ورتالىقتىڭ اۋىل - قىستاق قىزمەتى ءماجىلىسى بەيجيڭدە اشىلدى

لي كىچياڭ ماڭىزدى ءسوز سويلەدى، جاڭ گاۋلي ماجىلىسكە قاتىناستى

2014.12.24 13:59   كەلۋ قاينارى : حالىق تورابى

　　شينحۋا اگەنتتىگى، 23 – جەلتوقسان، بەيجيڭ. ورتالىقتىڭ اۋىل - قىستاق قىزمەتى ءماجىلىسى 22 - جەلتوقساننان 23 - جەلتوقسانعا دەيىن بەيجيڭدە اشىلدى. پارتيا ورتالىق كوميتەتى مەن مەملەكەتتىك كەڭەس ماجىلىسكە ايرىقشا ءمان بەردى، ج ك پ ورتالىق كوميتەتى ساياسي بيۋروسىنىڭ ءماجىلىسى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرىنىڭ ءماجىلىسى مەن مەملەكەتتىك كەڭەستىڭ تۇراقتى ءماجىلىسى وسى جولعى ءماجىلىستى ويداعىداي اشىپ، كەلەر جىلعى اۋىل شارۋاشىلىعى، اۋىل - قىستاق قىزمەتىن جاقسى ىستەۋ جونىندە ايقىن تالاپتار العا قويدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماجىلىسكە قاتىناستى ءارى ماڭىزدى ءسوز سويلەدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي ماجىلىسكە قاتىناستى.

　　ماجىلىستە مىنالار العا قويىلدى: جىل باسىنان بەرى، پارتيا ورتالىق كوميتەتى مەن مەملەكەتتىك كەڭەستىڭ دۇرىس باسشىلىعىندا، بۇكىل پارتيا مەن بۇكىل ەلدەگىلەردىڭ جوعارى - تومەن دەمەي ورتاق قۇلشىنۋىندا استىق ءونىمىنىڭ «ءۇرتىس 11 جىل ارتۋى»، ديقاندار كىرىسىنىڭ «ءۇرتىس 11 جىل تەز ارتۋى» جۇزەگە استى، اۋىل - قىستاقتاردا حالىق تۇرمىسىن جاقسارتۋدا ماڭىزدى ىلگەرىلەۋشىلىككە قول جەتتى، اۋىل - قىستاق رەفورماسى جەدەل ىلگەرىلەدى، اۋىل - قىستاقتاردىڭ قوعامدىق جاعدايى جاراسىمدى، ورنىقتى بولىپ، جالپى قىزمەتتەردى جاقسى ىستەۋگە نەگىز قالانىپ، تىنىس كەڭەيدى.

　　ماجىلىستە مىنالار اتاپ كورسەتىلدى: ىشكى - سىرتقى ورتا شارت - جاعدايىنىڭ وزگەرۋى مەن ۇزاقتان بەرگى ۇتىمسىز شارۋاشىلىق بارىسىندا جينالعان تەرەڭدە جاتقان قايشىلىقتاردىڭ بىرتىندەپ كورنەكتىلەنۋىنە بايلانىستى، اۋىل شارۋاشىلىعىنىڭ باياندى، ورنىقتى دامۋىندا بۇرىن بولىپ كورمەگەن سايىستارعا ءدوپ كەلدىك. كەزەكتە ەل ىشىندە نەگىزگى اۋىل شارۋاشىلىق ونىمدەرىنىڭ باعاسى يمپورت باعاسىنان اسىپ كەتتى، ال ءوندىرىستىڭ وزىندىك قۇنى دا ۇزدىكسىز جوعارىلاپ بارادى. اۋىل شارۋاشىلىعىنىڭ ەكولوگيالىق ورتاسى ءبۇلىنىپ، ەگىستىك جەر، تۇشتى سۋ سياقتى بايلىقتار تاپشى بولۋدا. پارتيا 18 - قۇرىلتايىنىڭ تالابى بويىنشا اۋىل شارۋاشىلىعىن وسىزامانداندىرۋدىڭ جۇڭگوشا جاڭا جولىمەن جۇرۋدەن جازباي، اۋىل شارۋاشىلىعىن دامىتۋ تاسىلىندە بۇرىلىس جاساۋدى جەدەلدەتىپ، جەردىڭ ءتۇسىمىن، بايلىقتىڭ پايدالانىلۋىن، ەڭبەكتىڭ ونىمدىلىگىن ۇزدىكسىز ارتتىرىپ، ۇتىمدى، باياندى دامۋدى جۇزەگە اسىرۋ كەرەك.

　　ماجىلىستە « ج ك پ ورتالىق كوميتەتى مەن مەملەكەتتىك كەڭەستىڭ اۋىل - قىستاق رەفورماسىن ونان ارى تەرەڭدەتىپ، اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋ جونىندەگى بىرنەشە پىكىرى (تالقى نۇسقاسى)» تالقىلاندى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى