جۇڭگونىڭ تايلاندتا تۇراتىن ەلشىحاناسى جۇڭگو ازاماتتارىنا حاۋىپسىزدىك ساقتىق تانىمىن كۇشەيتۋدى تاعى ءبىر رەت ەسكەرتتى

شينحۋا اگەنتتىگىنىڭ 5 – ايدىڭ 19 - كۇنى بانگكوكتان بەرگەن حابارى. ءتىلشىنىڭ تايلاندتىڭ ساكاو ولكەسىندەگى جۇڭگو ازاماتتارىنىڭ زاڭسىز قاماۋعا الىنعاندىعى ءارى قوقانلوقىعا ۇشىراۋ دەلوسى جونىندە قويعان سۇراۋىنا جاۋاپ بەرگەندە، جۇڭگونىڭ تايلاندتا تۇراتىن ەلشىحاناسىنىڭ مالىمدەمەشىسى 5 – ايدىڭ 19 - كۇنى بىلاي دەدى: ەلشىحانا بۇعان ايرىقشا نازار اۋدارىپ، تايلاندتىڭ قاتىستى تاراۋلارىنان دەلو جاعدايىن دەرەۋ ۇعىستى ءارى تايلاند جاقتى زاڭ بويىنشا، ءادىل، جاريا تەكسەرۋ جۇرگىزۋگە، دەلو فاكتىن تەز ارادا انىقتاپ، زاڭعا قايشىلىق جاساعان بارلىق قىلمىستىلاردى زاڭ بويىنشا جازالاۋعا قۋزادى.

مالىمدەمەشى بىلاي دەدى: جۇڭگو تايلاندتىڭ زاڭ اتقارۋدى باقىلاۋ مەن قوعام اماندىعىن باسقارۋدى ونان ارى كۇشەيتىپ، تايلاندتاعى جۇڭگو ازاماتتارىنىڭ باس اماندىعى مەن زاڭدى ۇقىق ـ مۇددەسىن شىنايى قامتاماسىزداندىرىپ، جۇڭگو مەن تايلاند حالقىنىڭ بارىس ـ كەلىسى مەن دوستىق سەلبەستىگىنىڭ تاماشا ورتاسىن قورعاۋىن ءۇمىت ەتەدى. مالىمدەمەشى تاعى بىلاي دەدى: ەلشىحانا تايلاندتاعى جانە تايلاندقا باراتىن جۇڭگو ازاماتتارىنا تايلاندتىڭ زاڭ، زاڭدىق ەرەجەلەرىنە قاتاڭ بويسۇنىپ، حاۋىپسىزدىك ساقتىق تانىمىن كۇشەيتىپ، باس اماندىعى مەن مال ـ مۇلىك حاۋىپسىزدىگىنە كوڭىل ءبولۋدى تاعى ءبىر رەت ەسكەرتەدى. ەگەر شۇعىل جاعدايعا تاپ بولساڭىز، دەر كەزىندە ساقشىعا مالىمدەڭىز ءارى جۇڭگونىڭ تايلاندتا تۇراتىن ەلشىحاناسىمەن، كونسۋلحاناسىمەن بايلانىس جاساپ، كومەك سۇراڭىز.

كەلۋ قاينارى: حالىق تورابى