەرتۋ! مىناداي ”جالعان التىننان“ ساق بولىڭىزدار، اسپاپتار دا پارىقتاي المايدى 

جۋىردا، ءبىر قىسقا كەسكىن جاريالاۋشى ”رەني“ دەپ اتالاتىن ءبىر ءتۇرلى مەتال ۇنتاعىن التىنعا ارالاستىرىپ جوعارى تەمپەراتۋرادا بالقىتسا، سالقىنداعاننان كەيىن التىننىڭ سالماعى ارتىپ قانا قويماي، كوزبەن دە، ماشينامەن دە ايىرۋعا بولمايتىنىن، رەني ارالاستىرىلعان التىننىڭ ساپتىعى %99.9 كە جەتەتىنىن ايتقان، بۇل شىن با؟ تۇتىنۋشىلار مەن التىن بۇيىمداردى وتكىزىپ الاتىن ساۋداگەرلەر رەني ارالاستىرىلعان ”جالعان التىن“ ساتىپ العاندارىن ايتتى، التىنعا رەني ارالاستىرىلعان – ارالاستىرىلماعانىن قالاي پارىقتاۋعا بولادى؟

ساقشى جاق رەني قوسىلعان جالعان التىن جاساۋ دەلوسىن انىقتاعان

ەلىمىز بويىنشا التىن بۇيىمدار دۇكەنىن اشاتىن كوپتەگەن تيجاراتشىلار الدانعان

بىلتىر جىجياڭ ولكەسى حۋجوۋ قالاسى چاڭشىڭ اۋدانىندا ساقشى جاق رەني قوسىلعان جالعان التىن جاساۋ دەلوسىن انىقتاعان. ءمالىم التىن بۇيىم دۇكەنىن اشاتىن تيجاراتشى ءبىر التىن القانى قابىلداعان، قارسى جاق بۇل القانى بۇرىن ساتىپ العان التىننان جاساتقانىن ايتقان.

تيجاراتشى ادەتتەگى التىن قابىلداۋ بارىسى بويىنشا، الدىمەن كوزبەن كورىپ تەكسەرىپ، قالىپسىزدىق بايقاماعان، سوڭىنان القانى وتتان وتكىزىپ تەكسەرگەندە دە، القانىڭ ءتۇسى وزگەرمەگەن. دۇرىس ەكەنىن تۇراقتاندىرعاننان كەيىن، تيجاراتشى سول كەزدەگى ءار گرامى 800 يۋاننان اساتىن التىن باعاسى بويىنشا بۇل القانى ساتىپ العان.

سول كۇنى تۇستەن كەيىن، اتالعان التىن بۇيىم دۇكەنىندەگى تاجىريبەلى قىزمەتكەرلەردىڭ ءبىرى تەكسەرگەندە، القانىڭ كولدەنەڭ قيما بەتىنىڭ ماتەريالى ونشا دۇرىس وڭدەلمەگەنىن بايقاپ، جالعان التىن بولۋى مۇمكىن دەپ ويلاپ، ساقشىعا مالىمدەگەن.

ساقشى جاق دەلو جونىندەگى مالىمەتتى تاپسىرىپ العاننان كەيىن، رەني ارالاستىرعان جالعان التىن جاسايتىن الدامكوستىك توپتى تۇراقتاندىرعان. تەكسەرۋ ارقىلى، اتالعان توپتىڭ قارجى اينالىمىنىڭ ەلىمىز بويىنشا كوپتەگەن ولكەلەرگە تارالعانى، التىن بۇيىم دۇكەنىن اشاتىن كوپتەگەن تيجاراتشىلاردىڭ ولارعا اقشا جوتكەگەنى، زيان تارتقان ادام سانىنىڭ كوپ ەكەنى انىقتالعان. سوڭىندا، ساقشى جاق انحۇي ولكەسى ۋحۋ قالاسىنداعى ءمالىم التىن بۇيىم وڭدەۋ دۇكەنىندە، اتالعان الدامكوستىك توبىنىڭ ەكى نەگىزگى مۇشەسىن ۇستاعان.

كەلۋ قاينارى: حالىق تورابى