دۇنيە جۇزىلىك اۋا رايى ۇيىمى: الداعى 5 جىلدا جوعارى تەمپەراتۋرالى اۋا رايى كوپ بولۋى مۇمكىن

شينحۋا اگەنتتىگىنىڭ 5 – ايدىڭ 28 – كۇنى جەنەۆادان بەرگەن حابارى. دۇنيە جۇزىلىك اۋا رايى ۇيىمى 5 – ايدىڭ 28 - كۇنى جاريالاعان ەڭ جاڭا مالىمەتتە 2026 ـ جىلدان 2030 ـ جىلعا دەيىنگى ارالىقتا بۇكىل جەر شارىنىڭ ورتاشا اۋا تەمپەراتۋراسى رەكورد جاراتقان جوعارى تەمپەراتۋرا دەڭگەيىن ۇزدىكسىز ساقتاۋى نەمەسە جاقىنداۋى مۇمكىن، سولتۇستىك ۇيەك تەمپەراتۋراسىنىڭ ورلەۋ مولشەرى بۇكىل جەر شارىنىڭ ورتاشا دەڭگەيىنەن جوعارى بولادى دەپ مەجەلەنىپ وتىر.

دۇنيە جۇزىلىك اۋا رايى ۇيىمى سول كۇنى مازمۇنداما جاريالاپ بىلاي دەدى: ۇلى بريتانيا اۋا رايى مەكەمەسى باس بولىپ قۇراستىرعان «دۇنيە جۇزىلىك جىلدار اراسىنداعى ەڭ جاڭا حابارلاندىرۋدا» وتكەن 5 جىلداعى كليماتتى باقىلاۋ جاعدايى ەسكە الىندى، سونداي ـ اق 2026 ـ جىلدان 2030 ـ جىلعا دەيىنگى بۇكىل جەر شارىنىڭ اۋا تەمپەراتۋراسى مەن جاۋىن ـ شاشىنىن وڭىرلەر بويىنشا مەجەلەدى.

مالىمەتتىڭ مەجەلەۋىنشە، 2026 - جىلدان 2030 - جىلعا دەيىنگى ارالىقتا بۇكىل جەر شارىنىڭ جىلدىق ورتاشا جەر بەتىنە جاقىن تەمپەراتۋراسى ونەركاسىپتەنۋدەن بۇرىنعى (1850 - جىلدان 1900 - جىلعا دەيىن) ورتاشا ماننەن 1.3 دە 1.9 سەلتسي گرادۋس جوعارى بولادى. وسى 5 جىلدىڭ ىشىندەگى بەلگىلى ءبىر جىلدا اۋا تەمپەراتۋراسى 2024 - جىلدان اسىپ، ەستەلىككە الىنعاننان بەرگى ەڭ ىستىق جىلعا اينالۋى مۇمكىن.

باياندامادا بىلاي دەلىنگەن: ىستىق بەلدەۋلىك تىنىق مۇحيتتىڭ ورتا بولەگىندە 5 جىلداعى ورتاشا تەمپەراتۋرا ەرنينو قۇبىلىسىنا قاراي دامۋ بەتالىسىن بايقاتادى، اسىرەسە، 2027 - جىلى جانە 2028 - جىل. باياندامانىڭ نەگىزگى اۆتورى لەون حەمانسون بىلاي دەدى: ”مەجەمەن 2026 – جىلدىڭ سوڭىندا ەرنينو قۇبىلىسى جارىققا شىعادى، بۇل كەلەر جىلدىڭ (2027 – جىل) كەلەسى اۋا تەمپەراتۋراسى رەكورد جاڭالاعان جىلعا اينالۋ مۇمكىندىگىن ارتتىرادى.“

باياندامادا تاعى بىلاي دەپ اتاپ كورسەتىلدى: سولتۇستىك جارتى شاردا 2026 - جىلدان 2030 - جىلعا دەيىنگى بەس جىلداعى قىس ماۋسىمىندا (11 – ايدان 3 – ايعا دەيىن) سولتۇستىك ۇيەكتىڭ تەمپەراتۋراسى 1991 - جىلدان 2020 - جىلعا دەيىنگى ورتاشا ورەدەن 2.8 سەلتسي گرادۋس جوعارى بولادى، بۇل ارتۋ مولشەرى ۇقساس مەزگىلدەگى بۇكىل جەر شارىنىڭ ورتاشا تەمپەراتۋراسىنىڭ 3.5 ەسەسىنەن اسادى.

«پاريج كەلىسىمىندە» مىنالار ورتاعا قويىلدى: وسى عاسىردىڭ سوڭىنا بارعاندا، بۇكىل جەر شارىنىڭ ورتاشا اۋا تەمپەراتۋراسىن ونەركاسىپتەنۋدىڭ الدىنداعى ورەدەن 2 سەلتسي گرادۋس ىشىندە تىزگىندەۋ ءارى تەمپەراتۋرانىڭ جوعارىلاۋىن 1.5 سەلتسي گرادۋس ىشىندە تىزگىندەۋ جولىندا قۇلشىنۋ كەرەك. دۇنيە جۇزىلىك اۋا رايى ۇيىمى بىلاي دەدى: ءىشىنارا جىلدارداعى بۇكىل جەر شارىنىڭ جىلدىق ورتاشا اۋا تەمپەراتۋراسى پاريج كەلىسىمىندە بەلگىلەنگەن تابالدىرىق مانىنەن اسىپ كەتۋ ۇزاق ۋاقىتتىق تەمپەراتۋرانى تىزگىندەۋ نىساناسىن جۇزەگە اسىرا الماۋدان دەرەك بەرمەيدى، ءبىراق بۇكىل جەر شارى اۋا تەمپەراتۋراسىنىڭ كومەسكى جوعارىلاۋ جاعدايىنىڭ جالعاسۋىنا بايلانىستى، مەجەمەن پاريج كەلىسىمىندە بەلگىلەنگەن تابالدىرىق مانىنەن ۋاقىتشا اسىپ كەتۋ جاعدايى بارعان سايىن جيىلەي تۇسەدى.

كەلۋ قاينارى: حالىق تورابى