ساۋد ارابياسىندا تۇراتىن ەلشىلىك پەن كونسۋلحانا ساۋد ارابياسىنداعى جۇڭگو قارجىسىنداعى قۇرىلىمدار مەن جۇڭگو ازاماتتارىنا ساقتىق شارالارىن كۇشەيتۋدى قايتالاي ەسكەرتتى 

ورتالىق تەلەۆيزيا تورابىنىڭ حابارى: 10 - ايدىڭ 8 - كۇنى، جۇڭگونىڭ ساۋد ارابياسىندا تۇراتىن ەلشىلىگىنىڭ حابارىنا قاراعاندا، 10 - ايدىڭ 7 - كۇنى كەشتە ساۋد ارابياسىنىڭ ازاماتتىق اۆياتسيا تاراۋى حابارلاما جاريالاپ، استاناسى ار – رياد پەن ابحا قالاسىنداعى اۋەجايلاردىڭ شابۋىلعا ۇشىراپ، كوپتەگەن مەملەكەتتەردىڭ ازاماتتارىنىڭ جارالانعانىن جانە قازا بولعانىن ايتقان. بىرنەشە كۇننەن بەرى يەمەن جاعدايىنىڭ ۋشىعۋى سەبەپتى ساۋد ارابياسى اۋماعىنا بىرنەشە رەت زىمىرانمەن جانە ۇشقىشسىز ۇشاقپەن شابۋىل جاسالعان، ساۋد ارابياسىندا تۇراتىن كوپتەگەن مەملەكەتتىڭ ەلشىلىكتەرى ساقتىق دابىلىن قاققان.

جۇڭگونىڭ ساۋد ارابياسىندا تۇراتىن ەلشىلىگى مەن كونسۋلحاناسى ساۋد ارابياسىنداعى جۇڭگو قارجىسىنداعى قۇرىلىمدار مەن جۇڭگو ازاماتتارىنا جاعدايدىڭ بەتالىسىنا ءجىتى نازار اۋدارۋدى، ساقتىق شارالارىن ونان ارى كۇشەيتۋدى قايتالاي ەسكەرتتى. اسكەري ارەكەتتەردى كەسكىنگە نەمەسە سۋرەتكە تۇسىرمەڭىزدەر، راستالماعان اقپاراتتاردى تاراتپاڭىزدار. ۇشاقپەن ساپارلاي شىعۋدى جوسپارلاعان جولاۋشىلار قاتىستى اۆياتسيا سەرىكتەستىكتەرىمەن تىعىز بايلانىس جاساپ، ساپارىڭىزعا ىقپالى تيۋىنەن ساقتانىڭىزدار. ەگەر شۇعىل جاعداي تۋىلسا، دەر كەزىندە ساقشىعا مالىمدەڭىز ءارى ساۋد ارابياسىندا تۇراتىن ەلشىلىكپەن جانە كونسۋلحانامەن حابارلاسىڭىز.

كەلۋ قاينارى: حالىق تورابى