قوعام حاۋىپسىزدىگى مينيسترلىگى: ”تۇلكى اۋلاۋ ارەكەتى“ بارىسىندا شەتەلگە قاشقان قىلمسكەرلەردەن 880 نەن استام ادام ۇستالدى، ونىڭ ىشىندە قىزىل ءتۇستى قۋعىنداۋ بۇيرىعى شىعارىلىپ ىزدەلىپ جاتقان قاشقىن قىلمىسكەرلەردەن 38 ادام بار

شينحۋا اگەنتتىگىنىڭ تىلشىلەرى لي ميڭحۇي، سۇن پىڭچىڭ 5 - ايدىڭ 20 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ەكونوميكالىق جاقتاعى قىلمىستىق ىستەرگە بارلاۋ جۇرگىزۋ مەڭگەرمەسىنىڭ باستىعى حۋا ليەبيڭ 5 - ايدىڭ 20 - كۇنى قوعام حاۋىپسىزدىگى مينيسترلىگىنىڭ اقپارات جاريالاۋ ماجىلىسىندە بىلاي دەپ تانىستىردى: 2025 - جىلدان 2026 - جىلى 4 - ايدىڭ سوڭىنا دەيىن، بۇكىل ەلىمىزدەگى قوعام حاۋىپسىزدىگى ورگاندارى ەكونوميكالىق جاقتاعى قىلمىستىق ىستەرگە قاتىستى ءتۇرلى دەلولاردان جيىنى 128 مىڭ دەلونى انىقتاپ، 37 ميلليارد 500 ميلليون يۋان ەكونوميكالىق زياننىڭ ورنىن تولتىردى.

مۇنىڭ ىشىندە، بۇكىل ەلىمىزدەگى قوعام حاۋىپسىزدىگى ورگاندارى شەكارا سىرتىنداعى سەرىكتەستىك پەن جاسىرىن بانكەدەن پايدالانىپ زاڭسىز اقشانى شەتەلگە اۋدارۋعا سوققى بەرۋگە قاتىستى ”جويۋ“ ارناۋلى قىزمەتىن ۇيىمداستىرىپ ورىستەتىپ، جيىنى 1600 دەن استام دەلونى انىقتاپ، ءوڭىر اتتاعان 100 دەن استام جاسىرىن بانكە قىلمىستىق تورىنا شوعىرلى سوققى بەردى؛ شەتەلدەگى قاشىپ جۇرگەن ەكونوميكالىق قىلمىس كۇماندىلارىن ۇستاۋعا قاتىستى ”تۇلكى اۋلاۋ ارەكەتىن“ ۇيىمداستىرىپ ورىستەتىپ، شەتەلدەگى قاشقىن قىلمىسكەرلەردەن 880 نەن استام ادامدى ۇستادى، مۇنىڭ ىشىندە قىزىل ءتۇستى قۋعىنداۋ بۇيرىعى شىعارىلىپ ىزدەلىپ جاتقان قاشقىنداردان 38 قاشقىن قامتىلعان.

كەلۋ قاينارى: حالىق تورابى