ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ ءادىليالىق تۇسىندىرمەسى: ەگىستىك جەردى زاڭسىز يەلەپ الىپ ءۇي سالۋ، قۇم قازۋ قاتارلىلارعا قاتىستى توقتام كۇشكە يە بولمايدى 

ەگىستىك جەردى زاڭسىز يەلەپ الۋعا قاتىستى دەلولاردى دۇرىس ءبىتىرۋ، مەملەكەتتىڭ استىق حاۋىپسىزدىگىن قامتاماسىزداندىرۋ ءۇشىن، ەڭ جوعارى حالىق سوتى، ەڭ جوعارى حالىق پروكۋراتۋراسى 5 - ايدىڭ 11 - كۇنى ەگىستىك جەردى زاڭسىز يەلەپ الۋعا قاتىستى دەلولاردى بىتىرۋدە زاڭدى قولدانۋعا ساياتىن بىرنەشە ماسەلە جونىندەگى بەلگىلەمەنى جاريالادى، 5 - ايدىڭ 18 - كۇنىنەن باستاپ اتقارىلادى.

بەلگىلەمە جالپى 21 تارماق بولىپ، ەگىستىك جەردى زاڭسىز يەلەپ الۋعا قاتىستى توقتامنىڭ كۇشى جانە سايكەستى زاڭدىق زارداپتارى ايقىندالعان، ەگىستىك جەردى زاڭسىز يەلەپ الۋ ارەكەتىن وتكىزگەندەردىڭ ازاماتتىق ىستەر زاڭىندىق جاۋاپكەرشىلىگى زاڭ بويىنشا قۋزاستىرىلادى. ەگىستىك جەردى زاڭسىز يەلەپ الۋعا قاتىستى توقتامنىڭ كۇشىن تۇراقتاندىرۋ جونىندە، بەلگىلەمەدە تاراپتاردىڭ ەگىستىك جەردى يەلەپ الىپ ءۇي سالۋ، قۇمدان سالۋ، قابىرلىق ەتۋ، قۇم قازۋ، تاس الۋ، كەن اشۋ، توپىراق الۋ قاتارلىلارعا كەلىسۋى، سونداي - اق ەگىستىك جەرگە سالىنعان ءۇيدى ساتۋعا، مايعا بەرۋگە كەلىسۋى قاتارلى مازمۇندار جەر باسقارۋ زاڭىنداعى تيىم سالۋ سيپاتتى بەلگىلەمەلەرگە قايشى كەلەتىندىگى، حالىق سوتىنىڭ مۇنداي كەلىسىمدى كۇشكە يە ەمەس دەپ تانۋى كەرەك ەكەنى ايقىندالعان.

بەلگىلەمەدە اكىمشىلىك ورگانداردىڭ قالا – اۋىل جوباسى زاڭى قاتارلى قاتىستى زاڭدار مەن زاڭدىق ەرەجەلەردەگى بەلگىلەمەلەرگە نەگىزدەلىپ، زاڭ بويىنشا قۇرىلىس الاڭىن تەكسەرىپ پەشەتتەۋ قاتارلى شارالاردى قولدانىپ، جالعاستى قۇرىلىس جۇرگىزۋ قاتارلى زاڭسىز ارەكەتتەردى توقتاتۋىنا بولاتىندىعى ورتاعا قويىلعان.

ەگىستىك جەردى زاڭسىز يەلەپ الۋ ارەكەتىن وتكىزگەندەردىڭ قىلمىستىق ىستەر بويىنشا زاڭدىق جاۋاپكەرشىلىگىن زاڭ بويىنشا قۋزاستىرۋ جاعىندا، بەلگىلەمەدە ەگىستىك جەردى زاڭسىز يەلەپ الۋمەن بىرگە اۋىل شارۋاشىلىعىنا پايدالانىلاتىن جەردى زاڭسىز يەلەپ الۋ قىلمىسى، قورشاعان ورتانى لاستاۋ قىلمىسى، زاڭسىز كەن اشۋ قىلمىسى قاتارلى قىلمىستىق جاعدايلاردى قالىپتاستىرعاندارعا، ءبىرشاما اۋىر جازا بەرىلەتىن بەلگىلەمە بويىنشا قىلمىسىن تۇراقتاندىرۋ جانە جازالاۋ سىندى توعىسپالى ەرەجەنى قولدانۋ كەرەك ەكەندىگى ايقىندالعان. مەملەكەتتىك ورگانداردىڭ قىزمەتكەرلەرىنىڭ ەگىستىك جەرگە قاتىستى سالاداعى قىزمەتتىك قىلمىسىن ءبىرجاقتى ەتۋ بارىسىندا، پارا الۋ قىلمىسىن دا بىرگە وتكىزگەن بولسا، قىلمىستارىن قوسىپ جازالاۋ كەرەك ەكەندىگى ايقىندالعان. (ءتىلشى چي چي)

كەلۋ قاينارى: حالىق تورابى