بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى>>ورتالىقتىڭ ءۇنى

مەملەكەت ءتوراعاسى حۋ جينتاۋدىڭ 2013 - جىلعا ارناۋ ءسوزى

دۇنيە ءجۇزىنىڭ بەيبىتشىلىگى مەن دامۋىن قول ۇستاسا ىلگەرىلەتەيىك

2013.01.05 14:04   كەلۋ قاينارى : ءتاڭىرتاۋ تورابى



  شينحۋا اگەنتتىگىنىڭ 31 - جەلتوقساندا بەيجيڭنەن بەرگەن حابارى. جاڭا جىل قارساڭىندا، مەملەكەت ءتوراعاسى حۋ جينتاۋ جۇڭگو حالىقارالىق راديو ستانسياسى، ورتالىق حالىق راديو ستانسياسى، ورتالىق تەلەۆيزياسى ارقىلى «دۇنيە ءجۇزىنىڭ بەيبىتشىلىگى مەن دامۋىن قول ۇستاسا ىلگەرىلەتەيىك» دەگەن تاقىرىپتا جاڭا جىلعا ارناۋ ءسوز سويلەدى. ءسوزدىڭ تولىعى تومەندەگىدەي:

  جاڭا جىلدىڭ قوڭىراۋى شالىنىسىمەن ءبىز 2013 - جىلعا قادام تاستايمىز. مەن اسا قۋانىشتى سەزىممەن جۇڭگو حالىقارالىق راديو ستانسياسى، ورتالىق حالىق راديو ستانسياسى جانە ورتالىق تەلەۆيزياسى ارقىلى بۇكىل ەلدەگى ءار ۇلت حالقىنا، شياڭگاڭ ەرەكشە اكىمشىلىك رايونى مەن اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەگى مۇھاجىرلارعا، الەمنىڭ ءار ەلىندەگى، ءار جەرىندەگى دوستارعا جاڭا جىل بايلانىسىمەن قۇتتى بولسىن ايتامىن!

  2012 - جىلى جۇڭگو رەفورما جاساۋ، ەسىك اشۋ ىستەرى مەن وسىزامانداندىرۋ قۇرىلىسىندا كورنەكتى ناتيجەگە قول جەتكىزدى. جۇڭگو حالقى جۇدىرىقتاي جۇمىلىپ، قيىندىقتاردى جەڭدى، جۇڭگونىڭ ەكونوميكالىق، قوعامدىق دامۋىندا ورنىقتىلىق بارىسىندا ىلگەرىلەۋدەي تاماشا جاعداي جارىققا شىقتى، ءار سالا ىستەرى جاپپاي ىلگەرىلەپ، حالىق تۇرمىسى ۇزدىكسىز جاقساردى. جۇڭگو كوپ جاقتى ديپلوماتيانى ءۇرتىس ورىستەتىپ، ءار ەلمەن بارىس - كەلىستى، سەلبەستىكتى كۇشەيتىپ، حالىقارالىق جانە وڭىرلىك قولامتالى ماسەلەلەردى شەشۋگە بەلسەنە ارالاسىپ، دۇنيە ءجۇزىنىڭ بەيبىتشىلىگى مەن دامۋىنا تىڭ ۇلەس قوستى.

  2012 - جىل جۇڭگونىڭ دامۋ ساپارىندا اسا زور ءارى تەرەڭ مانگە يە جىل بولدى. تاياۋدا اشىلعان جۇڭگو كوممۋنيستىك پارتياسىنىڭ مەملەكەتتىك 18 - قۇرىلتايى جانە 18 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جاپپاي دوڭگەلەك داۋلەتتى قوعام قۇرۋدىڭ جانە رەفورما جاساۋ، ەسىك اشۋ ىستەرىن ىلگەرىلەتۋدىڭ ايبىندى جوسپارىن جاساپ، جۇڭگو كوممۋنيستىك پارتياسى ورتالىق كوميتەتىنىڭ باسشىلىق قۇرىلىمىن ءساتتى تۇردە جاڭالادى. قازىر جۇڭگونىڭ ءار ۇلت حالقى شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز توپتاسىپ، ءبىر نيەت، ءبىر تىلەكپەن ورشەلەنە العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسۋدە.

