3 - ايدىڭ باسىندا وڭتۇستىك افريكانىڭ سوۆەتو وڭىرىندە بارىمتالانعان ازامات جاسىنا تولماعان جۇڭگو ازاماتى ءساتتى قۇتقارىلدى 

ورتالىق تەلەۆيزيا تورابىنىڭ حابارى. ”جۇڭگونىڭ يوحاننەسبۋرگتە تۇراتىن باس كونسۋلحاناسى“ ۋيشين الەۋمەتتىك تەكشەسىنىڭ حابارىنا قاراعاندا، 2026 – جىلى 5 – ايدىڭ 1 – كۇنى تۇندە، وڭتۇستىك افريكانىڭ گاۋتەڭ ولكەسىنىڭ ساقشى باسقارماسىنىڭ باستىعى جۇڭگونىڭ وڭتۇستىك افريكادا تۇراتىن ەلشىحاناسىنا جانە يوحاننەسبۋرگتە تۇراتىن باس كونسۋلحاناسىنا جەكە – جەكە بىلاي دەپ حابارلاعان: كوپ جاقتىڭ سايكەسۋى جانە كۇش سالا قىزمەت ىستەۋى ارقىلى، 3 – ايدىڭ باسىندا سوۆەتو وڭىرىندە بارىمتالانعان ازامات جاسىنا تولماعان جۇڭگو ازاماتى ءساتتى قۇتقارىلدى. ساقشى جاق قىلمىس كۇماندىلارىنان 4 ادامدى ءساتتى تۇتقىنداعان ءارى دەلوعا قاتىستى باسقا ادامداردى ىزدەۋدى جالعاستىرۋدا.

دەلو تۋىلعاننان كەيىن، ەلشىحانا مەن كونسۋلحانا شۇعىل جاعدايعا توتەپ بەرۋ شاراسىن دەرەۋ ىسكە قوسىپ، دەر كەزىندە سايكەسكەن ءارى ساقشى جاقپەن جانە ىقىلاستى چياۋليڭدەرمەن بىرگە ءىس تۋىلعان ورىندى ىڭعايلاستىرعان، وسىدان كەيىن 2 ايعا جۋىق ۋاقىتتا قاتىستى جاقتارمەن ۇزدىكسىز تىعىز بايلانىس جاساعان. ساقشى جاق كوپ رەت ارەكەت ورىستەتكەن. اتالعان ازامات قۇتقارىلعان كۇنى كەشتە، ەلشىحانا جانە كونسۋلحانا جىبەرگەن قىزمەتكەرلەر ساقشى جاقپەن، ىقىلاستى چياۋليڭدەرمەن بىرگە حال سۇراي بارعان ءارى كەلەسى قادامداعى قاتىستى ىستەر جونىندە كەڭەسكەن.

ەلشىحانا مەن كونسۋلحانا گاۋتەڭ ولكەسىندەگى ساقشى جاقتىڭ قىزمەتتى ءونىمدى اتقارعانىنا، ىقىلاستى چياۋليڭدەردىڭ رياسىز ۇلەس قوسقانىنا وسكەلەڭ ريزاشىلىق ءبىلدىردى، سونىمەن بىرگە وڭتۇستىك افريكاداعى جۇڭگو ازاماتتارىن جەرگىلىكتى ورىننىڭ حاۋىپسىزدىك جاعدايىنا ءجىتى نازار اۋدارۋدى، ەلشىحانا مەن كونسۋلحانانىڭ حاۋىپسىزدىك جونىندەگى ەسكەرتۋىنە نازار اۋدارىپ، حاۋىپسىزدىك جانە ساقتىق تانىمىن شىن مانىندە جوعارىلاتۋدى، حاۋىپسىزدىك جانە ساقتىق شارالارىن كۇشەيتۋدى، ءوزىنىڭ جانە وتباسىنداعىلاردىڭ حاۋىپسىزدىگىنە كەپىلدىك ەتۋدى ەسكەرتتى.

كەلۋ قاينارى: حالىق تورابى