جۇڭگو، ا ق ش،  اراب بىرىككەن امىرلىگىنىڭ ساقشى جاعى تەلەگراف، توراپ الدامكوستىگى قىلمىسىنا بىرلەسىپ سوققى بەرۋ قيمىلىن تۇڭعىش رەت ورىستەتتى

شينحۋا اگەنتتىگىنىڭ 5 – ايدىڭ 17 - كۇنى بەيجيڭنەن بەرگەن حابارى. ءتىلشىنىڭ 5 – ايدىڭ 17 – كۇنى قوعام حاۋىپسىزدىگى مينيسترلىگىنەن ۇعىسۋىنشا، تاياۋدا جۇڭگو، ا ق ش، اراب بىرىككەن امىرلىگى ەلدەرىنىڭ ساقشىلارى تۇڭعىش رەت حالىقارالىق زاڭ اتقارۋ سەلبەستىگىن ورىستەتىپ، دۋباي رايونىنداعى تەلەگراف، توراپ الدامكوستىگى قىلمىسىنا بىرلەسىپ سوققى بەرىپ، 9 الدامكوستىك اپانىن ءساتتى تالقانداپ، 276 قىلمىس كۇماندىسىن ۇستاعان. تەكسەرۋ ارقىلى قاتىستى الدامكوستىك توپتار الەۋمەتتىك جەلى ارقىلى زيانكەستىككە ۇشىراۋشىمەن ”ماحاببات“ قاتىناسىن ورناتىپ، سۇيىسپەنشىلىك سەنىمىن الداپ العاننان كەيىن، زيانكەستىككە ۇشىراۋشىنى اتالمىش جوعارى قارىمجى قۇپيا اقشا نىسانىنا قارجى قوسۋعا شىرعالاپ، زياندالۋشىنى الدايدى.

قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەدى: وسى رەتكى بىرلەسىپ سوققى بەرۋ ارەكەتى جۇڭگو ساقشى جاعىنىڭ حالىقارالىق زاڭ اتقارۋ سەلبەستىگىن ورىستەتۋدەگى ماڭىزدى تابىسى، جۇڭگو ساقشى جاعى ءتىپتى دە كوپ ەلدەرمەن ناقتى سەلبەستىكتى تەرەڭدەتىپ، بىرلەسىپ سوققى بەرۋ ارەكەتىن ورىستەتىپ، ەلەكتر الدامكوستىگى اپاندارىن باتىل الاستاپ، ەلەكتر الدامكوستىگىنە ساياتىن قىلمىس كۇماندىلارىن بار كۇشپەن تۇتقىنداپ، ءار ەل حالقىنىڭ زاڭدى ۇقىق ـ مۇددەسىن شىنايى قورعايدى.

كەلۋ قاينارى: حالىق تورابى