ۇكىمەت جاق جۇڭگولىق ينتەرنەت قولدانۋشىلارىنا باعىتتالعان ”كۇمىس تۇلكى“ جەلىلەس ترويان ۆيرۋسىمەن شابۋىلداۋ قيمىلى جونىندە دابىل قاعۋ مالىمەتىن جاريالادى 

ورتالىق تەلەۆيزيا تورابىنىڭ حابارى: مەملەكەتتىك كومپيۋتەر ۆيرۋسىن شۇعىل ءبىرجاقتى ەتۋ ورتالىعى جۇڭگولىق ينتەرنەت قولدانۋشىلارىنا باعىتتالعان ”كۇمىس تۇلكى“ جەلىلەس ترويان ۆيرۋسىمەن شابۋىلداۋ قيمىلى جونىندە دابىل قاعۋ مالىمەتىن جاريالادى.

جۋىقتا، مەملەكەتتىك كومپيۋتەر ۆيرۋسىن شۇعىل ءبىرجاقتى ەتۋ ورتالىعى مەن كومپيۋتەر ۆيرۋسىنان ساقتانۋ تەحنولوگياسى مەملەكەتتىك ينجەنەريالىق زەرتتەۋ ورنى مەملەكەتتىك كومپيۋتەر ۆيرۋسىنا سەلبەسىپ تالداۋ جاساۋ تەكشەسىنە سۇيەنىپ، حۇجات اتىندا ”ىشكى تەكسەرۋ ناتيجەسى“، ”تارتىپكە قايشىلىق جاساعاندار تىزىمدىگى“، ”تارتىپكە قايشىلىق جاساعاندار جونىندەگى حابارلاندىرۋ“، ”قىزمەتكەر قىسقارتۋ تولەمى“ سياقتى سوزدەر قامتىلعان كوپتەگەن بوتەن نيەتتى باعدارلامالاردى بايقاعان، بۇل بوتەن نيەتتى باعدارلامالار جىلدام مەڭگەرۋ ءتاسىلى، حۇجات قالتاسى، حۇجات نەمەسە سىعىمدالعان حۇجات تۇرىندە كورىنگەنىمەن، ءىس جۇزىندە Windows تەكشەسىن قولدانۋشىلارعا قاراتىلعان قاشىقتان باسقاراتىن ترويان ۆيرۋسى بولىپ شىققان. تالداۋ جاساۋ ارقىلى، بۇل ترويان ۆيرۋسىنىڭ بارلىعى ەلىمىزدەگى ينتەرنەت قولدانۋشىلارىنا قاراتىلعان ”كۇمىس تۇلكى“ ترويان ۆيرۋسىمەن شابۋىلداۋ قيمىلىنىڭ ەڭ جاڭا وزگەرگەن ءتۇرى ەكەندىگى انىقتالدى. ەگەر قولدانۋشىلار قاتىستى بوتەن نيەتتى باعدارلامالىق حۇجاتتاردى ابايسىزدا ىسكە قوسسا، شابۋىلشىلاردىڭ الىس ارالىقتان باسقارۋ، مەڭگەرۋ، قۇپيالىقتى ۇرلاۋ قاتارلى بوتەن نيەتتى شابۋىلىنا ۇشىرايدى ءارى ينتەرنەتتەن پايدالانعان قىلمىسكەرلەر بۇل ينفورماتسيالاردى تەلەكومنان پايدالانعان الدامشىلىق قيمىلىن جۇرگىزۋدىڭ ”باسپالداعى“ رەتىندە پايدالانۋى مۇمكىن.

كەلۋ قاينارى: حالىق تورابى