«شي جينپيڭنىڭ ديپلوماتيا ماقالالارىنان تاڭدامالىلاردىڭ» 1 - تومى، 2 - تومى باسپادان شىعىپ تاراتىلدى

شينحۋا اگەنتتىگى، 6 - ايدىڭ 11 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ ديپلوماتيا ماقالالارىنان تاڭدامالىلاردىڭ» 1 - تومى، 2 - تومى تاياۋدا ورتالىق قۇجات باسپاسىنان باسىلىپ شىعىپ، ەل ءىشى - سىرتىنا تاراتىلدى.

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردەگى جۇڭگو مەن دۇنيە ءجۇزىنىڭ دامۋ اۋقىمىن تەرەڭ يگەرىپ، كەلەلى ديپلوماتيالىق نازاريا مەن امالياتتا جاڭالىق اشۋدى بەلسەنە ىلگەرىلەتىپ، جۇڭگو ۇلگىسىندەگى ەرەكشەلىككە يە، ءداۋىر رۋحىن بەينەلەيتىن، ءىرى ەلدىك جاۋاپكەرشىلىكتى ايگىلەيتىن، ادامزاتتىڭ دامۋ، العا باسۋ اعىمىنا جەتەكشىلىك ەتەتىن ءبىر قىدىرۋ جاڭا ۇستانىمداردى، جاڭا دارىپتەمەلەردى العا قويىپ، ەلىمىزدىڭ ديپلوماتيالىق قىزمەتتەرىنە باسشىلىق ەتىپ، تاريحي تابىستارعا قول جەتكىزىپ، تاريحي وزگەرىستەردى تۋدىرىپ، شي جينپيڭنىڭ ديپلوماتيا يدەياسىن قالىپتاستىردى. شي جينپيڭ ديپلوماتيا يدەياسى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولەگى، ماركسيزمنىڭ نەگىزگى قاعيدالارىن جۇڭگو ۇلگىسىندەگى ءىرى ەلدىك ديپلوماتيانىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ كەلەلى نازاريالىق جەتىستىگى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋ يدەياسىنىڭ ديپلوماتيالىق سالاداعى شوعىرلى بەينەلەنۋى جۇڭگونىڭ ديپلوماتيالىق نازارياسى مەن امالياتىنىڭ تىڭ ءورىسىن اشىپ، ماركستىك حالىقارالىق قاتىناس نازارياسىن بايىتىپ جانە دامىتىپ، جاڭا داۋىردەگى ەلىمىزدىڭ ديپلوماتيا قىزمەتتەرىنە ءتۇبىرلى ولشەم جانە ارەكەت قىبلاناماسىن ازىرلەدى.

«شي جينپيڭنىڭ ديپلوماتيا ماقالالارىنان تاڭدامالىلاردىڭ» 1 -، 2 - تومدارىنا شي جينپيڭ جولداستىڭ 2013 - جىلى 1 - ايدان 2025 - جىلى 11 - ايعا دەيىنگى ديپلوماتيا قىزمەتى جونىندەگى ەڭ ماڭىزدى، ەڭ نەگىزگى سوزدەرى ەنگىزىلىپ، ۋاقىت ءتارتىبى بويىنشا قۇراستىرىلىپ، بايانداما، ءسوز، لەكسيا سياقتى 134 ماقالاسى بار. مۇنىڭ ىشىندە 1 - تومىنا 2013 - جىلى 1 - ايدان 2018 - جىلى 6 - ايعا دەيىنگى 63 پارشا ماقالاسى، 2 - تومىنا 2018 - جىلى 6 - ايدان 2025 - جىلى 11 - ايعا دەيىنگى 71 پارشا ماقالاسى كىرگىزىلگەن.

«شي جينپيڭ ديپلوماتيا ماقالالارىنان تاڭدامالىلار» 1 - تومنىڭ، 2 - تومىنىڭ باسپادان شىعىپ تاراتىلۋى بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ ديپلوماتيا يدەياسىن ىشكەرىلەي ۇيرەنۋىنە، دايەكتىلەندىرۋىنە قۇزىرلى وقۋلىق ازىرلەدى، قالىڭ كادرلار مەن بۇقارانىڭ ”ەكىنى تۇراقتاندىرۋدى“ تەرەڭ تۇسىنۋىندە شەشۋشى ءمان الادى، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا مەن مەملەكەتتىڭ وزەكتى مىندەتىن مىقتاپ ارقاۋ ەتىپ، ورنىقتىلىق بارىسىندا ىلگەرىلەپ، دۇرىس جولدان جازباي، جاڭالىق اشىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ەلىمىز بەن دۇنيە ءجۇزى قاتىناسىنىڭ جاڭا جاعدايىن قالىپتاستىرىپ، ەلىمىزدىڭ حالىقارالىق ىقپالىن، باۋراۋ قۋاتىن، سومداۋ قۋاتىن تىڭ دەڭگەيگە كوتەرىپ، جۇڭگوشا ءىرى ەلدىك ديپلوماتيانىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزاماندانۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە اناعۇرلىم ءتيىمدى حالىقارالىق ورتا ازىرلەۋدە، اناعۇرلىم بەرىك ستراتەگيالىق تىرەك ازىرلەۋدە ماڭىزدى مانگە يە.

كەلۋ قاينارى: حالىق تورابى