تاعى دا جاڭبىر جاۋادى! شينجياڭنىڭ الداعى بىرنەشە كۇندەگى اۋا رايىنان مالىمەت

شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ حابارىنا قاراعاندا، الداعى بىرنەشە كۇندە سولتۇستىك شينجياڭنىڭ باتىس بولەگى، سولتۇستىك بولەگى، قۇمىل قالاسىنىڭ تاۋلى رايونى قاتارلى جەرلەردە جالپى جاۋىن - شاشىن مولشەرى مول بولادى، ءىشىنارا جەرلەردە قىسقا ۋاقىتتىق كۇشتى جاۋىن - شاشىن بولادى، ناجاعايلى بوران، بۇرشاق سياقتى كۇشتى كونۆەكسيالىق اۋا رايى تۋىلادى، كەي جەرلەردە تاسقىن مەن جەر كوشكىنى، لاي تاسقىنى قاتارلى اپاتتاردان ساقتانۋ كەرەك.

5 - ايدىڭ 15 - كۇنى تۇننەن 16 - كۇنى كۇندىزگە دەيىن، تارباعاتاي ايماعىنىڭ سولتۇستىگى، التاي ايماعى، ءۇرىمجى قالاسى، سانجى وبلىسى، وڭتۇستىك شينجياڭنىڭ باتىس بولىگىندەگى تاۋلى رايوندار، حوتان ايماعىنىڭ وڭتۇستىك بولىگىندەگى تاۋلى رايوندار، باينعولىن وبلىسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە جانە ىلە اڭعارىنىڭ تاۋلى رايونى، بۇراتالا وبلىسىنىڭ تاۋلى رايونى، شىحىزى قالاسىنىڭ وڭتۇستىگىندەگى تاۋلى رايون، اقسۋ ايماعى قاتارلى جەرلەردىڭ ءبىر ءبولىم رايوندارىندا سەبەزگى جاڭبىر جاۋادى (ورتاشا بيىك تاۋلى رايونداردا قار ارالاس جاڭبىر نەمەسە قار جاۋادى). مۇنىڭ ىشىندە قۇمىل قالاسىنىڭ ءىشىنارا ءوڭىرى جانە تارباعاتاي ايماعىنىڭ سولتۇستىك بولەگى، التاي ايماعىنىڭ سولتۇستىك بولەگى، شىعىس بولەگى، بايىنعولىن وبلىسىنىڭ وڭتۇستىك بولەگىندەگى تاۋلى ٴوڭىر، تۇرپان قالاسىنىڭ سولتۇستىك بولەگىندەگى تاۋلى ٴوڭىر قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى نەمەسە قار جاۋادى، قۇمىل قالاسىنىڭ سولتۇستىك بولەگىندەگى تاۋلى وڭىرلەردىڭ ءىشىنارا جەرلەرىندە نوسەر جاۋادى. جوعارىداعى رايونداردىڭ ءىشىنارا وڭىرلەرىندە باتىس سولتۇستىكتەن 4 تە 5 بال جەل سوعادى، جەل وتىندەگى جەل كۇشى 9 دا 10 بال بولادى، مەزەتتىك جەل كۇشى 11 بالعا جەتەدى. بۇكىل شينجياڭنىڭ باسقا رايوندارىندا نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

5 – ايدىڭ 16 – كۇنى تۇننەن 17 – كۇنى كۇندىزگە دەيىن، التاي ايماعىنىڭ ءبىر ءبولىم رايوندارى جانە ىلە اڭعارىنىڭ تاۋلى رايوندارى، بۇراتالا وبلىسىنىڭ تاۋلى رايوندارى، تارباعاتاي ايماعىنىڭ تاۋلى رايوندارى، شىحىزى قالاسىنىڭ وڭتۇستىك بولىگىندەگى تاۋلى رايوندار، ءۇرىمجى قالاسىنىڭ وڭتۇستىك بولىگىندەگى تاۋلى رايوندار، سانجى وبلىسىنىڭ وڭتۇستىك بولىگىندەگى تاۋلى رايوندار، وڭتۇستىك شينجياڭنىڭ باتىس بولىگىندەگى تاۋلى رايوندار، حوتان ايماعىنىڭ وڭتۇستىك بولىگىندەگى تاۋلى رايوندار، اقسۋ ايماعىنىڭ سولتۇستىك بولىگىندەگى تاۋلى رايوندار، بايىنعولىن وبلسىنىڭ تاۋلى رايونى قاتارلى جەرلەردىڭ ءىشىنارا وڭىرلەرىندە از جاڭبىر جاۋادى (ورتاشا، بيىك تاۋلى رايونداردا جاڭبىر ارالاس قار نەمەسە قار جاۋادى)، مۇنىڭ ىشىندە قاشقار ايماعىنىڭ وڭتۇستىگىندەگى تاۋلى رايونداردىڭ، قىزىلسۋ قىرعىز اۆتونوميالى وبلىسىنىڭ تاۋلى رايوندارىنىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى، جوعارىدا ايتىلعان وڭىرلەردە بۇرشاق، قىسقا ۋاقىتتىق كۇشتى جاۋىن - شاشىن، ناجاعايلى بوران قاتارلى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى؛ تۇرپان قالاسىندا، قۇمىل قالاسىندا باتىس سولتۇستىكتەن 5 بال اينالاسىندا بوران سوعادى، جەل وتىندە 9 دا 10 بالعا جەتەدى. وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال شاماسىندا بوران سوعادى، وڭتۇستىك شينجياڭ، شىعىس شينجياڭنىڭ ءىشىنارا وڭىرلەرىندە قۇمدى بوران سوعادى. بۇكىل شينجياڭنىڭ باسقا رايوندارىندا نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.