جۇڭگو مەن ا ق ش شەكارا اتتاعان ءبىر قىلمىستىق ىستەر دەلوسىن ءساتتى تۇردە بىرگە انىقتادى 

شينحۋا اگەنتتىگىنىڭ ءتىلشىسى لي ميڭحۇي 5 - ايدىڭ 21 – كۇنى بەيجيڭنەن حابارلايدى. ءتىلشىنىڭ 5 - ايدىڭ 21 - كۇنى قوعام حاۋىپسىزدىگى مينيسترلىگىنەن ۇعىسۋىنشا، 2024 - جىلدان بەرى، جۇڭگو قوعام حاۋىپسىزدىگى مينيسترلىگى ەسىرتكىگە تيىم سالۋ مەڭگەرمەسى مەن ا ق ش ءادىليا مينيسترلىگى ەسىرتكىگە تيىم سالۋ مەڭگەرمەسى جاڭا رۋحاني اكتيۆ زاتتاردى شەكارا اتتاپ ساتۋ دەلوسى جونىندە بىرلەسىپ تەكسەرۋ جۇرگىزدى. 2026 - جىلى 2 - ايدا، ا ق ش جاق قامداعان دەرەك بويىنشا، تيانجين ساقشى جاعى قىلمىس كۇماندىسى گۇڭ X تى ءساتتى ۇستادى. الدىمەن، ا ق ش جاق ا ق ش - نىڭ جورجيا شتاتىندا وسى دەلوعا قاتىستى ەسىرتكىگە ساياتىن ا ق ش ازاماتتىعىنداعى ءبىر قىلمىس كۇماندىسىن ۇستاعان بولاتىن. بۇل دەلونىڭ ءساتتى انىقتالۋى، جۇڭگو مەن ا ق ش - نىڭ ەسىرتكىگە تيىم سالۋعا قاتىستى زاڭ اتقارۋ جاعىنداعى سەلبەستىگىنىڭ قۇرىلىمدى تۇردە ورىستەتىلگەنىنىڭ ايعاعى عانا بولىپ قالماستان، ەكى جاقتىڭ شەكارا اتتاعان قىلمىستىق ىستەرگە سايكەسە سوققى بەرۋدەگى تاعى ءبىر ناقتى جەتىستىگى بولىپ، ەكى ەلدىڭ زاڭ اتقارۋ قۇرىلىمدارىنىڭ ەسىرتكىگە ساياتىن قىلمىستىق ىستەر ارەكەتىنە جانە وعان قاتىستى شەكارا اتتاعان قىلمىستىق ىستەر ارەكەتىنە استە كەشىرمەيتىن قاتاڭ پوزيتسيا ۇستاناتىنىن ايگىلەدى.

كەلۋ قاينارى: حالىق تورابى