بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.05.20 15:47 كەلۋ قاينارى : حالىق تورابى
5 - ايدىڭ 15 - كۇنى، 2 - كەزەكتى جۇڭگو شينجياڭ حالىقتىق كوركەمونەر ماۋسىمى جونىندەگى اقپارات جاريالاۋ ءماجىلىسى ءۇرىمجى قالاسىندا وتكىزىلدى. بۇل كەزەكتى ونەر مەرەكەسى 5 - ايدىڭ 22 - كۇنى باستالادى، ءۇش كەزەڭگە ءبولىنىپ وتكىزىلەدى، بۇكىل ەلىمىز بويىنشا حالىقتىق كوركەمونەر كورمەلىك قويىلىمى، حالىققا تيىمدىلىك جاساۋ ماقساتىندا ارالاي ويىن قويۋ، تاڭداۋلى نومىرلەردى سارالاۋ جانە اۋىس - كۇيىس جاساۋ، كورسەتۋ سياقتى قيمىلدار قامتىلادى ءارى بەيزاتتىق مادەني مۇرالاردى جاسامپازدىقپەن جاساۋ، كوركەمونەرلىك فوتو كورمەسى سياقتى مادەنيەت پەن ساياحات مازمۇندارى ۇشتاستىرىلىپ، ”شينجياڭ - جاقسى جەر“ دەگەن ماركانى ۇزدىكسىز ايگىلەيدى.
ءبىرىنشى كەزەڭى باستالۋ قيمىلى بولىپ، 5 - ايدىڭ 22 - كۇنىنەن 26 - كۇنىنە دەيىن ءۇرىمجى مادەنيەت ورتالىعىندا نەگىزگى الاڭ ورنالاستىرىلادى، بۇكىل ەلىمىزدەگى ءارقايسى ولكە، اۆتونوميالى رايون، توتە قاراستى قالالاردان تاڭداۋلى حالىقتىق كوركەمونەر نومىرلەرىنەن 30 ءنومىر، اۆتونوميالى رايون جانە شينجياڭ ءوندىرىس - قۇرىلىس بيڭتۋانىنان 17 ءنومىر ۇسىنىس ەتىلىپ، 47 ويىن قويۋ ۇيىرمەسى بىرىكتىرىلىپ، كولەمدى جالپىلىق كورمەلىك قويىلىم وتكىزىلەدى. سونىمەن بىرگە، ءۇرىمجى، سانجى، بيڭتۋان 12 - شىسى قاتارلى كوپ جەردە بولىمشە الاڭ ورنالاستىرىلىپ، حالىققا تيىمدىلىك جاساۋ ماقساتىندا كوركەمونەر نومىرلەرىن ”الەۋمەتتىك اۋماقتارعا جەتكىزۋ، مالىلەرگە جەتكىزۋ، كورىنىس رايوندارىنا جەتكىزۋ“ سىندى ارناۋلى ويىن قويۋ قيمىلى ورىستەتىلەدى.
ەكىنشى كەزەڭدە بۇكىل شينجياڭداعى حالىقتىق كوركەمونەر نومىرلەرىن سارالاپ كورمەلىك قويىلىم ۇيىمداستىرىلادى، 6 - ايدان 9 - ايعا دەيىن ءۇش كەزەك بولىپ، حالىق مۋزيكاسى، حالىق ءبيى، حالىق ءان - كۇيى سىندى ءۇش ۇلكەن ءتۇر بويىنشا باعالانادى، سوڭىندا شينجياڭنىڭ ەرەكشەلىگىنە يە، جۇرتشىلىق ۇناتاتىن ءارى جالپىلاستىرۋعا قولايلى 30 تاڭداۋلى ءنومىردى سارالاپ شىعادى.
ءۇشىنشى كەزەڭدە تاڭداۋلى نومىرلەر جونىندە اۋىس - كۇيىس جانە كورسەتۋ قيمىلى ۇيىمداستىرىلادى، تاڭدالعان نومىرلەر ساپاسى جوعارىلاتىلىپ كەمەلدەندىرىلگەننەن كەيىن، 2027 - جىلى جەتىستىكتەن ەسەپ بەرۋ ماقساتىنداعى ويىن - ساۋىق ۇيىمداستىرىلادى ءارى بۇكىل شينجياڭ بويىنشا ارالاپ ويىن قويۋ جانە اۋىس - كۇيىس جاساۋ، كورمەلىك قويىلىم قيمىلى ورىستەتىلەدى.
كەلۋ قاينارى: حالىق تورابى
