شينجياڭداعى بۇل تاس جول مەجەمەن 2029 – جىلى سالىنىپ بولادى ءارى اۆتوموبيل قاتىنايدى

4 - ايدىڭ 26 – كۇنى، S12 گاۋچاڭ (تۇرپان) – توقسۇن – بالعىنتاي تاس جول نىسانىنىڭ قۇرىلىس الاڭىندا جۇمىس قاربالاس ورىستەتىلدى، قۇرىلىستىڭ ٴارقايسى تۇيىنىندە جۇمىس ءتارتىپتى ىلگەرىلەتىلىپ، شىعىس بولىكتى جالعاستىرىپ، باتىسقا قاراي شىعارۋ كۇرە تامىرى سانالاتىن وسى تاس جولدىڭ قۇرىلىسىنا كۇش سالا دەم بەردى. نىسان 2029 – جىلى سالىنىپ بولادى ءارى اۆتوموبيل قاتىنايدى دەپ مەجەلەنگەن.

ۇعىسۋعا قاراعاندا، S12 گاۋچاڭ (تۇرپان) – توقسۇن – بالعىنتاي تاس جولى جالپى جاقتان شىعىستان باتىسقا قاراي باعىتتالادى، تۇرپان قالاسى گاۋچاڭ رايونىنان باستالىپ، گاۋچاڭ باتىس تورابى ارقىلى G30 ليانيۇنگاڭ – قورعاس جوعارى قارقىندى تاس جولىمەن تۇتاستىرىلادى، جول بويى توقسۇن اۋدانى الىحۇي قالاشىعىنان، حىجىڭ اۋدانى العۋ اۋىلىنان وتەدى، ەڭ سوڭىندا G0711 ءۇرىمجى - لوبنۇر جوعارى قارقىندى تاس جولىنىڭ K103 + 780 كيلومەترلىك ورنىندا ءتۇيىلىسۋ تاسىلىمەن ءۇرىمجى – لوبنۇر جوعارى قارقىندى تاس جولىنا قوسىلادى. نىسان قوس باعىتتاعى ءتورت اۆتوموبيل جولىندىق جوعارى قارقىندى تاس جول ولشەمى بويىنشا سالىنادى، تاس جولدىڭ جالپى ۇزىندىعى 210.885 كيلومەتر، نىسان سالىنىپ بولعاننان كەيىن تيانشاننىڭ سولتۇستىگى مەن وڭتۇستىگى اراسىنداعى قاتىناس قۋاتىن كۇشەيتەدى.

كەلۋ قاينارى: حالىق تورابى