قوعام حاۋىپسىزدىگى مينيسترلىگى: باجىعا ساياتىن قىلمىستارعا زاڭ بويىنشا قاتاڭ سوققى بەرىپ، 8400 دەن استام دەلو تۇرعىزىپ، بارلاۋ جۇرگىزدى

شينحۋا اگەنتتىگىنىڭ 5 – ايدىڭ 20 - كۇنى بەيجيڭنەن بەرگەن حابارى. قوعام حاۋىپسىزدىگى مينيسترلىگى ەكونوميكالىق قىلمىستاردى بارلاۋ مەكەمەسىنىڭ باستىعى حۋا ليبيڭ 5 – ايدىڭ 20 - كۇنى قوعام حاۋىپسىزدىگى مينيسترلىگىنىڭ اقپار جاريالاۋ ماجىلىسىندە تىلشىلەردىڭ سۇراۋىنا جاۋاپ بەرگەندە بىلاي دەدى: 2025 – جىلدان 2026 – جىلى 4 – ايدىڭ سوڭىنا دەيىن بۇكىل ەلدەگى قوعام حاۋىپسىزدىگى ورگاندارى باجىعا ساياتىن زاڭعا قايشى قىلمىستىق ارەكەتتەرگە ۇنەمىلىك بىرلەسىپ سوققى بەرۋ قىزمەت مەحانيزمىندە باجىعا ساياتىن قىلمىستارعا زاڭ بويىنشا قاتاڭ سوققى بەردى، باجى الۋ - باجى باسقارۋعا زالال جەتكىزەتىن 8400 دەن استام قىلمىسقا دەلو تۇرعىزىپ، بارلاۋ جۇرگىزىپ، 2 ميلليارد 300 ميلليون يۋاننان استام ەكونوميكالىق زياندى قايتارىپ الدى.

ناقتى ادىستەر مىنالاردى قامتيدى: ءبىرىنشى، باجى تاراۋلارىمەن تىعىز سەلبەسىپ، وتىرىك تىركەلگەن جالعان سەرىكتىكتەردىڭ جالعان اشۋ، ۇكىمەتتىڭ سيلىق قوسىمشا قاراجاتىن الداپ الۋ قاتارلى قىلمىستارىنا سوققى بەرۋدى ءتۇيىن ەتۋ؛ ەكىنشى، ەكسپورتتان قايتارىلاتىن باجىنى الداپ الۋ قىلمىسىنا قاتاڭ سوققى بەرۋ، 2025 - جىلدان بەرى بۇكىل ەلدەگى قوعام حاۋىپسىزدىگى ورگاندارى باجى الدامشىلىعى دەلوسىنان 300 دەن استامىنا دەلو تۇرعىزدى، بيىل جىل باسىنان بەرى قايتارىلىپ الىنعان تىكەلەي ەكونوميكالىق زيان وتكەن جىلداعى ۇقساس مەزگىلدەگىدەن %20.8 ارتتى: ءۇشىنشى، ەڭ جوعارى حالىق پروكۋراتۋراسىمەن بىرلەسىپ، ارتقان قۇن باجىسى ارناۋلى تالونىن جالعاننان كەسۋ قىلمىسى، ەكسپورتتان قايتارىلاتىن باجىنى الداپ الۋ قىلمىس دەلولارىنىڭ دالەل - سىپات جەتەكشىلىگىن باسىپ تاراتىپ، دەلو باسقارۋدىڭ ساپاسىن، ونىمدىلىگىن جانە زاڭ اتقارۋدى ارناعا ءتۇسىرۋ ورەسىن شىنايى جوعارىلاتتى.

كەلۋ قاينارى: حالىق تورابى