دامىپ جاتقان جۇڭگو | جۋجيالوۋ قىستاعى: ەجەلگى قىستاقتىڭ نەگىزىن ساقتاپ، بايىرعى ۇيلەردى ساياحات بايلىعىنا اينالدىردى 

جازدىڭ باس شەنىندە، حۋبەي ولكەسى حۇڭ - ان اۋدانىنداعى جۋجيالوۋ قىستاعىنا قادام تاستاساڭىز، اتتىڭ باسىنا ۇقسايتىن قايقى دودەگەلەردى، ناقىشتى تەرەزەلەردەن تۇسكەن اسەم كولەڭكەلەردى، ۋاقىتتىڭ وتۋىمەن مايدالانعان كوك تاس تاقتالى جولداردى كورەسىز. يۋان پاتشالىعىنىڭ سوڭعى مەزگىلى مەن ميڭ پاتشالىعىنىڭ باستاپقى مەزگىلىندە سالىنعان بۇل بايىرعى قىستاق، بايىرعى كورىنىستى نەگىز ەتىپ، تاۋ مەن سۋدى جەلى ەتىپ، اۋىل - قىستاقتى گۇلدەندىرۋ بارىسىندا تىڭ تىنىس بايقاتۋدا.

جۋجيالوۋ قىستاعىنان ءبىر كورىنىس. حالىق تورابىنىڭ ءتىلشىسى ۋاڭ گوجي فوتوسى

جۋجيالوۋ قىستاعى سولتۇستىكتەن وڭتۇستىككە قاراي تاۋدى جاعالاي، وزەندى بويلاي ورنالاسقان، شىعىس - باتىس ەكى جاعىن بيىك تاۋلار قورشاعان. قىستاقتاعى قۇرىلىستار رەتتى ورنالاسقان، پاراللەل سالىنعان ءۇش جول قىستاقتى تابيعي تۇردە ءبولىپ تۇرادى، ءارقايسى جولدا 5 - 7 وتباسى ورنالاسىپ، ”ءار وتباسىنىڭ بولەك اۋلاسى بار بولعانىمەن، جول ارقىلى ءبىر – بىرىمەن تۇتاسىپ جاتاتىن“ ەرەكشە ورنالاسۋ فورماسىن قالىپتاستىرعان. 2012 - جىلى، جۋجيالوۋ قىستاعى جۇڭگونىڭ العاشقى توپتاعى بايىرعى قىستاقتارى تىزىمدىگىنە ەنگىزىلدى. الايدا، جىلداردىڭ وتۋىمەن بايىرعى ۇيلەردى حاۋىپتى جاعدايعا تۇسىرگەن.

جۋجيالوۋ قىستاعىنداعى بايىرعى ۇيلەر بۇرىنعى ناقتىلى جاعدايىنا سايكەس قالپىنا كەلتىرىلۋدە. حالىق تورابىنىڭ ءتىلشىسى گو تيڭتيڭ فوتوسى

سوڭعى جىلدارى، جەرگىلىكتى ۇكىمەتتىڭ قولداۋىمەن، قىستاق شەبەر ۇستالاردى ۇسىنىس ەتىپ، قىستاقتىڭ داۋالدارى، بايىرعى قۇدىقتار، ات مىنۋگە ارنالعان تاس قاتارلى تاريحتىڭ ىزدەرىن قالپىنا كەلتىرىپ، تارام – تارام جولدار مەن قابات ۇيلەر اراسىنداعى دالىزدەردى جوندەدى. قىستاقتىڭ مادەني ەسكەرتكىشتى قورعاۋشىسى جۋ حۇي كوشەنىڭ اۋزىندا تۇرىپ تىلشىگە: ”مىنا كوك كىرپىشتى قاراڭىز، بارلىعى بۇرىنعى قالپىنا ۇقساتىلىپ تولىقتاندى. سۋ ىعىستىرۋ ارناسى دا، بايىرعى قىستاقتىڭ اۋەلگى جۇلگەسىنە سايكەس جوندەلدى“، - دەپ تانىستىردى، مەملەكەت پەن جەرگىلىكتى ورىن قارجى قوسىپ، ”بايىرعى زاتتاردى بۇرىنعى قالپىنا كەلتىرىپ جوندەۋ“ پرينسيبىنە بويسۇنىپ، 300 دەن استام بايىرعى ۇيلەردى، بايىرعى كوشەلەردەن 5 كوشەنى جوندەپ، بايىرعى قىستاقتىڭ ”فورماسىن“ ساقتاپ قالدى.

