قارامايلى قالاسى ەرەكشە داڭققا يە بولدى!

5 – ايدىڭ 12 – كۇنى، ءتىلشىنىڭ قارامايلى قالالىق سيفرلاندىرىپ دامىتۋ مەكەمەسىنەن ۇعىسۋىنشا 9 - كەزەكتى سيفرلى جۇڭگو قۇرىلىسى باسشىلار ماجىلىسىندە قارامايلى قالاسى دەربەس زەرتتەپ جاساعان ”قارامايلى قالاسىنىڭ ەرەكشە زەردەلى تۇلعاسى“ جارىسقا قاتىناسقان 800 دەن استام قوسىننان اعالاپ العا شىعىپ، ەڭ جوعارى سيلىق ”سيفرلى قالا پلاتينا سيلىعىن“ قانجىعالادى.

سيفرلى جۇڭگو قۇرىلىسى باسشىلار ءماجىلىسىن مەملەكەتتىك دامۋ جانە رەفورما كوميتەتى، مەملەكەتتىك ساندى مالىمەت مەكەمەسى، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، ونەركاسىپ جانە ينفورماتسيالاندىرۋ مينيسترلىگى، فۋجيان ولكەلىك حالىق ۇكىمەتى بىرلەسىپ وتكىزگەن. باسشىلار باس قوسۋى سيفرلى جۇڭگو جاڭالىق اشۋ جارىسىن قوسا وتكىزدى، بۇل جارىس سيفرلى جۇڭگو قۇرىلىسى باسشىلار باس قوسۋىنىڭ ايگىلى ماركا جارىسى، سونداي ـ اق ەل ىشىندەگى سيفرلى قالا سالاسىنداعى بەدەلى جوعارى، ىقپالى كەڭ، باسەكەلىك قۋاتى كۇشتى ەڭ جوعارى دارەجەلى جارىس.

قارامايلى قالاسىنىڭ ەرەكشە زەردەلى تۇلعاسى — قالانىڭ ءار سالاسىنداعى زەردەلى تۇلعالاردىڭ جوعارى ءونىمدى ىقپالداستىعىنا، سايكەستى اينالىمىنا تىرەك بولاتىن وزەكتى تۇعىر، قالانى جونگە سالۋدىڭ تۇتاس بارىسىن جابىق باسقارۋ ـ مەڭگەرۋدى جۇزەگە اسىرىپ، قالانى ءوزىن - ءوزى سەزىنۋ، دەربەس تۇجىرىم جاساۋ، زەردەلى شەشىم جاساۋ، ۇرپاق جاڭالاپ بىرتىندەپ دامۋ جالپىلىق قابىلەتىمەن قامدايدى، كورنەكتى جاڭالىق اشۋ ۇستانىمىنا، كەمەلدى تياناقتاندىرىپ قولدانۋعا، تاماشا امالياتتىق ونىمدىلىككە سۇيەنىپ، قارامايلى قالاسى ءوتىنىش ەتكەن نىساندار جارىستىڭ باعالاۋشى ماماندارىنىڭ جوعارى دارەجەدە مويىنداۋىنا يە بولىپ، ”سيفرلى قالا پلاتينا سيلىعىن“ ءساتتى الدى.

كەلۋ قاينارى: حالىق تورابى