ەڭ جوعارى حالىق پروكۋراتۋراسى سانشي ولكەسىنىڭ چينيۋان كومىر كەنىندە تۋىلعان اۋىر جاۋاپكەرشىلىك شىرعالاڭى دەلوسىن ماڭدايشالىق اسىپ قۋزادى

شينحۋا اگەنتتىگىنىڭ 5 – ايدىڭ 26 - كۇنى بەيجيڭنەن بەرگەن حابارى. ءتىلشىنىڭ 5 – ايدىڭ 26 – كۇنى ەڭ جوعارى حالىق پروكۋراتۋراسىنان ۇعىسۋىنشا، ءوندىرىس حاۋىپسىزدىگىنە زالال جەتكىزەتىن قىلمىستىق ىستەر قىلمىسىنا زاڭ بويىنشا قاتاڭ سوققى بەرىپ، حالىق بۇقاراسىنىڭ ءومىرى مەن مال – مۇلكىنىڭ حاۋىپسىزدىگىن قورعاۋ ءۇشىن، ەڭ جوعارى حالىق پروكۋراتۋراسى 5 – ايدىڭ 25 - كۇنى سانشيدىڭ چينيۋان كومىر كەنىندە تۋىلعان اۋىر جاۋاپكەرشىلىك شىرعالاڭى دەلوسىن ماڭدايشالىق اسىپ قۋزاۋدى ۇيعارعان.

5 – ايدىڭ 22 – كۇنى سانشي ولكەسى چاڭجى قالاسى چينيۋان اۋدانى سانشي تۇڭجوۋ توبى ليۋشىنيۇي كومىر شارۋاشىلىعى شەكتى سەرىكتەستىگىنىڭ كەن قۇدىعىندا گاز قوپارىلىسى تۋىلىپ، ەرەكشە اۋىر ءولىم – ءجىتىم جاعدايى تۋىلدى. ەڭ جوعارى حالىق پروكۋراتۋراسى سانشي ولكەلىك پروكۋراتۋرا ورگاندارىنان پروكۋراتۋرا فۋنكسياسىن تولىق اتقارىپ، قوعام حاۋىپسىزدىگى ورگاندارىمەن جانە قاتىستى تاراۋلارمەن سەلبەسىپ، شىرعالاڭنىڭ سەبەبىن، دەلو فاكتىن زاڭ بويىنشا انىقتاپ، شىرعالاڭداعى باستى جاۋاپتى ادامداردى زاڭ بويىنشا قاتاڭ جازالاۋدى تالاپ ەتتى.

پروكۋراتۋرا ورگاندارى ءوندىرىس حاۋىپسىزدىگىنە زالال جەتكىزەتىن قىلمىستارعا تەگەۋرىندى كۇيدى ساقتاپ، توپتىق ءولىم – ءجىتىم، توپتىق جارالانۋ، حالىق بۇقاراسىنىڭ اڭىسى كۇشتى بولعان ءوندىرىس حاۋىپسىزدىگىنە زالال جەتكىزەتىن اۋىر، ەرەكشە اۋىر قىلمىستاردى زاڭ بويىنشا قاتاڭ جازالاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن شىنايى قورعايدى.

كەلۋ قاينارى: حالىق تورابى