جۋجيالوۋ قىستاعىنىڭ بۇرىنعى قالپىنا كەلتىرىلىپ جوندەلگەن ۇيلەرى. حالىق تورابىنىڭ ءتىلشىسى ۋاڭ گوجي فوتوسى

قازىر بايىرعى كوشەلەرگە ىشكەرىلەي سەرەۋندەسەڭىز، اعاش ويمالار، تاس ويمالار، كىرپىش ويمالار تۇس – تۇستان كوزگە تۇسەدى، وتە نازىك ءارى قانىق ويىلعان؛ تارام – تارام شاعىن كوشەلەر سىرىن بىلۋگە شاقىرادى.

جۋجيالوۋ قىستاعىنىڭ اشەكەيلى قاقپاسى. حالىق تورابىنىڭ ءتىلشىسى ۋاڭ گوجي فوتوسى

بايىرعى قىستاقتىڭ تىرشىلىك تىنىسى كوز جاۋىن الاتىن جاپ – جاسىل وسىمدىكتەرىنەن دە كورىنەدى. قىستاقتاعى مەملەكەت بەلگى قويىپ قورعاۋعا العان بايىرعى اعاشتاردان 23 ءتۇپ اعاش جاي عانا قاسقايىپ تۇر، جاپىراقتارى قاۋلاپ وسكەن. ”شاي پاتشاسى“ دەپ اتالعان ەكى ءتۇپ بايىرعى شاي اعاشىنىڭ بۇتاقتارى بەرىك كورىنەدى، گۇلدەيتىن مەزگىلى جەتكەن سايىن الۋان گۇلمەن كومكەرىلەدى؛ بايىرعى اق ۇيەڭكىنىڭ جاپىراقتارى كوشەلەرگە كولەڭكە ءتۇسىرىپ، جازدىڭ شىلىڭگىر ىستىعىن سەزدىرمەي تۇرعانداي.

جۋجيالوۋ قىستاعىنداعى بايىرعى اققايىڭ اعاشى. حالىق تورابىنىڭ ءتىلشىسى ۋاڭ گوجي فوتوسى

قازىرگى تاڭدا، تاۋ - سۋ مەن بايىرعى قۇرىلىستاردىڭ سيلاعان سيى بىرتىندەپ قىستاق تۇرعىندارىنىڭ تاماشا تۇرمىسىنا دەم بەرۋدە.

قىستاق بايىرعى قۇرىلىستاردى تاماشالاۋ، سالت -سانانى ءتۇسىنۋ مەن تابيعات قۇشاعىندا دەمالۋدى ۇشتاستىرىپ، ”اۋىل ساعىنىشىن باساتىن“ اۋىلدىڭ بايىپتى تۇرمىس كەشىرۋ ورتاسىن جاساعان. ساياحاتشىلار كوك تاقتا تاستى جولمەن باياۋ ءجۇرىپ، قارتتاردىڭ قىستاق جايلى ايتقان اڭگىمەلەرىن تىڭدايدى، اعاش كولەڭكەسىندە دەمالىپ اڭگىمە دۇكەنىن قۇرادى. بايىرعى ۇيلەر جوندەلدى، قورشاعان ورتا كوركەيدى، قىستاق تۇرعىندارى اتا - بابالارى تۇرمىس كەشىرگەن قىستاقتى ساقتاپ، تۇرمىستارى بارعان سايىن جاقسارۋدا.

ساياحاتشىلار جۋجيالوۋ قىستاعىندا سەرۋەندەۋدە. حالىق تورابىنىڭ ءتىلشىسى گو تيڭتيڭ فوتوسى

ءدال جۋ حۇيدىڭ ايتقانىنداي: ”قازىر قىستاقتىڭ تانىمالدىعى بارعان سايىن ارتقان، كوپشىلىك تە ەرتەڭگى كۇننەن زور ءۇمىت كۇتۋدە.“ (جۇڭ جۋان، گو تيڭتيڭ، جوۋ تيان، ۋاڭ گوجي)

كەلۋ قاينارى: حالىق تورابى