پارا بەرۋ قىلمىس كۇماندىسى شۋە گوچۋان ەلگە قايتارىلدى

شينحۋا اگەنتتىگىنىڭ 5 – ايدىڭ 25 - كۇنى بەيجيڭنەن بەرگەن حابارى. تاياۋدا ورتالىقتىڭ شىرىكتەسۋگە قارسى تۇرۋدى سايكەستىرۋ گرۋپپاسى حالىقارالىق قاشقىنداردى قۋعىنداۋ جانە زاڭسىز ولجانى قايتارىپ الۋ قىزمەت كەڭسەسىنىڭ ءبىرتۇتاس سايكەستىرۋىندە جانە قوعام حاۋىپسىزدىگى مينيسترلىگىنىڭ سەلبەسۋىندە، حۋنان ولكەلىك باقىلاۋ - تەكسەرۋ ورگانى قاتىستى ەلدەردىڭ زاڭ اتقارۋ ورگاندارىمەن تىعىز سەلبەسۋ ارقىلى پارا بەرۋ قىلمىس كۇماندىسى شۋە گوچۋاندى شەتەلدە تورعا ءتۇسىردى ءارى ەلگە قايتارىلدى. حۋنان ولكەلىك باقىلاۋ - تەكسەرۋ ورگانى شۋە گوچۋاننىڭ پارا بەرۋ قىلمىسى ماسەلەسىنە دەلو تۇرعىزىپ تەكسەرۋ جۇرگىزۋدە.

ورتالىقتىڭ قاشقىنداردى قۋعىنداۋ كەڭسەسىنىڭ جاۋاپتىسى بىلاي دەدى: 20 ـ كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ رۋحىن تياناقتاندىرىپ، پارا الۋدى، پارا بەرۋدى بىرگە تەكسەرۋدى تەرەڭدەتىپ، سىرتقا باعىتتالعان زاڭ اتقارۋ، ءادىليالىق سەلبەستىك سەرپىنىن ارتتىرىپ، پارا بەرگەن قىلمىس كۇماندىلارىنىڭ قاشىپ جۇرگەندەرى بولسا، ءسوز جوق، قۋعىنداپ، سوڭىنا دەيىن ىزدەپ، ”قورشاپ اۋلاۋدىڭ“ لاستانۋ قاينارىن باتىل الاستايمىز.

كەلۋ قاينارى: حالىق تورابى