جۇڭگو ازاماتتارىنا جۋىردا كونگوعا (كينشاسا) مۇمكىندىگىنشە بارماۋدى ەسكەرتتى 

5 - ايدىڭ 17 - كۇنى، دۇنيە جۇزىلىك دەنساۋلىق ساقتاۋ ۇيىمى كونگوداعى (كينشاسا) بۋنديبۋگيو تيپتى ەبولا ۆيرۋسى ىندەتى ”دەنساۋلىق ساقتاۋ سالاسىنداعى حالىقارا نازار اۋدارعان توساتتان تۋىلعان وقيعا“ قالىپتاستىرعانىن جاريالادى. 5 – ايدىڭ 22 - كۇنى، دۇنيە جۇزىلىك دەنساۋلىق ساقتاۋ ۇيىمى كونگوداعى (كينشاسا) ىندەت جاعدايىنىڭ حاۋىپ - قاتەر دارەجەسىن ”وتە قاتەرلى“ دەگەن دەڭگەيگە كوتەردى. قازىرگە دەيىن، كونگو (كينشاسا) 900 دەن استام كۇماندى ناۋقاستى مالىمدەدى.

سىرتقى ىستەر مينيسترلىگى مەن جۇڭگونىڭ كونگودا (كينشاسا) تۇراتىن ەلشىحاناسى جۇڭگو ازاماتتارىنا جاقىن ارادا كونگوعا (كينشاسا) مۇمكىندىگىنشە بارماۋدى، قاجەتسىز جاعدايدا بارماۋدى ەسكەرتتى. كونگو (كينشاسا) جانە ونىڭ توڭىرەگىندەگى ەلدەردەگى باۋىرلاستار كونگونىڭ يتۋري ولكەسى، سولتۇستىك كيۆۋ ولكەسى قاتارلى ەبولا ۆيرۋسى تارالعان وڭىرلەرگە استە بارماۋى، جابايى حايۋاناتتارعا، كۇماندى ناۋقاستارعا جاناسۋدان ساقتانۋى، جۇعىمدالۋ حاۋىپ - قاتەرىن تومەندەتۋى قاجەت. قىزۋى ورلەۋ، قۇسۋ، ءىش ءوتۋ، ءىش اۋرۋ، قاناۋ قاتارلى اۋرۋ بەلگىلەرى بايقالسا، دەر كەزىندە ەمدەلۋى نەمەسە جۇڭگونىڭ ەمدەۋ اترەتىنەن كومەك سۇراۋى كەرەك. ەلگە قايتقان جولدا وسىنداي اۋرۋ بەلگىلەرى بايقالسا، ۇشاق قىزمەتكەرلەرىنە، شەكارا وتكەلى قىزمەتكەرلەرىنە ىرىقتى تۇردە مالىمدەۋى ءتيىس.

كەلۋ قاينارى: حالىق تورابى