جوعارى تەمپەراتۋرا اياقتالۋ الدىندا تۇر! شينجياڭنىڭ كوپ جەرىندە نوسەر جاۋادى

6 – ايدىڭ 3 – كۇنى، شينجياڭ اۋا رايى ستانسياسى ماڭىزدى اۋا رايى مالىمەتتەرىن جاريالادى: مەجەمەن 6 – ايدىڭ 5 – كۇنىنەن 9 - كۇنىنە دەيىن شينجياڭنىڭ كوپ جەرىندە، اسىرەسە، وڭتۇستىك، سولتۇستىك شينجياڭنىڭ قيىس باتىس وڭىرىندە كۇشتى جاۋىن ـ شاشىن بولادى، ىلە وبلىسى، قىزىلسۋ وبلىسى، اقسۋ ايماعى قاتارلى جەرلەردىڭ ءىشىنارا وڭىرلەرىندە نوسەر جاۋادى، كۇشتى جاۋىن ـ شاشىننان تاسقىن، جەر كوشكىنى، لاي تاسقىنى قاتارلى اپاتتى اۋا رايى حاۋىپ ـ قاتەرى ءبىرشاما جوعارى بولادى.

ءدال قازىر شينجياڭنىڭ ساياحاتىنىڭ قاۋىرت مەزگىلى جانە جوعارى مەكتەپ ەمتيحانىنىڭ شەشۋشى مەزگىلى، مادەنيەت، ساياحات تاراۋلارى كورىنىس وڭىرلەرىنىڭ حاۋىپسىزدىگىن باسقارۋدى كۇشەيتىپ، تاۋلى وڭىردەگى كورىنىس وڭىرلەرىن شارلاۋدى، تەكسەرۋدى كۇشەيتۋى؛ قاتىناس باسقارۋ تاراۋلارى جول قاتىناسىن باسقارۋ ـ مەڭگەرۋدى، ەمتيحان مايدانىنىڭ توڭىرەگىندەگى قاتىناستى باسقارۋ ـ مەڭگەرۋدى كۇشەيتۋى؛ ساياحاتشىلار تاۋلى وڭىردە جەكەلىك اۆتوكولىگىمەن ىشكەرىلەي ارالاۋدى ۋاقىتشا كەشەۋىلدەتىپ، جەرگىلىكتى ورىننىڭ اۋا رايىن، كورىنىس وڭىرلەرىنىڭ ۋاقىتشا جابىلۋ ۇقتىرۋىن دەر كەزىندە قاداعالاپ وتىرۋى كەرەك.

كەلۋ قاينارى: حالىق تورابى