جۇڭگو ەلشىلىگىنىڭ شۇعىل ەسكەرتۋى: قازىرشە بۇل جەرگە بارماڭىزدار، قاجەتسىز جاعدايدا سىرتقا شىقپاڭىزدار 

جەرگىلىكتى ۋاقىت بويىنشا 4 - ايدىڭ 25 - كۇنى جۇڭگونىڭ ماليدە تۇراتىن ەلشىلىگى ماليدە تۇتقيىل تۋىلعان حاۋىپسىزدىك وقيعاسى جونىندەگى كونسۋلدىق ەسكەرتۋدى جاريالادى، مازمۇنى مىناداي:

مالي ارمياسىنىڭ باس شتابى 4 - ايدىڭ 25 - كۇنى مالىمەت جاريالاپ، سول كۇنى تاڭەرتەڭ مالي شەكاراسى ىشىندە استاناسى باماكونى قامتىعان بىرنەشە اسكەري قۇرىلعىلار مەن لاگەرلەردىڭ بەلگىسىز لاڭكەستىك ۇيىمىنىڭ شابۋىلىنا ۇشىراعاندىعىن ايتقان. قازىر شايقاس جۇرگىزىلۋدە. ۇعىسۋعا قاراعاندا، باماكو حالىقارالىق اۋەجايى ۋاقىتشا جابىلعان. ماليدە تۇراتىن ەلشىلىك جۇڭگو ازاماتتارىنا قازىرشە ماليگە بارماۋدى ەسكەرتكەن، ماليدەگى جۇڭگو ازاماتتارى حاۋىپسىزدىك جانە ساقتىق تانىمىن جوعارىلاتىپ، حاۋىپسىزدىك جاعدايىنا مۇقيات نازار اۋدارىپ، قاتەرلى رايونداردان اۋلاق بولىپ، قاجەتسىز جاعدايدا سىرتقا شىقپاۋى كەرەك. ەگەر شۇعىل جاعدايعا تاپ بولسا، بايىپتى بولىپ، باس اماندىعىنا كەپىلدىك ەتۋدى ءبىرىنشى ورىنعا قويعانى ءجون، ءوزىنىڭ حاۋىپسىزدىگىنە كەپىلدىك ەتۋ العى شارتىندا، دەر كەزىندە ساقشىعا مالىمدەگەنى ءارى جۇڭگونىڭ ماليدە تۇراتىن ەلشىلىگىمەن بايلانىس جاساعانى ءجون.

كەلۋ قاينارى: حالىق تورابى