برازيليا پارلامەنتى پرەزيدەنتتى ايىپتاۋ دەلوسىن داۋىس بەرىپ ماقۇلدادى

2016.09.01 16:32   كەلۋ قاينارى : حالىق تورابى

　　حالىق تورابى، 1 – قىركۇيەك، بەيجيڭ. جەرگىلىكتى ۋاقىت 31 – تامىز كۇنى تۇستە، برازيليا پارلامەنتى پرەزيدەنتتى ايىپتاۋ دەلوسىنا قاراتا سوڭعى شەشىمىن جاساپ، روۋسسەفتىڭ پرەزيدەنت مىندەتىنەن قالدىرىلىپ، ۋاقىتتىق پرەزيدەنت تەمەردىڭ رەسمي پرەزيدەنت بولعانىن جاريالادى.

　　81 پارلامەنت مۇشەسىنەن قۇرالعان برازيليا پارلامەنتىنىڭ سول كۇنگى سوڭعى داۋىس بەرۋ ناتيجەسىندە، 61 داۋىس قولداپ، 20 داۋىس قارسى تۇرىپ، قولداۋشىلار سانى جالپى داۋىستىڭ ۇشتەن ەكىسىنەن اسىپ، پرەزيدەنتتى ايىپتاۋ دەلوسى ماقۇلداندى.

　　ايىپتاۋ مالىمەتىندە، ۇكىمەت قازىناسىندا زاڭعا قايشى ارەكەتتەر ساقتالعانى، ۇكىمەت باسشىسى بولعان روۋسسەف «قىزمەتتە جاۋاپكەرسىزدىك ىستەۋ قىلمىسىن» وتكىزگەنى كورسەتىلگەن.

　　پرەزيدەنتتى ايىپتاۋ دەلوسىنىڭ سوڭعى باسقىشتاعى تەكسەرۋى 25 – تامىزدا وتكىزىلدى. برازيليا فەدراتسيالىق ەڭ جوعارى سوتىنىڭ باسقارۋىندا، ايىپتاۋشى - اقتالۋشى ەكى جاق برازيليا پارلامەنتىندە ءسوز سويلەدى ءارى دالەلدەرىن كورسەتتى. روۋسسەف 29 – تامىز كۇنى پارلامەنتتە ءوزىن اقتادى ءارى پارلامەنتتەن پرەزيدەنتتى ايىپتاۋ دەلوسىن كۇشىنەن قالدىرۋدى تالاپ ەتتى.

　　بيىل 17 – ساۋىردە، برازيليا قاۋىم پالاتاسى كوپ داۋىستىڭ قولداۋىمەن پرەزيدەنت روۋسسەفتى ايىپتاۋ دەلوسىن ماقۇلداعان بولاتىن. 12 – مامىردا، برازيليا پارلامەنتى جالپى ماجىلىسىندەگى تۇڭعىش رەتكى داۋىس بەرۋدە پرەزيدەنت روۋسسەفتى ايىپتاۋ دەلوسى ماقۇلدانىپ، روۋسسەف ىلە – شالا ماجبۇري تۇردە مىندەتىنەن توقتاتىلىپ، پرەزيدەنتتىڭ ورىنباسارى تەمەر ۋاقىتشا پرەزيدەنت بولىپ سايلانعان ەدى. 10 – تامىز كۇنى، پارلامەنتتىڭ ەكىنشى رەتكى داۋىس بەرۋىندە پرەزيدەنتتى ايىپتاۋ دەلوسى تاعى دا ماقۇلداندى.

　　روۋسسەف 2010 – جىلى ەڭبەكشىلەر پارتياسىنىڭ پرەزيدەنت كانديداتى رەتىندە پرەزيدەنت سايلامىنا ءتۇسىپ ءارى سايلامدا جەڭىسكە جەتتى، 2011 – جىلى قاڭتاردا مىندەتكە وتىرىپ، برازيليا تاريحىنداعى تۇڭعىش ايەل پرەزيدەنت بولدى. روۋسسەف 2014 – جىلعى پرەزيدەنت سايلامىندا جەڭىسكە جەتىپ، پرەزيدەنت مىندەتىن جالعاستىرعان.

　　كەلۋ قاينارى: حالىق تورابى