سىرتقى ىستەر مينيسترلىگى: جۇڭگو جاق فرانسيا جاقتىڭ جوعالعان مادەني مۇرالاردى ءاسىلى تاۋەلدى مەملەكەتىنە قايتارۋدى ىلگەرىلەتۋ جاعىنداعى جاۋاپكەرشىلىگىن سەزىنگەنىن القايتىندىعىن بىلدىرەدى

شينحۋا اگەنتتىگىنىڭ تىلشىلەرى دۇڭ شۋە، ما جويان 5 – ايدىڭ 7 – كۇنى بەيجيڭنەن حابارلايدى. فرانسيا حالىقتىق پارلامەنتىنىڭ 5 - ايدىڭ 6 – كۇنى زاڭسىز قول جەتكىزگەن باسقا ەلدەردىڭ مادەني مۇرالارىن قايتارىپ بەرۋ ءتارتىبىن جەڭىلدەتۋ تۋرالى زاڭ جوباسىن ماقۇلداعاندىعى جونىندە، سىرتقى ىستەر مينيسترلىگىنىڭ مالىمدەمەشىسى لين جيان 5 - ايدىڭ 7 – كۇنى كەزەكتى تىلشىلەر ماجىلىسىندە سۇراۋعا جاۋاپ بەرگەندە مىنانى ءبىلدىردى: جۇڭگو جاق فرانسيا جاقتىڭ جوعالعان مادەني مۇرالاردى ءاسىلى تاۋەلدى مەملەكەتىنە قايتارۋدى ىلگەرىلەتۋدەگى جاۋاپكەرشىلىكتى سەزىنگەنىن القايدى، زاڭ جوباسىنىڭ زاڭ جاساۋ تارتىبىنەن تەزىرەك ءوتۋىن ءۇمىت ەتەدى، سونداي – اق، فرانسيا جاقپەن وسى سالادا سەلبەستىك ورىستەتۋدى دە ءۇمىت ەتەدى.

لين جيان بىلاي دەدى: جۇڭگو مەن فرانسيا مادەني مۇرالار جاعىنداعى اتكەزشىلىككە تيىم سالۋ، جوعالعان مادەني مۇرالاردى قايتارىپ بەرۋدى جەبەۋ سالاسىندا تالاي رەت ءساتتى سەلبەستىك ورىستەتكەن. ءبىز فرانسيا جاقتى قامتىعان قاتىستى جاقتارمەن بىرگە، جوعالعان مادەني مۇرالاردى قورعاۋ جانە قايتارىپ بەرۋ قىزمەتىن كەڭەسۋ جانە سەلبەسۋ ارقىلى ۇزدىكسىز ىلگەرىلەتىپ، ءار ەل حالقىنىڭ تىلەگىن توعىستىرۋ مەن وركەنيەتتەردىڭ اۋىس – كۇيىسىن، ءوزارا ۇلگى الۋىن جەبەۋدى قالايمىز.

كەلۋ قاينارى: حالىق تورابى