- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋليلار
مەملەكەتتىك حالىق قۇرىلتايى ءماجىلىسىنىڭ ءبىر ءبولىم ۋاكىلدەر ۇيىرمەسىنىڭ تەكسەرۋ تالقىسىنا جەكە - جەكە قاتىناستى
2015.03.09 17:17 كەلۋ قاينارى : حالىق تورابى
«3 - ناۋرىز» حالىقارالىق ەڭبەكشى ايەلدەر مەرەكەسى كۇنى، شي جينپيڭ پارتيا ورتالىق كوميتەتى، مەملەكەتتىك كەڭەس اتىنان قالىڭ ايەل ۋاكىلدەرگە، ايەل مۇشەلەرگە سونداي - اق بۇكىل ەلدىڭ ءار سالاسىنداعى ايەل باۋىرلاستارعا شىنايى مەرەكەلىك قۇتتىقتاۋ ءبىلدىردى.
شينحۋا اگەنتتىگى 8 - ناۋرىزدا بەيجيڭنەن حابارلايدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي ءماسليحات كەڭەسىنىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت ءتارتىپ تەكسەرۋ كوميتەتىنىڭ شۋجيى ۋاڭ چيشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋليلار 8 - ناۋرىز تۇستەن بۇرىن 12 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناسىپ جاتقان ءبىر ءبولىم ۋاكىلدەر ۇيىرمەسىنىڭ تەكسەرۋ تالقىسىنا جەكە - جەكە قاتىناستى.
وسى «3 - ناۋرىز» حالىقارالىق ەڭبەكشى ايەلدەر مەرەكەسىندە شي جينپيڭ پارتيا ورتالىق كوميتەتى، مەملەكەتتىك كەڭەس اتىنان قالىڭ ايەل ۋاكىلدەرگە، ايەل مۇشەلەرگە سونداي - اق بۇكىل ەلدىڭ ءار سالاسىنداعى ايەل باۋىرلاستارعا شىنايى مەرەكەلىك قۇتتىقتاۋ ءبىلدىردى.
شي جينپيڭ گۋاڭشي ۋاكىلدەر ۇيىرمەسىنە كەلىپ، گرۋپپا تەكسەرۋ تالقىسىنا قاتىناستى. شي جينپيڭ ماڭىزدى ءسوز سويلەپ، گۋاڭشي ولكەسىنىڭ ءبىر جىلدان بەرگى قىزمەتتەرىن تۇراقتاندىرعاننان كەيىن مىنالاردى اتاپ كورسەتتى: مەملەكەتتىڭ «ءبىر بەلدەۋلىك پەن ءبىر جول» قۇرىلىسىن ىلگەرىلەتۋىنە ساي، مەملەكەتتىڭ ەسىكتى سىرتقا اشىق ۇستاۋ سىندى جالپى جەلىسىندەگى گۋاڭشيدىڭ ورنى اناعۇرلىم كورنەكتىلەنىپ، دامۋدىڭ تاريحي ورايىنا كەزدەسىپ وتىر. سوندىقتان گۋاڭشي ەسىكتى اشىق ۇستاۋدىڭ، سەلبەستىك جاساۋدىڭ ىشكى جانە حالىقاراعا باعىتتالعان تىڭ ارناسىن قالىپتاستىرۋدى جەدەلدەتىپ، تاسىلدە بۇرىلىس جاساۋ مەن قۇرىلىمدى تەڭشەۋدى اسا ماڭىزدى ورىنعا قويىپ، ەسىكتى سىرتقا اشىق ۇستاۋ ماڭىزدى قىزمەتىن ويداعىداي ىستەپ، ەسىكتى اشىق ۇستاۋدىڭ اناعۇرلىم بەلسەندى دە ىرىقتى ستراتەگياسىن