2016 - جىلى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى شينجياڭدا سالتاناتپەن اشىلدى

چىن چۋانگو كورمەنىڭ اشىلعاندىعىن جاريالادى، شوكىرات زاكىر ، ياڭ شۋ - ان ءسوز سويلەدى

2016.09.05 13:19   كەلۋ قاينارى : شينجياڭ گازەتى

　　تىلشىلەرىمىز ياۋ تۇڭ، جيڭ بو 2 - قىركۇيەكتە ۇرىمجىدەن حابارلايدى. دەنە تاربيە رۋحىن ساۋلەلەندىرىپ، كورىكتى شينجياڭدا باس قوسايىق! 2016 - جىلعى جۇڭگو دەنە تاربيە مادەنيەت كورمەسىنىڭ جانە جۇڭگو دەنە تاربيە ساياحات كورمەسىنىڭ شىمىلدىعى 2 - قىركۇيەك تۇستەن كەيىن شينجياڭ حالىقارالىق ءماجىلىس − كورمە ورتالىعىندا سالتاناتپەن اشىلدى. بۇل شينجياڭنىڭ مەملەكەتتىك 13 - كەزەكتى قىسقى سپورت جارىسىنان كەيىن جاۋاپتى بولىپ وتكىزگەن تاعى ءبىر رەتكى مەملەكەتتىك دەنە تاربيە سالتاناتى سانالادى.

　　اۆتونوميالى رايوندىق پارتكومنىڭ شۋجيى چىن چۋانگو كورمەنىڭ اشىلۋ سالتىنا قاتىناستى، سونداي - اق 2016 - جىلعى جۇڭگو دەنە تاربيە مادەنيەت كورمەسىنىڭ، جۇڭگو دەنە تاربيە ساياحات كورمەسىنىڭ اشىلعاندىعىن جاريالادى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قارسى الۋ ءسوزىن سويلەدى. مەملەكەتتىك دەنە تاربيە باس مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمەنىڭ ورىنباسار باستىعى ياڭ شۋ - ان كورمەنىڭ اشىلعاندىعىنا ارناپ ءسوز سويلەدى. اۆتونوميالى رايوننىڭ باسشىلارىنان عانيبات سابىكەي ۇلى، لي شۋەجۇن، پىڭ جيارۇي، شى داگاڭ، سانشي ولكەسىنىڭ ورىنباسار باستىعى جاڭ فۋميڭ، نيڭشيا حۇيزۋ اۆتونوميالى رايونىنىڭ ورىنباسار ءتوراعاسى ياۋ ايشيڭ جانە اتاقتى سپورتشىلاردىڭ ۋاكىلدەرىنەن ۋ جيڭيۇي، حى كىشين، گاۋ مين، لي نينا قاتارلىلار كورمەنىڭ اشىلۋ سالتىنا قاتىناستى. اشىلۋ سالتىن اۆتونوميالى رايوننىڭ ورىنباسار ءتوراعاسى تيان ۋىن باسقاردى.

