سىرتقى ىستەر مينيسترلىگى: فيليپپين جاقتىڭ ءسوزى مەن ارەكەتىنىڭ بىردەي بولۋىن، ءمانساپتىلاردىڭ ءسوزى مەن ارەكەتىنە جاۋاپتى بولۋىن ءۇمىت ەتەمىز

شينحۋا اگەنتتىگىنىڭ 6 - ايدىڭ 2 – كۇنى بەيجيڭنەن بەرگەن حابارى. حابارعا قاراعاندا، فيليپپيننىڭ قورعانىس مينيسترى تەودورو شانگريلا كەڭەسىندە فيليپپيننىڭ تەرريتوريا جانە ساياسي جاقتا جۇڭگو جاقتىڭ ”اۋىر قاتەرىنە“ ءدوپ كەلگەنىن ايتقان. سىرتقى ىستەر مينيسترلىگىنىڭ مالىمدەمەشىسى ماۋ نيڭ 6 – ايدىڭ 2 - كۇنى كەزەكتى تىلشىلەر جينالىسىندا بىلاي دەدى: فيليپپيننىڭ وسى قورعانىس مينيسترى جۇڭگوعا ساياتىن ساندىراقتاردى تالاي رەت جاريالاپ، جۇڭگو ـ فيليپپين قاتىناسى مەن ەكى جاقتىڭ ءوزارا سەنىمدىلىگىنە اۋىر زيان جەتكىزدى، سونداي ـ اق بۇل فيليپپين مەملەكەتى مەن حالقىنىڭ مۇددەسىنە مۇلدە ۇيلەسپەيدى.

ماۋ نيڭ بىلاي دەدى: فيليپپين جاقتىڭ باسشىلارى كوپ رەت پوزيتسيا ءبىلدىرىپ، جۇڭگو جاقپەن الاۋىزدىقتاردى ۇيلەسىمدى ءبىر جاقتى ەتىپ، ەكى جاقتى قارىم – قاتىناستىڭ جاقسارۋىن ىلگەرىلەتۋدى قالايتىندىعىن ايتتى. فيليپپين جاقتىڭ ءسوزى مەن ارەكەتىنىڭ بىردەي بولۋىن، ءمانساپتىلاردىڭ ءسوزى مەن ارەكەتىنە جاۋاپتى بولۋىن، ءىشىنارا جات نيەتتىلەردىڭ ەكى جاقتىڭ ورنىقتى قاتىناسىن قايتا ـ قايتا بۇلدىرۋىنە ىرىق بەرمەۋىن ءۇمىت ەتەمىز.

كەلۋ قاينارى: حالىق تورابى