سۋىق اعىس جۇرەدى! شينجياڭ اۋا رايى ستانسياسىنىڭ ەڭ جاڭا مالىمەتى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، سۋىق اۋانىڭ اسەرىنەن مەجەمەن 5 – ايدىڭ 10 – كۇنى كۇندىزدەن 13 – كۇنى تۇنگە دەيىن سولتۇستىك شينجياڭ مەن شىعىس شينجياڭنىڭ ەڭ تومەن تەمپەراتۋراسى 8 دە 10 سەلتسي گرادۋس تومەندەيدى، وڭتۇستىك شينجياڭنىڭ باسىم كوپ بولەگىندە تەمپەراتۋرا 5 تە 8 سەلتسي گرادۋس تومەندەيدى، تارباعاتاي ايماعىنىڭ سولتۇستىگى، التاي ايماعى، قۇمىل قالاسىنىڭ سولتۇستىگى قاتارلى جەرلەردەگى بوكتەرلى وڭىرلەردە ۇقساماعان دارەجەدە قىراۋ ۇسىگى پايدا بولادى، سونىمەن بىرگە بۇكىل شينجياڭدا كورنەكتى جاۋىن – شاشىن بولادى، بوران نەمەسە قۇمدى بوران سوعادى.

الدىن الا مالىمەتتە كورسەتىلۋىنشە، 5 - ايدىڭ 10 - كۇنى كۇندىزدەن 5 - ايدىڭ 13 - كۇنى تۇنگە دەيىن سولتۇستىك شينجياڭنىڭ كوپ بولىگىندە جانە وڭتۇستىك شينجياڭنىڭ باتىس بولىگىندەگى تاۋلى وڭىرلەردە، بايىنعولىن موڭعۇل اۆتونوميالى وبلىسىندا، تۇرپان قالاسىنىڭ تاۋلى وڭىرلەرىندە، قۇمىل قالاسىندا سەبەزگى جاڭبىر جاۋادى، ورتاشا، بيىك تاۋلى وڭىرلەردە جاڭبىر ارالاس قار نەمەسە قار جاۋادى. ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعىنىڭ سولتۇستىك بولەگى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، بايىنعولىن وبلىسىنىڭ سولتۇستىك بولەگى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى، كەي وڭىرلەردە نوسەر نەمەسە قار جاۋادى، ءىشىنارا جەرلەردە قاتتى نوسەر جاۋادى. جوعارىدا ايتىلعان جەرلەردە قىسقا ۋاقىت ىشىندە كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايى بولادى.

كۇشتى جاۋىن - شاشىننىڭ شوعىرلانۋ مەزگىلى: ىلە اڭعارى، بۇراتالا وبلىسى، تارباعاتاي ايماعىندا 5 - ايدىڭ 10 - كۇنى تۇننەن 5 - ايدىڭ 12 - كۇنى كۇندىزگە دەيىن بولادى، التاي ايماعىندا 5 - ايدىڭ 11 - كۇنى كۇندىزدەن تۇنگە دەيىن بولادى، شىحىزى قالاسى، ءۇرىمجى قالاسى، سانجى وبلىسىندا 5 - ايدىڭ 11 - كۇنى تۇننەن 5 ـ ايدىڭ 12 - كۇنى كۇندىزگە دەيىن بولادى، بايىنعولىن وبلىسى مەن شىعىس شينجياڭدا 5 ـ ايدىڭ 12 ـ كۇنى كۇندىزدەن تۇنگە دەيىن بولادى.

جاۋىن - شاشىنعا ىلەسىپ، بۇكىل شينجياڭنىڭ كوپ بولەگىندە باتىس سولتۇستىكتەن 5 تە 6 بال بوران سوعادى، مەزەتتىك جەل كۇشى 8 بال اينالاسىندا بولادى، جەل وتىندەگى جەل كۇشى 10 دا 11 بال بولادى، مەزەتتىك جەل كۇشى 13 بالعا جەتەدى. وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 تە 6 بال بوران سوعادى، مەزەتتىك جەل كۇشى 8 دە 9 بالعا جەتەدى. وڭتۇستىك شينجياڭ ويپاتىنىڭ باسىم كوپ بولەگى مەن تيانشاننىڭ سولتۇستىك بوكتەرىندە، تۇرپان قالاسىنىڭ، قۇمىل قالاسىنىڭ ءىشىنارا وڭىرلەرىندە قۇمدى بوران سوعادى.

اۋا رايى اشىلعاننان كەيىن، سولتۇستىك شينجياڭ، قۇمىل قالاسىنىڭ سولتۇستىك بولەگىندەگى جازىقتىڭ ەڭ تومەن تەمپەراتۋراسى 4 تە 8 سەلتسي گرادۋسقا تۇسەدى، بوكتەرلى وڭىرلەردىڭ تەمپەراتۋراسى 2 دە 4 سەلتسي گرادۋسقا تۇسەدى، تاۋلى وڭىرلەردىڭ تەمپەراتۋراسى نولدەن تومەن 13 تە 0 سەلتسي گردۋسقا تۇسەدى، وڭتۇستىك شينجياڭ جازىعىنىڭ باسىم كوپ بولەگىنىڭ ەڭ تومەن تەمپەراتۋراسى 10 دا 13 سەلتسي گرادۋسقا تۇسەدى. تارباعاتاي ايماعىنىڭ سولتۇستىك بولەگى، التاي ايماعى، قۇمىل قالاسىنىڭ سولتۇستىك بولەگى قاتارلى جەرلەردەگى بوكتەرلى جەرلەردە قىراۋ ۇسىگى پايدا بولادى.

ءۇرىمجى قالاسىندا 5 - ايدىڭ 11 - كۇنى كۇندىزدەن تۇنگە دەيىن كۇن بۇلتتاپ سوڭى سەبەزگى جاڭبىرعا، ورتاشا جاڭبىرعا اينالادى، باتىس سولتۇستىكتەن 5 تە 6 بال مەزەتتىك بوران سوعادى، 5 – ايدىڭ 12 – كۇنى كۇندىزدەن تۇنگە قالىڭ جاڭبىر نەمەسە نوسەر جاۋادى، باتىس سولتۇستىكتەن 5 تە 6 بال مەزەتتىك بوران سوعادى، 5 – ايدىڭ 14 – كۇنى تاڭەرتەڭ ەڭ تومەن تەمپەراتۋرا 6 سەلتسي گرادۋس اينالاسىندا تومەندەيدى.

كەلۋ قاينارى: حالىق تورابى