　　شوكىرات زاكىر اۆتونوميالى رايوندىق پارتكوم، حالىق ۇكىمەتى اتىنان وسى جولعى كورمەگە كەلگەن قوناقتاردى قىزۋ قارسى الاتىندىعىن ءبىلدىردى، وسى جولعى كورمەنى وتكىزۋگە بار كۇشپەن قولداۋ كورسەتكەن، سونداي - اق شينجياڭنىڭ ەكونوميكالىق، قوعامدىق دامۋىنا ۇزاقتان بەرى نازار اۋدارىپ، كوڭىل ءبولىپ كەلگەن مەملەكەتتىك دەنە تاربيە باس مەكەمەسىنە، ءارقايسى ولكە، قالاعا جانە قوعامداعى ءار سالاعا شىنايى العىس ايتتى. ول بىلاي دەدى: شينجياڭداعى ءار ۇلت حالقى ەجەلدەن سپورتقا اۋەس، وتە - موتە، از ۇلتتاردىڭ ءداستۇرلى دەنە تاربيە مادەنيەتىنىڭ بوياۋى قانىق، ءتۇرى كوپ. سونىمەن بىرگە، شينجياڭنىڭ وزگەشە جاعراپيالىق ەرەكشەلىگى مەن كوركى كوز تارتاتىن تابيعاتى دالالىق سپورت قيمىلدارىن وتكىزۋگە تاپتىرمايتىن ابزال شارت - جاعداي ازىرلەدى. مەملەكەتتىك دەنە تاربيە باس مەكەمەسىنىڭ قولداۋ كورسەتۋى مەن جان - جاقتىڭ جەبەۋىنىڭ ارقاسىندا، شينجياڭنىڭ دەنە تاربيە مادەنيەتى، دەنە تاربيە ساياحات كاسىبى بىرتىندەپ وسىزاماندانعان قىزمەت وتەۋ كاسىبىنىڭ ماڭىزدى قۇرامداس بولەگىنە جانە ەكونوميكانىڭ جاڭا ارتۋ تۇيىنىنە اينالدى.

　　شوكىرات زاكىر بىلاي دەدى: جۇڭگو دەنە تاربيە مادەنيەت كورمەسى مەن جۇڭگو دەنە تاربيە ساياحات كورمەسىن وتكىزۋ − سالاماتتى جۇڭگو قۇرىلىسىن ىلگەرىلەتۋدىڭ ماڭىزدى شاراسى. ءبىز مەملەكەتتىك دەنە تاربيە باس مەكەمەسىنىڭ دەن قويا جەتەكشىلىك ەتۋىندە، وليمپيادا رۋحىن اسقاقتاتىپ، كورمەنى مۇقيات، قۇنتتى، ۇنەمدى، ۇتىمدى وتكىزۋ پرينسيبى بويىنشا، قوعامداعى ءار سالانىڭ ءوزارا توعىسۋىنا، قارىم - قاتىناس ورناتۋىنا، ءوزارا تيىمدىلىك جاساپ، سەلبەستىك ورناتۋىنا، اۋىس - كۇيىس جاساپ، دامۋدان ورتاق يگىلىكتەنۋىنە تەكشە ازىرلەپ، دەنە تاربيە مادەنيەتىنىڭ، دەنە تاربيە ساياحاتىنىڭ جانە دەنە تاربيە كاسىبىنىڭ توعىسا دامۋىن جەبەپ، دەنە تاربيەدە مىعىم ەل بولۋ، سالاماتتى جۇڭگو قۇرىلىسىن ىلگەرىلەتۋ جولىندا شينجياڭنىڭ تيەسىلى ۇلەسىن قوسۋىمىز كەرەك.

　　ياڭ شۋ - ان مەملەكەتتىك دەنە تاربيە باس مەكەمەسى جانە جۇڭگو وليمپيادا كوميتەتى اتىنان جۇڭگو دەنە تاربيە مادەنيەت كورمەسى مەن جۇڭگو دەنە تاربيە ساياحات كورمەسىنىڭ اشىلعانىن قىزۋ قۇتتىقتاپ، شينجياڭنىڭ كورمەنىڭ تابىستى وتكىزىلۋىن ويداعىداي قامتاماسىز ەتكەنىنە العىس ايتتى. ول بىلاي دەدى: جىل باسىندا شينجياڭ مەملەكەتتىك 13 - كەزەكتى قىسقى سپورت جارىسىن تابىستى وتكىزدى، بۇكىل ەل حالقى، اسىرەسە، بۇكىل ەلدەگى قار - مۇز سپورتشىلارى شينجياڭعا نازارىن اۋداردى. بۇگىن شينجياڭنىڭ جۇڭگو دەنە تاربيە مادەنيەت كورمەسى مەن جۇڭگو دەنە تاربيە ساياحات كورمەسىن وتكىزۋىنىڭ كوركەم شينجياڭدى اناعۇرلىم ۇگىتتەۋ، ساياحاتشىلاردى تارتۋ، «ءبىر بەلدەۋ، ءبىر جول» ستراتەگياسىن ۇگىتتەۋ، جىبەك جولى ەكونوميكالىق بەلدەۋى قۇرىلىسىن ىلگەرىلەتۋ جاقتارىندا بەلسەندى رول اتقاراتىندىعى داۋسىز.

