شينجياڭنىڭ الداعى بىرنەشە كۇندەگى اۋا رايىنان مالىمەت

ءتىلشىنىڭ شينجياڭ اۋا رايى ستانسياسىنان ۇعىسۋىنشا وسى اپتادا (5 – ايدىڭ 18 – كۇنىنەن 24 – كۇنىنە دەيىن) بۇكىل شينجياڭنىڭ باسىم كوپ ساندى جەرىندە ىلگەرىندى – كەيىندى ءبىر رەت بوران سوعادى، قۇمدى بوران سوعادى جانە ءبىر رەت جاۋىن – شاشىن بولادى. تەمپەراتۋرا تولقۋ بارىسىندا قايتا ورلەيدى، سولتۇستىك شينجياڭ مەن شىعىس شينجياڭدا تەمپەراتۋرا كورنەكتى تومەندەيدى، بوكتەرلى وڭىرلەردە قىراۋ ۇسىگى بولادى.

5 ـ ايدىڭ 21 ـ كۇنى تۇننەن 23 ـ كۇنىنە دەيىن، سولتۇستىك شينجياڭنىڭ باسىم كوپ بولەگىندە، وڭتۇستىك شينجياڭنىڭ باتىس بولەگىندەگى تاۋلى رايونداردا، بايىنعولىن وبلىسىنىڭ تاۋلى رايوندارىندا، قۇمىل قالاسىنىڭ سولتۇستىك بولەگىندەگى تاۋلى رايونداردا سەبەزگى جاڭبىر جاۋادى، ورتاشا، بيىك تاۋلى رايونداردا جاڭبىر ارالاس قار نەمەسە قار جاۋادى، مۇنىڭ ىشىندە ىلە اڭعارىنداعى تاۋلى رايونداردا، بۇراتالا وبلىسىندا، تارباعاتاي ايماعىنىڭ وڭتۇستىك بولەگىندەگى تاۋلى رايونداردىڭ ءىشىنارا جەرلەرىندە نوسەر نەمەسە قار جاۋادى؛ جوعارىدا ايتىلعان باسىم كوپ ساندى وڭىرلەردە باتىس سولتۇستىكتەن 5 بال اينالاسىندا بوران سوعادى، جەل وتىندە 11 بال بوران سوعادى، وڭتۇستىك شينجياڭ ويپاتىندا قيىس شىعىستان 5 بال اينالاسىندا بوران سوعادى، ءىشىنارا وڭىرلەردە قۇمدى بوران سوعادى.

وسى اپتادا ءۇرىمجى قالاسىندا نەگىزىنەن كۇن اشىق نەمەسە بۇلتتى بولادى، 5 - ايدىڭ 22 - كۇنىنەن (جۇما) 23 - كۇنىنە (سەنبى) دەيىن، كوپ جەرىندە كۇن بۇلتتاپ، وتكىنشى جاڭبىر جاۋادى، باتىس سولتۇستىكتەبن 5 تە 6 بال بوران سوعادى، نانشان تاۋىنىڭ ورتاشا، بيىك جەرلەرىندە از مولشەردە جاۋىن - شاشىن بولادى، تاۋدىڭ بيىك جەرلەرىندە قار جاۋادى، دابانچىڭ رايونىندا كۇن بۇلتتى بولىپ، قيىس باتىستان 10 بال شاماسىندا بوران سوعادى، وسى اپتادا قالا رايونىندا تومەن تەمپەراتۋرا 8 سەلتسي گرادۋستان 13 سەلتسي گرادۋسقا دەيىن بولادى، جوعارى تەمپەراتۋرا 19 سەلتسي گرادۋستان 25 سەلتسي گرادۋسقا دەيىن بولادى.