- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەگراف - عالامتور الدامشىلارىنان ساق بولايىق
2014.12.22 14:59 كەلۋ قاينارى : حالىق تورابى
 |
اجۋا سۋرەت عالامتوردان الىنعان
|
حالىق تورابى، 22 – جەلتوقسان، بەيجيڭ. (نۇرعيسا) عالامتور مەن قولفون تۇرمىسىمىزعا اسا قولايلىلىق تۋدىرعانىمەن، بۇل «ايلاسى قىرىق ەسەككە جۇك بولعان» الدامشىلارعا اڭقاۋ ەلدىڭ قالتاسىن قاعاتىن وراي تۋدىرۋدا. ولار ءسىزدىڭ ءجۇزىڭىزدى كورمەي – اق، ەلەكتروندىق حات، كەلتە حات، تەلەفون جالعاۋ قاتارلى جولدارمەن – اق تۇزاعىنا تۇسىرەدى.
ەگەر ءسىز «تەلەفون نومەرىڭىز (كوكەگىڭىز) سيلىققا ءىلىندى» «قوعامدىق قامتاماسىزداندىرۋ ەسەپ نومىرىڭىزدە قاتەلىك بايقالدى» «مەملەكەتتىك باجى مەكەمەسى اۆتوكولىك ساتىپ الۋ باجىسىن قايتارماقشى» دەگەن سياقتى ەمەۋرىنمەن باستالعان كەلتە حاتتاردى تاپسىرىپ الساڭىز نەمەسە وسىنداي مازمۇنداعى تەلەفونداردى قابىلداساڭىز، وندا اباي بولىڭىز. ولارعا اتى – ءجونى، ازاماتتىق كۋالىك ءنومىرى، بانكە ەسەپ ءنومىرى قاتارلى ينفورماتسيالاردى اشكەرەلەۋىڭىزگە بولمايدى.
بۇگىنگى تاڭدا عالامتوردان زات ساتىپ الۋ دا بارىنشا جالپىلاسىپ كەلەدى. قالانى قويىپ، اۋىل – قىستاقتارداعى قىز – كەلىنشەكتەر دە عالامتوردان زات ساتىپ الۋدى ادەتكە اينالدىرعان. عالامتوردىڭ تۇرمىسىمىزعا اكەلگەن قولايلىلىعىنان پايدالانۋ بارىسىندا، الدانىپ قالماۋ جايىن دە ءبىر سات ويلانىپ قويعانىڭىز ءجون. عالامتوردا ساۋدا جۇرگىزەتىن رەسمي تور بەتتەرى ءسىزدى الدامايدى، ءبىراق، سول ءىرى تور بەتتەرىنەن اۋمايتىن تور بەتتەرىن كوبەيتىپ جاساۋ الدامكوستەردىڭ قولىنان كەلىپ تۇر. ولار سىزگە زاتىن ساتقان بولىپ، ەسەپ ءنومىرىڭىزدى جانە قۇپيا سيفىرىڭىزدى ءبىلىپ الادى دا، ىلەزدە كارتۋچكاڭىزداعى اقشانى سىپىرىپ كەتەدى. سەنىمدى دەلىنگەن بانكە تور بەتتەرىنىڭ دە وسىنداي جالعان نۇسقالارى بولاتىنىن ساقشى جاق تەكسەرىپ انىقتاعان.
وسى ارادا ءبىر اڭگىمەنى قىستىرا كەتۋدى ءجون كوردىك: اۋىلدا ءبىر اعامىزعا بەيجيڭنەن تەلەفون جالعاعان «جىلجىمالى حابارلاسۋ سەرىكتىگىنىڭ قىزمەتكەرى» تەلەفون ءنومىرىنىڭ سيلانعانىن، پالەن سوماداعى باجىنى تاپسىرسا قوماقتى سيلىق اقشانى كارتۋچكاسىنا سالاتىنىن ايتقان. اعامىز بۇل ءنومىرىن سونىڭ الدىندا عانا حانزۋ دوسىنىڭ ازاماتتىق كۋالىگىمەن بىتىرگەن، «قۇلاننىڭ قاسۋىنا ماسانىڭ باسۋى» ءدۇپ كەلگەن – عوي، مىنا سيلىقتى قاراداي سول دوسىنان «قىزعانعان» اعامىز قالاي ىستەۋدى بىلمەي دال بولىپ وتىر ەكەن. «بەيجيڭنەن كەلگەن زيالى» رەتىندە بۇل الدامشىلىقتىڭ «شىن كەسپىرىن» قانشا ايتقانمەن اعامىز شاي ۇستىندە قايتا – قايتا «سيلىقتى» اۋىزعا الىپ قىڭقىلداي بەردى. سوسىن سول «سيلىق بەرەتىن بويجەتكەنگە» تەلەفون جالعاۋعا تۋرا كەلدى، قارسى جاق قارماعىن بالىق قاپقان بالىقشىداي تەلەفوندى دەرەۋ قابىلدادى. مەن بەيجيڭدە تۇراتىنىمدى، ونىڭ كەڭسەسىنە ءوزىم بارىپ سيلىقتى قولما – قول الاتىنىمدى ايتقانىمدا، تەلەفون ءۇزىلدى دە، «سيلىق بەرگىش بويجەتكەن» تەلەفوندى ەكىنشى قابىلدامادى. اعامىز سوندا بارىپ ءىستىڭ بايىبىنا بارعانداي بولدى. بۇل تەك ءبىر عانا مىسال.
الدامشىلاردىڭ ايلاسىنا قۇرىق بويلامايدى، ونى بىردەن جىپكە ءتىزىپ وتىرۋ دا مۇمكىن ەمەس. ولاردىڭ الدام قالتاسىنا ءتۇسىپ، تاقىر جەرگە وتىرىپ قالماۋ ءۇشىن، ءار نارسەگە ابايلاي قاراپ، ساقتانا ءىس كورگەن ابزال. سوندا عانا قالتامىزدى قاقتىرىپ الۋدان ساقتانا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