　　اشىلۋ سالتىنان كەيىن چىن چۋانگو، شوكىرات زاكىر، ياڭ شۋ - ان قاتارلىلار كورمەنى بىرگە ەكسكۋرسيالاپ، از ۇلتتاردىڭ ءداستۇرلى دەنە تاربيە ويىندارىن تاماشالادى.

　　وسى كەزەكتى «قوس كورمە» − «دەنە تاربيە رۋحىن اسقاقتاتىپ، دەنە تاربيەدە قۋاتتى ەل قۇرۋ» مەن «دەنە تاربيە ساياحاتىن دارىپتەپ، ەكونوميكالىق دامۋعا دەم بەرۋدى» نەگىزگى تاقىرىپ ەتتى. بۇل جۇڭگو دەنە تاربيە مادەنيەت كورمەسىنىڭ، جۇڭگو دەنە تاربيە ساياحات كورمەسىنىڭ ءبىر ۋاقىتتا تۇڭعىش رەت ەلىمىزدىڭ باتىس سولتۇستىگىندەگى رايوندا وتكىزىلۋى، از ۇلتتاردىڭ ءداستۇرلى دەنە تاربيە تۇرلەرىنىڭ تۇڭعىش رەت تولىق ايگىلەنۋى، سونداي - اق بۇرىنعى كەزەكتەگى كورمەلەرمەن سالىستىرعاندا كولەمى ەڭ زور، كورمەگە قاتىناسقان ورىندار ەڭ كوپ ءبىر رەتكى كورمە. الداعى 3 كۇندە ەلىمىزدەگى 31 ولكە، اۆتونوميالى رايون، قالادان، شينجياڭداعى 15 ايماق، وبلىس، قالادان، مەملەكەتتىك دەنە تاربيە باس مەكەمەسىنە قاراستى سپورت ورتالىقتارىن باسقارۋ ورىندارىنان كەلگەن ۋاكىلدەر جانە ەلىمىزدەگى 400دەن استام دالا سپورت بۇيىمدارى، دەنە تاربيە مادەنيەتى، دەنە تاربيە ساياحاتى كاسىپورنىنان كەلگەن ۋاكىلدەر، سونداي - اق شينجياڭ ءوندىرىس - قۇرىلىس بيڭتۋانىنان تۇڭعىش رەت كورمەگە قاتىناسقان ۋاكىلدەر دەنە تاربيە رەفورماسى جونىندە ىشكەرىلەي تاجىريبە اۋىستىرىپ، دەنە تاربيە مادەنيەتى، دەنە تاربيە ساياحاتى سالاسىندا ءتىپتى دە كەڭ كولەمدە، ءتىپتى دە تەرەڭ سەلبەستىك جاساسۋعا ۇمتىلادى. كورمە كەزىندە ماڭىزدى تالقى ماجىلىستەرى، مادەنيەت قيمىلدارى، الەۋمەتتىك يگىلىك قيمىلدارى، ت. ب وتكىزىلەدى.

　　2 - قىركۇيەك تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو 2016 - جىلعى جۇڭگو دەنە تاربيە مادەنيەت كورمەسىنىڭ جانە جۇڭگو دەنە تاربيە ساياحات كورمەسىنىڭ كورمە زالىن ەكسكۋرسيالادى.

　　سۋرەتتى ءتىلشىمىز لۋ مين - ي تۇسىرگەن

　　كەلۋ قاينارى: شينجياڭ گازەتى