  2013 - جىل جۇڭگو ۇكىمەتى مەن حالقى جۇڭگوشا سوتسياليزم ۇلى تۋىن بيىك ۇستاپ، عىلمي دامۋدى نەگىزگى تاقىرىپ، ەكونوميكانىڭ دامۋ تاسىلىنە بۇرىلىس جاساۋدى نەگىزگى جەلى ەتۋگە تاباندى بولىپ، ورنىقتىلىق بارىسىندا ىلگەرىلەۋ دەيتىن نەگىزگى اۋەندى ۇزدىكسىز مىقتى يگەرىپ، رەفورما جاساۋ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسىن جاپپاي ىلگەرىلەتىپ، پارتيا 18 - قۇرىلتايىندا بەلگىلەنگەن نىسانالار مەن مىندەتتەردى ورىنداۋ جولىندا جاقسى باستاما كوتەرىپ، نىق قادام تاستايدى. ءبىز «ءبىر ەل ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتتارىن بۇلجىتپاي دايەكتىلەندىرىپ، اۋىس - كۇيىس پەن سەلبەستىكتى تەرەڭدەتىپ، شياڭگاڭ مەن اۋمىننىڭ ۇزاق ۋاقىت كوركەيىپ - گۇلدەنۋىن، ورنىقتىلىعىن جەبەيمىز. ءبىز ەكى جاعالاۋ قاتىناسىنىڭ بەيبىت دامۋىن ۇزدىكسىز ىلگەرىلەتىپ، ەكى جاعالاۋداعى باۋىرلاستارعا باقىت جاراتىپ، جۇڭحۋا ۇلتىنىڭ ءتۇبىرلى مۇددەسىن قورعايمىز.

  قازىر حالىقارالىق جاعدايدا تەرەڭ، كۇردەلى وزگەرىستەر جارىققا شىقتى. بەيبىتشىلىك، دامۋ، سەلبەستىك، ءوزارا تيىمدىلىك ءار ەل حالقىنىڭ ورتاق ارمانىنا اينالىپ، ءار ەلدىڭ ىقپالداستىعى كۇن سايىن نىعايدى. سونىمەن قاتار حالىقارالىق فينانس داعدارىسىنىڭ ىقپالى تەرەڭگە تامىر تارتىپ، دۇنيە ءجۇزى ەكونوميكاسىنىڭ باياۋ دامۋ اۋقىمى ءالى جالعاسۋدا، كەي ەلدەر مەن رايوندار بىلىقپالىقتان كوز اشپادى، دۇنيە ءجۇزى ءالى تىنىش ەمەس.

  جەر شارى ادامزاتقا ورتاق، ءار ەل حالقى ءبىر الەمدە ءومىر سۇرەدى. دۇنيە ءجۇزىنىڭ بەيبىتشىلىگى مەن دامۋىن ءار ەل حالقى جۇمىلا قورعاپ، بىرگە ىلگەرىلەتۋگە ءتيىس. جۇڭگو حالقى ەجەلدەن دۇنيە ءجۇزىنىڭ بەيبىتشىلىگى مەن دامۋىن ىلگەرىلەتۋشى مىزعىماس كۇش بولىپ كەلەدى. حالىقارالىق اۋقىم مىڭ قۇبىلعانىمەن، جۇڭگو حالقىنىڭ بەيبىت دامۋ جولىمەن جۇرۋگە دەگەن بەرىك سەنىمىن وزگەرتە المايدى. جۇڭگو الداعى ۋاقىتتا دا بەيبىت قاتار تۇرۋدىڭ 5 پرينسيبى نەگىزىندە ءار ەلمەن دوستىق سەلبەستىكتى بەلسەندى تۇردە دامىتادى، حالىقارالىق جانە وڭىرلىك قولامتالى ماسەلەلەردىڭ بەيبىت جولمەن شەشىلۋىن بەلسەندى تۇردە جەبەيدى، دۇنيە ءجۇزى ەكونوميكاسىنىڭ سەرپىندى، باياندى، تۇراقتى ارتۋىن قۇلشىنا ىلگەرىلەتىپ، ءىرى ەلدىك جاۋاپكەرشىلىگىن ساۋلەلەندىرەدى.

  ءار ەل حالقىنىڭ تىلەگىنە باعىپ، دۇنيە ءجۇزىنىڭ دامۋ اۋقىمىنا سايكەسىپ، جۇمىلا قۇلشىنساق عانا، دۇنيە ءجۇزىنىڭ بەيبىتشىلىگى مەن دامۋىنىڭ ۇلى ىستەرىن ۇزدىكسىز العا ىلگەرىلەتىپ، ءار ەل حالقىنىڭ باقىتتىلىعىن تىڭ دەڭگەيگە كوتەرۋگە بولاتىنىنا كامىل سەنەمىن!

  سوڭىندا، سىزدەردىڭ جاڭا جىلدا باقىتتى، ساۋ - سالەمەت بولۋلارىڭىزدى تىلەپ، بەيجيڭنەن سالەم جولدايمىن! «شينجياڭ گازەتى»

جاۋاپتى رەداكتورى : نۇرعيسا قۇرمانجان ۇلى

 سۋرەت