- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الەم چەمپيوناتى: كىم اعا جۇلدەگەر بولادى؟
2014.07.11 16:29 كەلۋ قاينارى : حالىق تورابى
حالىق تورابى اۋدارىپ دايىندادى. ءبىرتالايدان بەرى جانكۇيەرلەر ءتۇن ۇيقىسىن ءتورت ءبولىپ تاماشالاعان برازيليا الەم چەمپيوناتى دا ەڭ سوڭعى ساتىنە اياق باستى. اياقدوپشىلار ەلى اتانعان برازيلياداعى بۇل رەتكى جارىس وتە ءساتتى وتكىزىلگەنىنە جانكۇيەرلەر كۋا. ءتۇرلى بولجامداردىڭ جاۋابى ءبىر – بىرلەپ شەشىلىپ، ەندى مىنە سوڭعى نۇكتەنى قويار ساتكە دە جاقىنداپ كەلەمىز، ەستەرىڭىزگە سالا كەتسەك، بەيجيڭ ۋاقىتى بويىنشا 14 – شىلدە كۇنى تاڭ سارىدە برازيليا الەم چەمپيوناتىنىڭ شەشۋشى جارىسى ارگەنتينا كومانداسى مەن گەرمانيا كومانداسى اراسىندا وتكىزىلەدى. تومەندە ءبىز گەرمانيا مەديالارىنىڭ چەمپيوندىقتىڭ كىمگە بۇيىراتىنى جونىندە جاساعان ساراپتاماسىنا ءۇڭىلىپ كورەيىك:
گەرمانيا كومانداسىنىڭ باسىمدىلىعى:
1) فۋتبولشىلاردىڭ جەكە ونەرى: گەرمانيا قۇراماسىندا جاسىل الاڭداعى سايكەستى ورىنداردىڭ بارلىعىندا الەمدىك دەڭگەيدەگى فۋتبولشىلار جەتەرلىك. قاقپاشى نەۆەر مەن قورعاۋشى حۋممەلس قورعانۋ مىندەتىن ويداعىداي اتقارا الادى، ورتا الاڭدا كروس شابۋىل مەن قورعانىستى ورنالاستىرادى ءارى تاماشا پاس شىعارا الادى. الدىڭعى الاڭدا كلوزە مەن مۋللەردىڭ شابۋىلىندا ايتار جوق. مۇنان سىرت، گوتزە مەن سكۋرلە قاتارلى «زاپاس قوسىننىڭ» دا ارىپتەسىن ساسقالاقتاتار شاماسى بار، بۇل جاعىندا ارگەنتينانىڭ گەرمانيانى مويىنداماسقا شاراسى جوق.
2) «ەڭ ۇزدىك قۇرامانىڭ» ەڭ سوڭعى ورايى: لام، سچەۋەنتەيگر، پودولسكي قاتارلى فۋتبولشىلار جونىنەن العاندا، بۇل الەم چەمپيوناتىنىڭ اعا جۇلدەگەرى اتانۋداعى ەڭ سوڭعى وراي. كلوزەنىڭ 2018 – جىلى الەم چەمپيوناتىنا قاتىناسا المايتىنى مۇندا تۇر. 2006 – جىلعى الەم چەمپيوناتىنان بەرى گەرمانيا كومانداسى ۇزدىك دەڭگەيىن ايگىلەپ جۇرسە دە، الەم چەمپيوناتىنىڭ اعا جۇلدەگەرلىگىن الا العان جوق. 2013 – جىلعى ەۆروپا چەمپيوناتى گەرمانيا فۋتبولشىلارىنىڭ قابىلەتىن تاعى ءبىر رەت ايگىلەدى.
3) قۋاتتى اتويشىلار توبى: ارگەنتينا كومانداسىندا مەسسي، يگۋايون، اگۋەرو جانە لاۆەز قاتارلى ايباتتى اتويشىلار بولسا دا، قازىرگە دەيىن تەك 5 دوپ قانا ەنگىزدى، مۇنىڭ تورتەۋى مەسسيعا تاۋەلدى. ال گەرمانيا كومانداسىنىڭ شابۋىلشىلار شەبىن ارىپتەستەرى ءالى كۇنگە زەرتتەپ جەتە الماي كەلەدى، قازىرگە دەيىن 6 رەتكى جارىستا 17 دەپ ەنگىزدى. 30 جىلدان بەرى تەك برازيليا عانا 2012 – جىلعى الەم چەمپيوناتىندا 18 دوپ ەنگىزگەن ەكەن ءارى سول جولى اعا جۇلدەگەر بولعان.
