كريستيانو رونالدو 4 – رەت التىن دوپ سيلىعىن ەنشىلەدى

2016.12.13 13:39   كەلۋ قاينارى : حالىق تورابى

　　حالىق تورابى، 13 – جەلتوقسان، بەيجيڭ. حالىقارالىق فۋتبول بىرلەستىگى ۇيىمداستىرعان التىن دوپ سيلىعىن تاراتۋ جىلدىق سالتى 12 – جەلتوقسان كەشتە پاريح قالاسىندا وتكىزىلدى، پورتۋگاليا دوپشىسى كريستيانو رونالدو كوپ داۋىسپەن 61 – كەزەكتى التىن دوپ سيلىعىنىڭ يەگەرى بولىپ، 4 – رەت اتالعان سيلىققا قول جەتكىزدى.

　　بۇل 31 جاستاعى رەال مادريد فۋتبول شولپانى ەڭ مىقتى باسەكەلەسى مەسسي جانە فرانسيا قۇراماسىنىڭ دوپشىسى گريەزمان، برازيليا قۇراماسىنىڭ اتويشىسى نەيمار قاتارلىلاردى جەڭىپ، التىن دوپ سيلىعىنا يە بولدى. ءسويتىپ ونىڭ العان التىن دوپ سيلىق سانى 4كە جەتىپ، مەسسيمەن ءبىر التىن دوپ سيلىعىمەن پارىقتالدى (مەسسي 5 التىن دوپ سيلىعىنا يە بولعان).

　　حالىقارالىق فۋتبول بىرلەستىگىنىڭ جەكەنىڭ ناتيجەسىنە باسا ٴمان بەرەتىن «الەم فۋتبول مىرزاسى» سيلىعىنا قاراعاندا، التىن دوپ سيلىعى ۇزدىك كوللەكتيۆ ىشىندەگى ەرەكشە ۇلەس قوسقان جەكە مۇشەگە بەرىلەتىن سيلىق. بيىل كريستيانو رونالدو 110 رەت جارىسقا قاتىناسىپ، قارسىلاسىنىڭ قاقپاسىنا 102 دوپ سالىپ، رەال مادريد كومانداسىن باستاپ مامىر ايىندا ەۆروپا چەمپيوندار ليگاسىنىڭ اعا جۇلدەگەرلىگىنە، شىلدە ايىندا پورتۋگاليا قۇرماسىن باستاپ ەۆروپا چەمپيوناتىنىڭ اعا جۇلدەگەرلىگىنە قول جەتكىزدى.

　　دۇنيەنىڭ جەر – جەرىنەن كەلگەن 173 فۋتبول ءتىلشىسى بۇل رەتكى سيلىق باعالاۋعا قاتىناسىپ داۋىس بەرىپ، تىزىمدىككە ۇسىنىلعان 30 فۋتبولشىنىڭ ىشىنەن ءوز جۇرەگىندەگى جىلدىق ۇزدىك فۋتبولشىنى باعالاپ شىقتى. ءبىراق سول كۇنگى كەشتەگى سيلىق تاراتۋ سالتىندا 11 فۋتبولشى ەشقانداي داۋىسقا يە بولماعاندىقتان، قالعان 19 فۋتبولشى باعالاۋعا قاتىناستى. سوڭىندا كريستيانو رونالدو التىن دوپ سيلىعىنا يە بولدى، مەسسي ەكىنشىلىككە، گريەزمان ۇشىنشىلىككە، نەيمار مەن سۋارەز جەكە - جەكە ءتورتىنشى جانە بەسىنشىلىككە يە بولدى.

　　رەال مادريد كومانداسى جاپونياعا بارىپ الەم كلۋبتار چەمپيوناتىنا قاتىناساتىن بولعاندىقتان، كريستيانو رونالدو التىن دوپ سيلىعىن تاراتۋ سالتىنا قاتىناسا المادى، سول سەبەپتى 3 كۇن بۇرىن مادريد قالاسىندا ٴتۇسىرىلىپ دايىندالعان قىسقا كەسكىن ارقىلى ءوزىنىڭ سيلىق العانداعى اسەرى مەن العىسىن جانكۇيەرلەرىنە جەتكىزدى.

　　كەلۋ قاينارى: حالىق تورابى