«حاينا ءنومىرلى» سەرۋەن كەمەسىندە قامالىپ قالعان مىڭنان استام ساياحاتشى ۇشاقپەن ەلگە قايتتى

2013.09.16 14:50   كەلۋ قاينارى : حالىق تورابى

　　شينحۋا تورابىنىڭ 15-قىركۇيەكتە وڭتۇستىك كورەيانىڭ چەجۋ ارالىنان بەرگەن حابارى. جەرگىلىكتى ۋاقىت 15-قىركۇيەك ساعات 22 دەن 43 مينۋت وتكەندە جۇڭگونىڭ حاينان اۆياتسياسى اتتاندىرعان «حاينا ءنومىرلى» سەرۋەن كەمەسىندە قامالىپ قالعان جولاۋشىلاردى الىپ قايتاتىن 5 ۇشاق وڭتۇستىك كورەيانىڭ چەجۋ ارالىنداعى حالىقارالىق اۋەجايدان ۇشتى، وسىمەن كەمەدەگى 1100 ساياحاتشى چەجۋ ارالىنان ەلگە ورالدى.

　　«حاينا ءنومىرلى» ساياحات كەمەسى جۇڭگو حاينان اۆياتسيا ساياحات جارنا توبى شەكتى سەرىكتىگىنە قاراستى ساۋلەتتى سەرۋەن كەمەسى. بۇل كەمە 13-قىركۇيەك ساعات 16 دا وڭتۇستىك كورەيانىڭ چەجۋ پورتىنان كەتەردە جەرگىلىكتى ءبىر سوت مەكەمەسى جاعىنان ۇستاپ قالىنادى دا كەمەدەگى 1659 ساياحاتشىنى قامتىعان 2300 ادام كەمەدە قامالىپ قالادى. حاينان اۆياتسيا توبىنىڭ راستاۋى بويىنشا جياڭسۋ شاگاڭ توبى شەكتى سەرىكتىگىنە قاراستى شاگاڭ كەمە ىستەرى شەكتى سەرىكتىگىمەن زاڭ جاعىندا داۋ-شارى بولعاندىقتان شاگاڭ تارابى وڭتۇستىك كورەياداعى ىشكى ۋاكىلەتتىك سەرىكتىگى ارقىلى وڭتۇستىك كورەيانىڭ چەجۋ جەرگىلىكتى سوت مەكەمەسىنە ارىز-شاعىم بەرەدى، سونىمەن وڭتۇستىك كورەيا سوت مەكەمەسى ارىز-شاعىمدى قابىلداعاننان كەيىن «حاينا ءنومىرلى» ساياحات كەمەسىن ۇستاپ قالادى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى