24  - كەزەكتى باعالاۋ جانە شارلاپ تەكسەرۋ گرۋپپاسى جۋىردا ورنالاسادى! بايلانىس ءتاسىلى جاريالاندى

ورتالىقتىڭ 2026 - جىلعى ءوندىرىس حاۋىپسىزدىگىن باعالاۋ جانە شارلاپ تەكسەرۋ قىزمەتى جونىندەگى ورنالاستىرۋىنا ساي، 6 - ايدان باستاپ، ورتالىقتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ گرۋپپاسىنان 24 گرۋپپا 31 ولكە، اۆتونوميالى رايون، توتە قاراستى قالا جانە شينجياڭ ءوندىرىس - قۇرىلىس بيڭتۋانىنا ىركەس - تىركەس ورنالاسىپ، ەكىنشى، ءۇشىنشى توقسانداعى اشىق تەكسەرۋ مەن جاسىرىن تەكسەرۋدى ورىستەتەدى.

6 - ايدىڭ 10 - كۇنىنەن 7 - ايدىڭ 10 - كۇنىنە دەيىن، مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى ينتەرنەت، تەلەفون، حات سىندى 3 ءتۇرلى ارنا ارقىلى بۇقارا اڭىس ەتكەن جانە جۇمىسشى – قىزمەتكەرلەر مالىمدەگەن ماسەلەلەر، كومەسكى حاۋىپ - قاتەرلەر جونىندەگى دەرەكتەردى قابىلداپ ءبىرجاقتى ەتەدى. قابىلداۋ كولەمى نەگىزىنەن مىنانى قامتيدى: 1. ءوندىرىس - تيجارات ورىندارىندا ءوندىرىس حاۋىپسىزدىگىنە قاتىستى اۋىر شىرعالاڭ تۋىلۋ حاۋىپ – قاتەرى جانە وسىعان ساياتىن زاڭسىز ارەكەتتەر؛ 2. ءوندىرىس حاۋىپسىزدىگىنە قاتىستى شىرعالاڭدى جاسىرۋ، جالعان مالىمدەۋ؛ 3. ءوندىرىس حاۋىپسىزدىگى سالاسىنداعى باقىلاۋ – باسقارۋ جانە زاڭ اتقارۋ جاعىنداعى ”بارماق باستى، كوز قىستى“ جاعدايلار، جەمەڭقورلىق ىستەۋ، كوڭىلگە قاراپ جولدان تايۋ، ۇقىق - اقشا ساۋداسى قاتارلى بۇرىس ستيل جانە شىرىكتەسۋگە ساياتىن ماسەلەلەر.

ورتالىقتىڭ 2026 - جىلعى ءوندىرىس - حاۋىپسىزدىگىن باعالاۋ جانە شارلاپ تەكسەرۋ قىزمەتىنىڭ ەكىنشى، ءۇشىنشى توقسانداعى

اشىق تەكسەرۋ مەن جاسىرىن تەكسەرۋ بارىسىندا ماسەلەلەر مەن حاۋىپ – قاتەرلەردىڭ دەرەكتەرىن قابىلداۋ ءتاسىلىنىڭ توپتاماسى

• قابىلدايتىن توراپ جالعانىمى جانە ەكى ولشەمدى كودى

https://khxc.mh.mem.gov.cn

• قابىلداۋ تەلەفونى

4000004470

ەسكەرتۋ: تەلەفون قابىلداۋ ۋاقىتى 6 - ايدىڭ 10 - كۇنىنەن 7 - ايدىڭ 10 - كۇنىنە دەيىن؛ ءار كۇنى ساعات 8:00 - 12:00، 14:00 - 18:00 ارالىعىندا.

• حات ساندىعى

پوشتامەن حات جولداعاندا حات ساندىعىنىڭ ءادىرىسىن ولشەمدى جازىڭىز: ”بەيجيڭ قالاسى دۇڭچىڭ رايونى A01301 پوشتالىق حات ساندىعىنا“ (“北京市东城区A01301邮政信箱收”).

كەلۋ قاينارى: حالىق تورابى