سىرتقى ىستەر مينيسترلىگى: ەۆروپا جۇڭگو مەن ەۆروپانىڭ ەكونوميكا ـ ساۋدا قاتىناسىنا جان ـ جاقتى، وبيەكتيۆ مامىلە جاساۋى كەرەك

شينحۋا اگەنتتىگىنىڭ 5 - ايدىڭ 28 - كۇنى بەيجيڭنەن بەرگەن حابارى. ەۆروپا وداعى ءمانساپتىلارىنىڭ بىرنەشە كۇننىڭ الدىندا قاتىستى ”قۇرالداردى“ مولايتىپ، جۇڭگوعا قاراتىلعان ساۋدانى ”تەڭگەرۋ“ جوسپارىنا قاراتا، سىرتقى ىستەر مينيسترلىگىنىڭ مالىمدەمەشىسى ماۋ نيڭ 5 - ايدىڭ 28 - كۇنى كەزەكتى تىلشىلەر جينالىسىندا سۇراۋلارعا جاۋاپ بەرگەندە بىلاي دەدى: مەيلى ”حاۋىپ - قاتەردى الاستاۋ“، ”يەك سۇيەۋدى ازايتۋ“ بولسىن، الدە ايتىلمىش ”ساۋدا تەپە – تەڭدىگى“ بولسىن، ءىس جۇزىندە ءبارى دە قورعانىمپازدىق. ەۆروپا جاق جۇڭگو مەن ەۆروپانىڭ ەكونوميكا ـ ساۋدا قاتىناسىنا جان ـ جاقتى، وبيەكتيۆ مامىلە جاساپ، ەركىن ساۋدا ۋادەسىندە بەرىك تۇرۋى كەرەك.

ماۋ نيڭ بىلاي دەدى: حالىقارالىق ساۋدا ‐ قوس باعىتتى تالعام، زورلىقپەن ساتىپ الۋ، زورلىقپەن ساتىپ بەرۋ دەگەن بولمايدى. جۇڭگو مەن ەۆروپانىڭ ەكونوميكا ـ ساۋدا قاتىناسىنىڭ ءمانى — ءوزارا پايدا جەتكىزىپ، تەڭ يگىلىككە كەنەلۋ. جۇڭگو ەجەلدەن ەۆروپاعا قاراتىلعان ساۋدا وڭ بالانىسىنا بوي ۇرمايدى.

”ەگەر زات ساۋداسىنا عانا قاراپ، قىزمەت وتەۋ ساۋداسى مەن قارجى قوسۋ پايداسىنا قاراماسا، ساۋدا سيفرىنا عانا قاراپ، ساۋدا قۇرىلىمى مەن پايدانىڭ بەتالىسىنا قاراماسا، جۇڭگودان يمپورت ەتۋگە عانا قاراپ، ءوزىنىڭ ەكسپورتقا شەك قويۋىن ەلەپ – ەسكەرمەسە، ارينە، ساۋداداعى ’بىركەلكىسىزدىك‘ دەگەن سىڭار جاقتى قورىتىندى شىعارامىز.“

ماۋ نيڭ بىلاي دەدى: مەيلى”حاۋىپ - قاتەردى الاستاۋ“، ”يەك سۇيەۋدى ازايتۋ“ بولسىن، الدە ايتىلمىش ”ساۋدا تەپە – تەڭدىگى“ بولسىن، ءىس جۇزىندە بارلىعى قورعانىمپازدىق. مۇنداي شارا ەۆروپا تۇتىنۋشىلارىنىڭ مۇددەسىنە زيان جەتكىزىپ، كاسىپورىنداردىڭ وزىندىك قۇنىن جوعارىلاتىپ، كاسىپ سالاسىنىڭ ۇزاق بولاشاقتىق باسەكەلىك قۋاتىن السىرەتەدى. جۇڭگو جاق تا ەۆروپا جاقتىڭ بەتالىسىنا قاداعالاي نازار اۋدارىپ، قاجەتتى شارالار قولدانىپ، ءوزىنىڭ ورىندى ۇقىق ـ مۇددەسىن قورعايدى.

كەلۋ قاينارى: حالىق تورابى