اتقارىپ، اشۋ ۇلگىسىندەگى ەكونوميكانىڭ اناعۇرلىم ومىرشەڭدىك قۋاتقا يە جۇيەسىن قۇرىپ، شىعىس - وڭتۇستىك ازيا ەلدەرى وداعىنىڭ ەلدەرىنە ەسىكتى اشىق ۇستاۋ جانە ولارمەن سەلبەستىك جاساۋ كولەمىن ۇلعايتىپ جانە تەرەڭدەتىپ، تەڭىز ، وزەن جاعالاۋى، شەكارا بويىن جالپىلىق سىرتقا اشىق ۇستاۋ تەكشەلەرىن قۇرۋى كەرەك. كەدەيلەردى سۇيەمەلدەۋدى مىقتى، دۇرىس، تياناقتى مەڭگەرىپ، كەدەيلەردى دۇرىس جولمەن سۇيەمەلدەپ، قۇرىلىس مەرزىمىن ىڭعايلاپ، ەسەپتى ەگجەي - تەگجەيلى ىستەپ، ءارقانداي ءبىر از ۇلتتاردى، رايونداردى استە قاتاردان قالدىرماۋ كەرەك. كەدەي رايوندارداعى بۇقارانىڭ دەنساۋلىق، مادەنيەت ساپاسىن، جۇمىستانۋ قابىلەتىن جوعارىلاتۋعا كومەكتەسىپ، ناۋقاس سەبەبىنەن كەدەيلەسۋدىڭ، قايتا كەدەيلەسۋدىڭ الدىن الۋعا كۇش سالىپ، بالالاردىڭ ۇيرەنۋ ارقىلى جەتىلۋىنىڭ، جاستار مەن ورتا جاستاعىلاردىڭ تۇرلىشە جولدارمەن تاعدىرىن وزگەرتۋدىڭ دايەكتى ارناسىن اشىپ، كەدەيلەسۋ قۇبىلىسىنىڭ ۇرپاق بويىنشا جالعاسۋىنىڭ الدىن باتىل الۋ كەرەك. ەلدى زاڭمەن جاپپاي باسقارۋدى بەلسەندى تۇردە ىلگەرىلەتىپ، ەكونوميكانى ءادىل، جۇيەلى تۇردە دامىتۋدىڭ زاڭمەن باسقارىلاتىن ورتاسىن قالىپتاستىرىپ، ۇلتتىق رايونداردىڭ دامۋىن جەدەلدەتۋدى، از ۇلت بۇقاراسىنىڭ زاڭدى ۇقىق - مۇددەسىن قورعاۋدى زاڭمەن باسقارۋ ارناسىنا ەنگىزىپ، شەكارا ءتارتىبىن زاڭ بويىنشا باسقارىپ جانە تىزگىندەپ، شەكارا رايونداردىڭ اماندىعى مەن ورنىقتىلىعىن قورعاۋ كەرەك. ءار دارەجەلى پارتيا - ۇكىمەت ورگاندارى جانە ءارقايسى باسشى كادىرلار مەن قىزمەتكەرلەر زاڭمەن باسقارۋ جونىندەگى كوزقاراسىن، زاڭدىق ساناسىن كۇشەيتىپ، زاڭدارعا ءسوزسىز بويسۇنۋعا تاباندى بولىپ، قىزمەتتى زاڭمەن باسقارۋ ءتاسىلى ارقىلى ورىستەتۋگە شەبەر بولىپ، حالىق بۇقاراسىنىڭ كۇندەلىكتى ءوندىرىس پەن تۇرمىس بارىسىنان ادىلدىك پەن ادىلەتتىلىكتى سەزىنۋىنە مۇمكىندىك جاراتۋى كەرەك. زاڭ بولا تۇرىپ وعان بويسۇنباۋ، زاڭدى قاتاڭ اتقارماۋ، بەتكە قاراپ زاڭدى بۇزۋ سىندى سالماقتى دەلولاردىڭ جاۋاپكەرشىلىكتەرىن قاتاڭ قۋزاستىرىپ، ولاردى زاڭ بويىنشا جازالاۋ كەرەك.
(اۋدارماسىن قاداعالاۋشى: بىلىمبەك ورالبەك ۇلى)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
