دۋباي قالا ىشىندە شوفەرسىز جولاۋشىلار كولىگىن سىناق رەتىندە ىسكە قوستى

2016.09.02 16:05   كەلۋ قاينارى : حالىق تورابى

　　حالىق تورابى، 2 – قىركۇيەك، بەيجيڭ. اراب بىرىككەن امىرلىگى دۋباي تاسجول قاتىناس باسقارۋ مەكەمەسى 31 – تامىز كۇنى مالىمدەمە جاريالاپ، جولاۋشىلاردى تاسيتىن شوفەرسىز اۆتوكولىكتىڭ 1 – قىركۇيەك كۇنى دۋباي قالا ورتالىعىندا ءبىر اي سىناق رەتىندە جۇرگىزەتىنىن جاريالاعان.

　　رەسمي جاقتىڭ جاريالاعان كەسكىنىنە قاراعاندا، بۇل «EZ10» دەپ اتالاتىن 10 ادام وتىراتىن شوفەرسىز ەلەكترلى كولىكتىڭ فورماسى ءتۇرتبۇرىش بولىپ، كولىك الدى – ارتى دەپ بولىنبەستەن، ەكى باعىتتا دا قاتىناي الاتىن بولعان. اتالعان نىساندى دۋباي تاسجول قاتىناس باسقارۋ مەكەمەسى مەن ەمار قوراجاي سەرىكتىگى بىرلەسىپ ورىنداعان بولىپ، بۇل نىسان دۋباي قالاسىن جاڭا تيپتەگى زەردەلى قالا ەتىپ قۇرىپ شىعۋ جولىنداعى زەردەلى جىلجۋدى جۇزەگە اسىرۋ جوسپارىنىڭ ءبىر بولىگى بولعان.

　　ۇعىسۋعا قاراعاندا، سىناق رەتىندە قولدانۋ مەزگىلىندە، EZ10 دۋباي قالا ورتالىعىنداعى ەڭ ساۋلەتتى كوشە سانالاتىن مۇحاممەد يبن راشيد كوشەسىندەگى 700 مەتر ارالىققا قاتىنايتىن بولىپ، فينانس ورتالىعى جولىنىڭ اۋزى مەن ۆيدا مەيمانحاناسىنىڭ ارالىعىندا جولاۋشى تاسيدى، قالا تۇرعىندارى مەن ساياحاتشىلاردىڭ اقىسىز وتىرۋىنا بولادى. بۇل كولىكتىڭ ەڭ جوعارى قارقىنى ساعاتىنا 40 كيلومەتر؛ جولاۋشى تاسۋ كەزىندەگى قارقىنى ساعاتىنا 25 كيلومەتر، نەگىزىنەن جاياۋلار مەن ۆەلوسيپەد كوپ رايونداردا قولدانۋعا ۇيلەسەدى.

　　بۇدان سىرت، EZ10 كولىگىندە جىلجىمالى كولبەۋ تابالدىرىق بار بولىپ، دوڭگەلەكتى ورىندىقپەن جۇرەتىن جولاۋشىلارعا قولايلىلىق جاراتقان.

　　سىناق رەتىندە پايدالانىلعان سوڭ، EZ10 دۋبايدىڭ دۋماندى قالا رايونىنداعى قولايلى كولىك رەتىندە، الەمدەگى ەڭ بيىك قۇرىلىس حاليفا مۇناراسى، الەمدەگى ەڭ ۇلكەن ساۋدا سارايى دۋباي ساۋدا ورتالىعى، دۋباي تەاترى جانە باحار بازارى قاتارلى بىرنەشە ايگىلى ساياحات كورىنىس رايوندارى ورتاسىندا قاتىنايدى.

　　دۋباي تاسجول قاتىناس باسقارۋ مەكەمەسىنىڭ باستىعى ماتار تاير اتالعان نىساننىڭ ماقساتى شوفەرسىز كولىك جۇرگىزۋ تەحنيكاسىنىڭ دۋبايدىڭ كليمات ورتاسىندا ىستەتىلۋ جاعدايىنا سىناق جاساۋ، سونىمەن قاتار قاراپايىم حالىقتىڭ ەڭ جاڭا تەحنيكانى تىكە تۇسىنۋىنە قولايلىلىق جاراتۋ ەكەنىن ءبىلدىردى. دۋباي 2030 – جىلعا بارعاندا قالا قاتىناس تاسىمالىنىڭ 25 پايىزىن شوفەرسىز جولاۋشىلار كولىگىنە اينالدىرۋدى جوسپارلاپ وتىر.

　　كەلۋ قاينارى: حالىق تورابى