ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يىن ۋەيمين: عالامتوردا تارالعان «زەينەتكە شىعۋ جاسىن كەشەۋىلدەتۋ كەستەسى» دۇرىس ەمەس، جوبا بيىل جاسالادى

2016.03.10 14:53   كەلۋ قاينارى : حالىق تورابى

　　حالىق تورابى، 9 – ناۋرىز، بەيجيڭ (تىلشىلەر ماۋ لەي، ۋاڭ جينشۋە). 9 – ناۋرىز تۇستەن كەيىن مەملەكەتتىك 12 – كەزەكتى حالىق قۇرىلتايى 4 – ءماجىلىسىنىڭ 2 – جالپى ءماجىلىسى اشىلۋدىڭ الدىندا ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يىن ۋەيمين حالىق سارايىنىڭ «مينيسترلەر جولىندا» تىلشىلىكتى قابىلداعاندا بىلاي دەدى: عالامتوردا تارالعان اتالمىش «زەينەتكە شىعۋ جاسىن كەشەۋىلدەتۋ كەستەسى» دۇرىس ەمەس. ناقتى جوبادا بيىل قاتىستى ءتارتىپ بويىنشا پىكىر الۋ نۇسقاسى دايىندالادى، ونان سوڭ جان – جاقتى پىكىر الىنعان سوڭ رەسمي جوبا شىعارىلادى.

　　يىن ۋەيمين بىلاي دەدى: زەينەتكە شىعۋ جاسىن كەشەۋىلدەتۋ جوباسىن جاساۋ كەرەك، مۇندا حالىق سانىنىڭ قارتتانۋى جاعدايىندا ادام كۇشى بايلىعىنان قايتكەندە ءونىمدى پايدالانۋعا بولاتىنى ەسكەرىلگەن. قازىر عالامتوردا تارالىپ جۇرگەن ايتىلمىش «زەينەتكە شىعۋ جاسىن كەشەۋىلدەتۋ كەستەسى» قاتە، اسىرەسە زەينەتكە شىعۋ جاسى جاعىندا جاسالىپ جاتقان جوبامەن بەلگىلى پارىق بار. جاسالاتىن زەينەتكە شىعۋ جاسىن كەشەۋىلدەتۋ جوباسىندا ءۇش ءتۇرلى پرينسيپ نەگىزگە الىنعان: ءبىرىنشى، قادامدى اقىرىن باسىپ جولعا بىرتىندەپ ءتۇسۋ؛ ەكىنشى، پارىقتى مامىلە جاساپ، قادامعا ءبولىپ اتقارۋ؛ ءۇشىنشى، الدىن الا جاريالاپ، كۇنى بۇرىن مالىمدەۋ.

　　يىن ۋەيمين بىلاي دەدى: ناقتى جوبادا بيىل قاتىستى ءتارتىپ بويىنشا پىكىر الۋ نۇسقاسى دايىندالادى، ونان سوڭ جان – جاقتى پىكىر الىنعان سوڭ رەسمي جوبا شىعارىلادى. جوبانى جاساۋ بارىسىندا جانە اتقارعاننان كەيىن دە پىكىر الىنىپ، جوبا ۇزدىكسىز كەمەلدەندىرىلەدى.

　　كەلۋ قاينارى: حالىق تورابى