قازاقستان استاناسىنداعى جۇڭگو كاسىپورنى سالعان جەڭىل رەلس سالىنىپ بولدى ءارى پويەز قاتىنادى 

شينحۋا اگەنتتىگىنىڭ ءتىلشىسى جاڭ جييە 5 – ايدىڭ 16 – كۇنى استانادان حابارلايدى. قازاقستان استاناسى استانا قالاسىنداعى جۇڭگو كاسىپورنى سالعان جەڭىل رەلس ينجەنەرياسىنىڭ ءبىرىنشى كەزەڭىندە 5 - ايدىڭ 16 – كۇنى پويەز قاتىناۋ سالتى وتكىزىلدى.

قازاقستان زۇڭتۇڭى توقايەۆ سول كۇنى جەڭىل رەلستى پويەزدىڭ تۇڭعىش جولاۋشىسى رەتىندە، اۋەجاي بەكەتىنەن مەملەكەتتىك مۇراجاي بەكەتىنە دەيىن وتىرىپ سىناپ كوردى. كولىك قاتىناۋ سالتاناتىندا توقايەۆ جۇڭگولىق قۇرىلىسشىلارعا العىس ايتتى. ول: استانادا جەڭىل رەلستى پويەزدىڭ قاتىناۋى كەلەلى ماڭىزعا يە، استانا بولاشاقتا ازيا – ەۆروپا رايونىنداعى قاتىناس تورابىنا اينالۋى كەرەك، - دەدى.

قازاقستانداعى تاپسىرىس بەرۋشى جاق استانا قالالىق قاتىناس جۇيەسى شەكتى سەرىكتەستىگىنىڭ تانىستىرۋىنشا، استانا جەڭىل رەلستى پويەزى ورتا ازيا رايونىنداعى تۇڭعىش قالالىق جەڭىل رەلستى پويەز بولىپ تابىلادى. بۇل رەت پويەز قاتىناعان ءبىرىنشى كەزەڭدەگى ينجەنەريانىڭ جالپى ۇزىندىعى شامامەن 22.4 كيلومەتر، جالپى 18 بەكەت ورنالاستىرىلىپ، اۋەجاي، نازاربايەۆ داشۋەسى، مەملەكەتتىك مۇراجاي، جاڭا پويەز بەكەتى سياقتى استانانىڭ بەلگىلى قۇرىلىستارى مەن ماڭىزدى فۋنكتسيالىق رايوندارىن تۇتاستىرادى.

قازاقستان زۇڭتۇڭ سارايىنىڭ ايتۋىنشا، قالاداعى الەۋمەتتىك قاتىناستى اناعۇرلىم دامىتۋ ءۇشىن، استانا جەڭىل رەلستى پويەز ينجەنەرياسىنىڭ ەكىنشى كەزەڭىن جوسپارلاپ اتقارۋدا.

كەلۋ قاينارى: حالىق تورابى