«سۋمەن قامداۋ ەرەجەسى» 6 – ايدىڭ 1 – كۇنىنەن باستاپ اتقارىلادى 

شارۋالار گازەتىنىڭ جالپىلىق مەديا ءتىلشىسى گو جيڭجيڭ حابارلايدى. ءتىلشىنىڭ 5 – ايدىڭ 12 – كۇنى سۋ يگىلىگى مينيسترلىگى وتكىزگەن اقپارات جاريالاۋ ماجىلىسىنەن ۇعىسۋىنشا، «سۋمەن قامداۋ ەرەجەسى» بيىل 6 – ايدىڭ 1 – كۇنىنەن باستاپ اتقارىلادى. بۇل رەت وزگەرىس ەنگىزۋدە اۋىل - قىستاقتى سۋمەن قامداۋ ەرەجەنى قولدانىلۋ كولەمىنە ەنگىزىلىپ، ەرەجەنىڭ اتى «قالانى سۋمەن قامداۋ ەرەجەسى» دەگەننەن «سۋمەن قامداۋ ەرەجەسى» دەپ وزگەرتىلىپ، قالا مەن اۋىلدى سۋمەن قامداۋدا ءبىرتۇتاس زاڭ شىعارۋ جۇزەگە اسىرىلعان.

«سۋمەن قامداۋ ەرەجەسىندە» اۋىل - قىستاقتى سۋمەن قامداۋ حاۋىپسىزدىگىن قامتاماسىزداندىرۋدى توڭىرەكتەي وتىرىپ، تۇتاس تىزبەكتى قامتاماسىزداندىرۋ جۇيەسى قۇرىلعان. سۋ ساپاسى جاعىندا، اۋىز سۋ قاينارىنىڭ سۋ ساپاسىن باقىلاۋ، سۋ ساپاسىنا قاتىستى دابىل قاعۋ جانە ينفورماتسيانى ورتاق پايدالانۋ مەحانيزمىن قۇرۋ، سۋمەن قامدايتىن ورىنداردىڭ تابيعي سۋ، زاۆودتان شىعاتىن سۋ جانە قۇبىر سۋى ساپاسىن مەرزىم بويىنشا تەكسەرۋ تالاپ ەتىلگەن؛ تيجارات جانە قىزمەت وتەۋ جاعىندا، سۋمەن قامدايتىن ورىنداردىڭ سۋمەن قامداۋدى قالاعانىنشا توقتاتۋىنا بولمايدى، تەكسەرۋ - جوندەۋ سياقتى سەبەپتەرمەن سۋ توقتاتۋعا تۋرا كەلگەندە، باسقارۋشى تاراۋلاردىڭ بەكىتۋىنەن وتكىزۋى ءارى ۋاقىتتىق سۋمەن قامداۋ قاتارلى شارالاردى قولدانۋ كەرەك؛ قۇرىلعىلاردى باسقارۋ جانە قورعاۋ جاعىندا، سۋمەن قامداۋ قۇرىلعىلارىنىڭ جەر بەتىندەگى جانە جەر استىنداعى حاۋىپسىزدىگىن قورعاۋ كولەمىن بەلگىلەۋ، سۋمەن قامدايتىن ورىنداردىڭ سۋمەن قامداۋ قۇرىلعىلارىنىڭ اينالىمىن قورعاۋدى جاقسى ىستەۋى تالاپ ەتىلگەن؛ شۇعىل جاعدايعا توتەپ بەرۋ جانە ءبىرجاقتى ەتۋ جاعىندا، زاڭ بويىنشا سۋمەن قامداۋ جاعىنداعى شۇعىل جاعدايعا توتەپ بەرۋ جوسپارىن جاساۋ، تۇتقيىل جاعداي تۋىلعاننان كەيىن دەرەۋ شۇعىل جاعدايعا توتەپ بەرۋ شارالارىن ىسكە قوسۋ تالاپ ەتىلگەن؛ زاڭدىق جاۋاپكەرشىلىك جاعىندا، زاڭعا قايشى كەلگەن جاعدايداعى جاۋاپكەرشىلىگى جۇيەسىن كەمەلدەندىرىپ، سۋمەن قامدايتىن ورىنداردىڭ قىزمەت وتەۋ بارىسىندا زاڭعا قايشىلىق جاساۋعا ساياتىن جاعدايدىڭ كولەمىن كەڭەيتىپ، زاڭعا قايشى كەلگەن جاعدايدا ايىپ سالۋ ولشەمىن ەگجەي – تەگجەيلى بەلگىلەگەن.

قۇبىرلى سۋدان يگىلىكتەنە الماي وتىرعان جان سانى نەگىزىنەن مال شارۋاشىلىعى رايوندارى، تاۋلى رايوندار، ءۇستىرتتى سۋىق جەرلەر، تەڭىز دەڭگەيىنەن بيىك وڭىرلەر جانە شالعاي رايوندار قاتارلى وڭىرلەردە تۇراتىن جان سانى بولىپ، بۇل جاعداي كەزەكتە اۋىل - قىستاقتى سۋمەن قامداۋداعى ءالسىز بۋىن بولىپ تابىلادى. سۋ يگىلىگى مينيسترلىگى جەر – جەردىڭ اۋىل - قىستاقتاردى سۋمەن قامداۋدىڭ شاعىن ينجەنەرياسىنىڭ ولشەمدى قۇرىلىسىن جەدەلدەتۋىنە جانە وزگەرتۋدى جەدەلدەتۋىنە جەتەكشىلىك ەتىپ، جەرگىلىكتى ورىنداردىڭ ەرەكشەلىگىنە ۇيلەسەتىن تەحنيكالىق جابدىقتاردى جالپىلاستىرىپ، اۋدان كولەمىندەگى ءبىرتۇتاس باسقارۋشى قۇرىلىمداردىڭ ”ۇلكەنى ارقىلى شاعىنىن جەتەلەيتىن“ كاسىپتىك باسىمدىلىعىن ساۋلەلەندىرىپ، تۇتاس اۋدان كولەمىندەگى بارلىق اۋىل – قىستاقتاردى سۋمەن قامداۋ ينجەنەرياسىن باسقارۋدى ويداعىداي ىستەپ، 2030 – جىلى بۇكىل ەلىمىزدەگى اۋىل - قىستاقتاردا قۇبىرلى سۋدى جالپىلاستىرۋ مولشەرىن %98 كە جەتكىزۋگە كۇش سالادى.

كەلۋ قاينارى: حالىق تورابى