4) برازيليا جانكۇيەرلەرىنىڭ قولداۋى: برازيليا جانكۇيەرلەرى شەشۋشى جارىستا گەرمانياعا جان باسادى، ءبىر جاعىنان ارگەنتينا مەن برازيليا اراسىندا باسەكە بار، ەندى ءبىر جاعىنان ولار گەرمانيا كومانداسىنىڭ ونەرىنە شىنايى ءتانتى بولدى ءارى جارتىلاي شەشۋشى جارىستىڭ سوڭعى مايدانىندا گەرمانيا كومانداسى برازيليا كومانداسىنا تىنىستار وراي بەردى.
5) شەپ: ارگەنتينا كومانداسى قازىرگە دەيىن بارلىق كوماندالاردىڭ ىشىندە دوپتى مەڭگەرۋ مولشەرى ەڭ جوعارى كوماندا، بۇل گەرمانيا كومانداسىنىڭ الدىڭعى الاڭدا دوپتى تارتىپ الىپ، دەرەۋ شابۋىلعا وتۋىنە ءتيىمدى.
6) ديماريا جارىسقا قاتىناسپاۋى مۇمكىن: ەۆروپا چەمپيوناتىنىڭ شەشۋشى جارىسىندا جانە شۆەتساريا كومانداسىمەن بولعان جارىستا ديماريا ءوزىنىڭ ارگەنتينا كومانداسى ءۇشىن قانشالىقتى قاجەت ەكەنىن دالەلدەدى. وسى جولعى جارىسقا ديماريا جاراقات سەبەبىنەن قاتىناسا الماۋى مۇمكىن.
ارگەنتينا كومانداسىنىڭ باسىمدىلىعى
1) قورعانۋ: ارگەنتينا كومانداسىنىڭ قاقپاشىسى رومەرو الەمدىك دەڭگەيدەگى فۋتبولشى ەسەپتەلمەگەنىمەن، وسى جولى شاعىن گرۋپپادان شىققاننان كەيىنگى جارىستاردا، نيگەريا كومانداسىمەن بولعان جارىستى ەسەپكە الماعاندا، ارگەنتينا كومانداسى قازىرگە دەيىن ارىپتەستەرىنە تەك ءبىر دوپ ورايىن بەرگەن. زابارلەتتا، دەميكەلس، گاراي جانە ريوحو قاتارلى فۋتبولشىلاردان ۇيىمداسقان ارگەنتينا قۇراماسىنىڭ ارتقى شەبى قامالداي بەكەم، ولاردىڭ الدىنداعى ورىندا تۇراتىن فۋتبولشىلار دا وسال ەمەس. جارتىلاي شەشۋشى جارىستا اتوي سالعان روببەننىڭ ءوزى امال – ايلاسىن ولاردان اسىرا المادى.
2) مەسسي: كوپ رەت الەمنىڭ فۋتبول مىرزاسى اتاعىن العان ارگەنتينانىڭ ەڭ ماڭىزدى فۋتبولشىسى، ونىڭ كلۋبتاعى ونەرى قازىرگىدەن دە ۇستەم. كوماندانىڭ باس باپكەرى سابەللا ونى كوماندا باستىعى ەتىپ شىعارعان جارىستاردا ونىڭ ناتيجەسى ءتىپتى دە جاقسى بولاتىن ءتارىزدى. ول 4 دوپ ەنگىزۋدەي ناتيجەسىمەن ارگەنتينا كومانداسىنىڭ شەشۋشى جارىسقا ەنۋىنەن زور كۇش شىعاردى، جارىستىڭ ءارقانداي ۋاقىتىندا دا مەسسيدىڭ جارىس ناتيجەسىنە بۇرىلىس جاساۋى مۇمكىن. گەرمانيا كومانداسىنىڭ بىرنەشە فۋتبولشىسى سەلبەسكەندە عانا ودان قورعانۋعا بولادى.
3) دەنە ساپاسى: ارگەنتينا كومانداسىنداعى فۋتبولشىلاردىڭ دەنە ساپاسى كەرەمەت، وتە – موتە قورعانىس شەبىندە، فۋتبولشىلار الاڭدا جان الىپ، جان بەرىپ وينايدى. زابارلەتتا مەن ماسچەرانولار جارالانعان جاعدايدا دا بۇكىل جارىس ۋاقىتى اياقتاعانشا الاڭنان تۇسپەگەن.
4) ماسچەرانو: ول قۇراماداعى نازارعا وڭاي ىلىكپەيتىن جۇلدىز. ونىڭ الىسقا بەرگەن پاسى دىتتەگەن جەرىنە جەتەدى، ارگەنتينانىڭ قورعانىس شەبى ءۇشىن ول اسا قاجەتتى، ورىن يەلەۋى مەن دوپقا تالاسۋى اسا جاقسى.
5) قۇرىلىق زاڭدىلىعى: قازىرگە دەيىن امەريكا قۇرىلىعىندا وتكىزىلگەن الەم چەمپيوناتىنىڭ بارلىعىندا ەۆروپا كومانداسى اعا جۇلدەگەر بولىپ كورمەگەن، 7 رەت قۇر قول قايتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
