اپاتتان قۇتقارۋعا قاتىناسقان قىستاق پارتيا ياچەيكاسى شۋجيىنىڭ ”التىن سىرعا“ تاققانىنا بولا وعان ينتەرنەتتە زورلىق – زومبىلىق ىستەگەن قاتىستى ادامدار جازالاندى 

شينحۋا اگەنتتىگىنىڭ ءتىلشىسى لي ميڭحۇي 6 - ايدىڭ 2 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى 6 - ايدىڭ 2 - كۇنى مىنانى ءبىلدىردى: حۋنان ولكەسى شىمىن اۋدانىنداعى اپاتتان قۇتقارۋعا قاتىناسقان قىستاق پارتيا ياچەيكاسى شۋجيىنىڭ ”التىن سىرعا“ تاققانىنا بولا وعان ينتەرنەتتە زورلىق – زومبىلىق ىستەگەن قاتىستى ادامدار جۋىردا زاڭ بويىنشا اكىمشىلىك جازاعا تارتىلعان.

تانىستىرۋعا قاراعاندا، وسىنىڭ الدىندا حۋنان ولكەسى شىمىن اۋدانىندا قالىڭ جاڭبىر جاۋعاندا، ءبىر قىستاق كادرى تالاي كۇن بويى تاسقىنعا قارسى تۇرىپ، اپاتتان قۇتقارۋ ءبىرىنشى شەبىندە تاباندىلىقپەن كۇرەس جۇرگىزىپ، وتباسىلارعا بارىپ حابارلاسۋ، كوشىپ شىعۋدى ۇقتىرۋ، جۇرتشىلىقتى ورنالاستىرۋ، زات تاسۋ قاتارلى جۇمىستاردى اتقارعان، بۇل كوپتەگەن توراپتاستاردى اسەرلەندىرگەن. الايدا، بۇكىل قوعامداعىلار اپاتقا قارسى كۇرەسكە كۇش قوسىپ جاتقاندا، ءىشىنارا توراپتاستار ونىڭ سۇحبات قابىلداعان كەزدەگى اشەكەي بۇيىمدارىنا بايلانىستى ونى قيسىنسىز جازعىرىپ، ”سىرعاسىنىڭ سالماعى ەكى ءسارى شىعاتىنداي“ دەپ جورامالداعان ءارى ”اۋىلداعى جاي ايەلدەر التىن سىرعا تاعا المايدى“، ”سىرعاسىن جىلۋعا اتاسا ءتىپتى اسەرلەنەتىن ەدىك“ دەگەن سياقتى كەمسىتكەن، كەلەكەلەگەن مازمۇنداعى پىكىرلەردى جاريالاپ، تاسقىنعا قارسى تۇرىپ، اپاتتان قۇتقارۋ قىزمەتىنە كەدەرگىلىك جاساپ، ناشار ىقپال تۋدىرعان.

قوعام حاۋىپسىزدىگى ورگاندارى ينتەرنەت حاۋىپسىزدىگى تاراۋلارى تەز ارەكەتتەنىپ، ينتەرنەتتە زورلىق – زومبىلىق ىستەۋ ارەكەتىنە ساياتىن 15 دەلونى زاڭ بويىنشا انىقتاپ ءبىرجاقتى ەتىپ، چين XX (ەر، 44 جاس)، ۋەي XX (ەر، 45 جاس) قاتارلىلارعا زاڭ بويىنشا اكىمشىلىك جازا بەرگەن.

قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى ”ينتەرنەتتى پاكتەندىرۋ“ ارناۋلى ارەكەتىن ۇزدىكسىز ورىستەتىپ، ينتەرنەتتىك زورلىق - زومبىلىق، ينتەرنەتتەگى بىرەۋدىڭ جەلەۋىن كوتەرۋشىلەر، ينتەرنەتتىك وسەك - اياڭ قاتارلى ينتەرنەتتەگى كورنەكتى بىلىققان جاعدايلارعا نازاردى شوعىرلاندىرىپ، قاتىستى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، حالىق جۇرتشىلىعىنىڭ زاڭدى ۇقىق - مۇددەسى مەن ينتەرنەت كەڭىستىگىنىڭ ءتارتىبىن شىنايى قورعايتىندىقتارىن ءبىلدىردى.

كەلۋ قاينارى: حالىق تورابى