ءبىر قىلمىستىق توپ قۇرىلىس الاڭىنان 500 توننادان استام بولات شىبىق ۇرلاعان، دەلوعا قاتىستى 6 ادامنىڭ بارلىعى تۇتقىندالدى

جۋىردا، سىچۋان ولكەسى لياڭشان وبلىسى شيچاڭ قالالىق قوعام حاۋىپسىزدىگى مەكەمەسى قۇرىلىس الاڭىنان قۇرىلىس ماتەريالىن ۇرلاۋعا قاتىستى ەرەكشە ۇلكەن دەلونى ءساتتى انىقتاپ، قىلمىس كۇماندىلارىنان 6 ادامدى ۇستاپ، ۇرلانعان 500 توننادان استام بولات شىبىقتى انىقتاپ قولعا تۇسىرگەن، دەلوعا ساياتىن سوما ءبىر ميلليون يۋاننان اسقان.

جۋىردا، شيچاڭ قالاسىنداعى ءمالىم ءبىر قۇرىلىس الاڭى ساقشىعا مالىمدەپ، قۇرىلىس ورنىنداعى كوپ مولشەردەگى بولات شىبىق ماتەريالدارىنىڭ ۇرلانعاندىعىن ايتقان. حاباردى قابىلداعاننان كەيىن، شيچاڭ قوعام حاۋىپسىزدىگى مەكەمەسى ناق مايداندى تەكسەرۋ، ءىز سالىستىرۋ، توڭىرەكتەگىلەردەن ارالاپ ۇعىسۋ جانە كەسكىن ارقىلى تالداۋ جاساۋ قىزمەتتەرىن جاپپاي ورىستەتكەن. دەلونى بىتىرۋگە جاۋاپتى حالىق ساقشىسى ءىرى ساندى مالىمەتتەرگە تالداۋ جاساۋ جانە زەردەلى ساقشى ىستەرى تاسىلدەرىنە سۇيەنىپ، ۇرلىق قىلمىسىنىڭ كۇماندىلارىنان 3 نەگىزگى ادامدى تەز ارادا تۇراقتاندىرىپ، بۇل قىلمىستىق توپتىڭ قۇرىلىمىن، دەلو تۋدىرۋ زاڭدىلىعىن جانە ۇرلاعان زاتتاردى ساۋدالاۋ ارناسىن ءساتتى انىقتاعان.

بۇكىل تىزبەك بويىنشا سوققى بەرۋ ءۇشىن، شيچاڭ قالالىق قوعام حاۋىپسىزدىگى مەكەمەسى قىلمىستىق ىستەردى بارلاۋ ۇلكەن اترەتى چۋانشيڭ ساقشى بولىمشەسىمەن بىرگە شوعىرلى تۇتقىنداۋ ارەكەتىن ورىستەتىپ، ۇرلىق قىلمىسىنىڭ كۇماندىلارىنان 3 ادامدى، ۇرلانعان زاتتاردى قابىلداعان 2 ادامدى جانە تاسىمالداۋعا جاۋاپتى بولعان ءبىر ادامدى ءبىر جولدا تۇگەل ۇستاپ، ولاردىڭ ”ۇرلاۋ - تاسىمالداۋ – وتكىزۋ“ سىندى زاڭسىز كاسىپ تىزبەگىن ءۇزدى.

زاڭ بويىنشا تەكسەرۋ ارقىلى انىقتاۋعا قاراعاندا، بۇل قىلمىستىق توپتىڭ جۇمىس ءبولىسى ايقىن بولىپ، ءار جەردى ارالاپ ءجۇرىپ دەلو تۋدىرعان، ىلگەرىندى - كەيىندى قۇرىلىس الاڭىندا 10 نەشە رەت ۇرلىق ىستەپ، قۇرىلىسقا پايدالاناتىن بولات شىبىقتان جالپى 500 توننادان استامىن ولەرمەندەنە ۇرلاعان، دەلوعا ساياتىن سوما ءبىر ميلليون يۋاننان اسقان.

قازىر، دەلو ءالى ىشكەرىلەي تەكسەرىلۋدە.

(باس ستانسيا ءتىلشىسى لي جىن، حۋاڭ لي)

كەلۋ قاينارى: حالىق تورابى