كامبودجا قاتارلى ەلدەردىڭ تەلەفون الدامكوستەرى يندونەزياعا جوتكەلىپ دەلو تۋدىردى، ەلىمىزدىڭ ەلشىحاناسى يندونەزياداعى جۇڭگو ازاماتتارىنا ساقتانۋعا كوڭىل ءبولۋدى ەسكەرتتى

تاياۋدا جۇڭگونىڭ يندونەزيادا تۇراتىن ەلشىحاناسى، كونسۋلحاناسى جۇڭگو ازاماتتارىنىڭ تەلەفون الدامكوستىگىنە تاپ بولعان كومەك سۇراۋ دەلوسىن تاپسىرىپ الدى، كوپتەگەن باۋىرلاستار اۋىر ەكونوميكالىق زيانعا ۇشىراعان. كەيبىر دەرەكتەرگە نەگىزدەلگەندە، كامبودجا قاتارلى ەلدەردەگى تەلەفون الدامكوستىگىمەن شۇعىلدانعان ادامدار يندونەزياعا جوتكەلىپ دەلو تۋدىرىپ جاتىر ەكەن، يندونەزيا جاق كوپتەگەن تەلەفون الدامكوستىگى اپاندارىن تالقاندادى.

قازىر يندونەزيادا تۋىلعان تەلەفون الدامشىلىعىنىڭ ءتۇرى نەگىزىنەن ۇكىمەت قۇرىلىمدارىنداعى قىزمەتكەرلەردىڭ اتىن جامىلعان الدامشىلىق، شەتەل اقشاسىن اۋىستىرۋ الدامشىلىعى، ۆيزا الدامشىلىعى، ادامداردىڭ سەزىمى مەن قازىنا باسقارۋ ارمانىنان پايدالانۋ الدامشىلىعى، ”ارۋلار الدامشىلىعى“، ساۋدا - ساتتىق، قارجى قوسۋ الدامشىلىعى قاتارلىلار.

جۇڭگونىڭ يندونەزيادا تۇراتىن ەلشىحاناسى، كونسۋلحاناسى قالىڭ جۇڭگو ازاماتتارىنا حاۋىپسىزدىك ساقتىق تانىمىن جوعارىلاتىپ، ءتۇرلى الدامشىلىقتان قىراعى بولىپ، بەيتانىس ادامدارعا جەكە ينفورماتسياسىن ايتپاۋدى، وڭاي – وسپاق اقشا جوتكەمەۋدى نەمەسە بەلگىسىز جالعانىمداردى باسىپ كورمەۋدى، ءوزىنىڭ مال - مۇلىك حاۋىپسىزدىگىن شىنايى قورعاۋدى ەسكەرتتى. ەگەر ابايسىز الدانىپ قالساڭىز، دەر كەزىندە ساقشىعا مالىمدەڭىز ءارى جۇڭگونىڭ يندونەزيادا تۇراتىن ەلشىحاناسىنان كومەك سۇراڭىز.

كەلۋ قاينارى: حالىق تورابى