اقساي قازاق اۆتونوميالى اۋدانى گانسۋ ولكەسىنىڭ جيۋچۋان قالاسىنا قاراستى. گانسۋ، چيڭحاي، شينجياڭ ءۇش ولكەنىڭ تۇيىلىسكەن تۇسىندا، گانسۋداعى بىردەن – ءبىر قازاق اۆتونوميالى اۋدان، جۇڭحۋا حالىق رەسپۋبليكاسىنداعى ءۇش اۆتونوميالى قازاق اۋاننىڭ ءبىرى.
اقساي قازاق اۆتونوميالى اۋدانىنىڭ جەر كولەمى 31 مىڭ شارشى كيلومەتر، تەڭىز دەڭگەيىنەن ورتا ەسەپپەن 3200 مەتر بيىكتىكتە، قاراماعىندا 2 اۋىل جانە ءبىر قالاشىق بار.
حانبالىقتا قازاقتىڭ ءبىر تويى ءوتتى
حالىق تورابى، 31 – قاڭتار، بەيجيڭ. (نۇرعيسا قۇرمانجان ۇلى، سەنبەك اۋەسقان ۇلى) قاڭتاردىڭ 31 – جۇلدىزىندا ەلىمىز قازاقتارىنان قالام ۇستاعان اقىن – جازۋشىلاردىڭ ءبىر شوعىرى بەيجيڭ قالاسىندا باس قوسىپ، مەملەكەتتىك دەڭگەيدەگى تۇڭعىش ادەبيەت سيلىعىمىز ــ «اقساي» ادەبيەت سيلىعىن تاراتۋ سىندى قاباعات قۋانىشقا تولى ساتكە كۋا بولدى. توي دەپ وتىرعانىمىز، ءتىل ونەرى سالاسىندا تىنباي تەر توگىپ، انا ءتىل مەن ادەبيەتىمىزدىڭ ەسەيۋىنە ەرىنبەي ەڭبەك ەتكەن اقىن – جازۋشىلارىمىزعا تابىستايتىن مەملەكەتتىك دەڭگەيدەگى سيلىقتىڭ بولعانى قانداي قۋانىش، سوندىقتان، مۇنى قازاقتىڭ تويى دەپ اتاۋدى ورىندى سانادىق.
مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار كوميتەت باستىعى سىمايىل امەت، مەملەكەتتىك ساياسي كەڭەس مۇشەسى، ايگىلى جازۋشى اكبار ءماجيت ۇلى، جۇڭگو جازۋشىلار وداعىنىڭ ورىنباسار ءتوراعاسى، پارتگرۋپپا مۇشەسى حى جيانميڭ، شينجياڭ ءوندىرىس – قۇرىلىس بيڭتۋانىنىڭ بۇرىنعى ورىنباسار سليڭيۋانى بوتاي كوپەن ۇلى قاتارلى باسشى جولداستار قاتىناستى.
ءىس – شارانىڭ بەتاشار بولەگىندە جۇڭگو از ۇلت جازۋشىلار قوعامىنىڭ ۇنەمىلىك ىستەرگە جاۋاپتى ورىنباسار باستىعى يە مەي حانىم الدىمەن ءسوز كەزەگىن الىپ، «اقساي» ادەبيەت سيلىعىنىڭ جاعدايىنان قىسقاشا مالىمەتتەر بەرىپ، ەلىمىزدەگى از ۇلت ادەبيەتىنىڭ جەتكەن بيىگى مەن بەتكە العان باعدارى تۋرالى تولعامدى ويلارىن جەتكىزدى. بۇل سيلىقتىڭ تاراتىلۋىنا تىكەلەي قولداۋشى بولىپ وتىرعان گانسۋ ولكەسى اقساي قازاق اۆتونوميالى اۋدانىنا راحىمەتىن ءبىلدىردى. ىلە – شالا سوزگە ۇسىنىس ەتىلگەن گانسۋ ولكەسى اقساي اۋداندىق پارتكومنىڭ ورىنباسار شۋجيى، اۋدان اكىمى باعدات مۇرات ۇلى اقساي اۋدانىن قىسقاشا تانىستىرىپ، اۋداننىڭ مادەنيەت سالاسىنداعى جەتىستىكتەرىن اڭگىمەلەدى.ءسوز سوڭىندا اقساي اۋداندىق پارتكومنىڭ مۇشەسى، ۇگىت ءبولىمىنىڭ باستىعى شۋە ليان سيلانعان شىعارمالار مەن اۆتورلاردىڭ ەسىمىن جاريالادى.
|
|
|
|
|
- جۇڭگو از ۇلت جازۋشىلار قوعامى «اقساي» قازاق ادەبيەت سيلىعىن ىسكە قوسۋ مۇراسىمى 2014 – جىلى تامىزدىڭ 3 – كۇنى گانسۋ ولكەسىنىڭ اقساي قازاق اۆتونوميالى اۋدانىندا وتكىزىلگەن. العاشقى شىعارما جيناۋ، ساراپتاۋ قيمىلى باستالعاننان 2014 – جىلى قاراشانىڭ 25 – كۇنىنە دەيىن شينجياڭداعى ءار دارەجەلى ادەبيەت – كوركەمونەرشىلەر بىرلەستىگىنەن، جازۋشىلار قوعامىنان، باسپا ورنىنان، سونداي – اق ۇلتتار ادەبيەتى جۋرنالدار مەكەمەسىنەن، ۇلتتار باسپاسىنان جانە گۇيجوۋ ولكەسى تايجياڭ اۋداندىق ادەبيەت – كوركەمونەرشىلەر بىرلەستىگىنەن باعالاۋعا جولدانعان 107 شىعارما تاپسىرىپ الىنعان.
حابارلار جيناعى
حانبالىقتا قازاقتىڭ ءبىر تويى ءوتتى- «ۇلتتار ادەبيەتى» جۋرنالىنىڭ 2014 – جىلعى جىلدىق سيلىعىن تاراتۋ سالتى وتكىزىلدى
- ارىس سيلىعىنا يە بولعان ەرلان نۇردىقان ۇلى اقساي اۋدانىنا راحىمەتىن ءبىلدىردى
- جۇڭگو از ۇلت جازۋشىلار قوعامىنىڭ ورىنباسار باستىعى يە مەي حانىم سيلىقتىڭ ماڭىزدىلىعى تۋرالى اڭگىمەلەدى
- اقساي اۋدانىنىڭ اكىمى باعدات مۇرات ۇلى سيلىق تۋرالى اڭگىمەلەدى
- «اقساي» ادەبيەت سيلىعىنىڭ التىن كوپىر سيلىعىنا يە بولعان اينۇر ءماۋلىت قىزى
- «ۇلتتار ادەبيەتى» جۋرنالى
- «ۇلتتار ادەبيەتى» جۋرنالىنىڭ جىلدىق سيلىعىنا يە بولعان باھار بەردىبەكوۆامەن اڭگىمە
- «ۇلتتار ادەبيەتىنىڭ» جىلدىق سيلىعىنا يە بولعان قاديلا نۇرعالي قىزى اۋدارمامەن شۇعىلدانۋ بارىسىن اڭگىمەلەدى
- «ۇلتتار ادەبيەتى» قازاق باسىمىلىنىڭ باس رەداكتورى ءمينار نۇرلاززات قىزى
