ورتالىق ۇلىتتار ۋنيۆەرسيتەتىندە ولەڭ ونەرى تۋرالى ورەلى لەكسيا وقىلدى

2013.09.18 11:23  

　　استاناداعى ءبىلىم ورداسى ورتالىق ۇلىتتار ۋنيۆەرسيتەتى قازاق ءتىل-ادەبيەت فاكۋلتەتىنىڭ ۇسىنىسىمەن، وسى زامان قازاق پويەزياسىنا دارىندى تالانىتمەن تانىلعان سايپقىران اقىن، تاڭداۋلى اۋدارماشى، «ىلە كەشى» گازەتىنىڭ ادەبي رەداكتورى نۇربولات ءابدىقادىر ۇلى «ولەڭ مەن ءومىردىڭ قاتىناسى» اتتى لەكسيا وقىپ، ستۋدەنىتتەردىڭ ادەبيەت پەن ونەرگە بولعان ءشولىن باسىپ كەتتى.

　　تانىمال اقىن بۇل رەتكى ارناۋلى لەكسياسىنىڭ تاقىرىبىن «ءومىر مەن ولەڭنىڭ قاتىناسى» دەپ اتاپ، ولەڭ ونەرى مەن ءومىر كەشۋلەرىن، ولەڭ الەمىندەگى كەرەمەت وي-تولعامدارىن، پويەزيا جاسامپازدىعىنداعى جان دۇنيەسىن، كەيبىر ولەڭ يىرىمدەرىنىڭ اسەم تولقىنداردى وسى لەكسياعا سڭىرىپ ۇسىندى. اقىن لەكسياسىنا ورتالىق ۇلىتتار ۋنيۆەرستەتىنىڭ ستۋدەنىتتەرى جانە بەيجيڭدەگى ادەبيەتشىل، ونەرگە جاقىن قاۋىمنان قۇرالعان تىڭدارماندارى كەلىپ قاتىناستى.

　　لەكسيا بارسىندا پويەزيا دەلىنەتىن وسى عاجايىپ ونەردىڭ قىرى مەن سىرىن ايتىلىپ، قازاق پويەزياسىنىڭ جارىق جۇلدىزدارى مۇقاعالي، ماعجان، جۇمىكەندەر تۋرالى ۇزىك سىرلار شەرتىلدى، ودان كەينگى مەزەتتەردە اقىن ءوزىنىڭ «اۋاعا جازىلعان جىر» قاتارلى جيناقتارىنداعى بىرنەشە تارتىمدى ولەڭدەرىنىڭ قالاي جازىلۋ تاريحىن بايانداپ، سول ولەڭدەردى ءوز قوڭىر داۋىسمەن ناقشىنا كەلتىرىپ وقىپ جىبەرىپ وتىردى. وسىنداي بولەكشە ساتتەردە ولەڭگە قۇمار تىڭدارمان قاۋىم دۇرىلدەي قول سوعىپ، ءوز اسەرلەرىن، ولەڭگە بولعان ىنتاسىن جاسىرىپ قالا الماي، جەلپنىپ وتىردى. لەكسيا سوڭىندا ستۋدەنىتتەردەن كەلىپ تۇسكەن ءار سالالى ساۋالدار، سۇراقتارعا اقىن كولەمدى، دالەلدى جاۋاپ قايتارىپ، سۇراقشىنى دا، باسقا تىڭدارماندارىن دا ءدان ريىزا ەتتى. لەكسيا سوڭىندا تانىمالى اۋدارماشى بولاش شوكەيوۆ قورتىندى ءسوزىن سويلەدى، قازاق فولكلورىن زەرتتەۋشى ۇستاز نۇرباقان بۇل رەتكى لەكسيانىڭ ماڭىزى مەن تاتىمدى تۇستارى تۋرالى ءوز كوزقاراسى مەن قوشامەتىن ءبىلدىردى.

　　نۇربولات ءابدىقادىر ۇلى 1971-جىلى 20-ماۋسىمدا ىلە قازاق اۆتونوميالى وبلىسى ءور تەكەس (مۇڭعۇلكۇرە) اۋدانىنىڭ اقسۋ دەگەن اۋىلىندا اعارتۋشى وتباسىندا دۇنيە ەسىگىن اشقان. 1994-جىلى قۇلجا قالاسىنداعى ىلە پەداگوگيكالىق ينستيتۋتىنىڭ جۇڭگو ءتىل-ادەبيەت فاكۋلتەتىن بىتىرگەن. «ەرجەتسەڭ» دەگەن تۇڭعىش ولەڭى اۋداندىق «حانتاڭىرى دۋمانى» جۋرنالىندا ون نەشە جاسىندا جاريالانعان.

　　نۇربولات 90-جىلداردىڭ باسىندا ولەڭ الەمىنە وزىندىك اۋەزىمەن، دارا داۋىسىمەن كەلگەن اقىن.

　　اقىننىڭ شينجياڭ حالىق باسپاسىنان جەكە-جەكە جارىق كورگەن «جارىققا عاشىق وسى ادام» ( 2001-ج)، «ساۋلەم ماعان شولدەسە» (2004 -ج)، سونداي-اق، ۇلتتار باسپاسى جاعىنان شىققان «اۋاعا جازىلعان جىر» (2009-ج)، قاتارلى جىر جيناقتارى بار. جانە دە، «جان الەمىمنىڭ جاپىراقتارى»، «وي تۇبىندە جاتقان ءتىل»، «جانعابىل شەشەن» («قازاق تاريحىنداعى ايگىلى ادامدار» سەريالى بويىنشاتاريحي-ەسسە) اتتى كىتاپتارىن باسپاعا بەرگەن. (ءتىلشى رەداكتور: ەركەبۇلان ءمۇتان ۇلى)

　　كەلۋ قاينارى: ورتالىق تەلەۆيزيا تورابى