90 پايىزعا دەيىن ارزاندادى! ۇشاق بەلەتىنىڭ باعاسى تومەندەدى 

”1 – مامىر“ دەمالىسى ءوتىپ، جۇرتتىڭ ساپارعا شىعۋ مولشەرى قاۋىرت كەزەڭنەن بىرتىندەپ قالپىنا ءتۇستى، كوپتەگەن جولاۋشىلار ”قاۋىرت مەزگىلدەن اۋاشا ۋاقىتتا ساياحاتتاۋدى“ جوسپارلاي باستادى. ينتەرنەتتەگى ساياحاتتىق تاپسىرىس تەكشەلەرىنىڭ ءىرى ساندى مالىمەتىنە قاراعاندا، 5 - ايدىڭ 10 - كۇنىنە دەيىن، 5 - ايدىڭ 11 - كۇنىنەن 5 - ايدىڭ 31 - كۇنىنە دەيىنگى ەل ىشىندەگى اۋە جولىنىڭ ۇشاق بەلەتىنە تاپسىرىس بەرۋ مولشەرى 12 ميلليون 420 مىڭ دانادان اسقان. ”باعاسى ارزان، ادام از، اسەرى جاقسى“ بولعان مەرەكەدەن كەيىنگى تەرەزەلىك كەزەڭ ساياحاتتاۋشىلاردىڭ جاڭا تالعامىنا اينالۋدا.

ينتەرنەتتەگى ساياحاتتىق تاپسىرىس تەكشەلەرىنىڭ دەرەگىنە قاراعاندا، ”1 – مامىر“ دەمالىسىنان كەيىن كوپتەگەن اۋە جولدارىندا ۇشاق بەلەتىنىڭ باعاسى تومەندەگەن، 5 - ايدىڭ ورتا شەنى باعا ”ەڭ تومەن“ مەزگىل سانالادى. بەيجيڭ - چىڭدۋ، گۋاڭجوۋ - كۇنميڭ قاتارلى ءوتىمدى اۋە جولدارىندا 80 پايىزدان 90 پايىزعا دەيىنگى ارالىقتا ارزانداتىلعان بەلەتتەر بار. شاڭحاي - سانيا، شاڭحاي - حايكوۋ قاتارلى اۋە جولدارىندا ءتىپتى 200 يۋان شاماسىنداعى ارزان بەلەتتەر ساتىلۋدا.

مۇنان سىرت، حالىقارالىق اۋە جولدارى ۇزدىكسىز قالپىنا كەلگەندىكتەن، شەكارادان شىعىپ ساياحاتتاۋ دا قاۋىرت كەزەڭنەن اۋاشا ۋاقىتتا ساپارلاۋ ساياحاتشىلاردىڭ جاڭا تالعامىنا اينالدى. ءىرى ساندى مالىمەتتەرگە قاراعاندا، 5 - ايدىڭ 10 - كۇنىنە دەيىن، 5 - ايدىڭ 11 - كۇنىنەن 5 - ايدىڭ 31 - كۇنىنە دەيىنگى ارالىقتا شەكارادان كىرىپ – شىعاتىن كەزەكشى ۇشاقتاردىڭ بەلەتىنە تاپسىرىس بەرۋ مولشەرى 3 ميلليون 970 مىڭ دانادان اسىپ، ءبىر جىل بۇرىنعى وسى مەزگىلدەگىدەن شامامەن %8 ارتقان. 5 - ايدىڭ 8 - كۇنىنەن 31 - كۇنىنە دەيىن، جۇڭگو شەكاراسى ىشىنەن ەۋروپاعا بارىپ - كەلەتىن جوسپارداعى كەزەكشى ۇشاق سانىنىڭ مولشەرى ءبىر جىل بۇرىنعى وسى مەزگىلدەگىدەن شامامەن %15 ارتقان. شەكارادان شىعىپ ساياحاتتاۋشىلار ەڭ كوپ تاڭداعان جەرلەر: سەۋل، بانگوك، سينگاپۋر قاتارلى جەرلەر بولعان.

كەلۋ قاينارى: حالىق تورابى