شي جينپيڭ گەرمانيانىڭ پرەزيدەنتى بولىپ سايلانعان شتاينمايەرگە قۇتتىقتاۋ تەلەگرامماسىن جولدادى

2017.02.13 14:33   كەلۋ قاينارى : حالىق تورابى

　　شينحۋا اگەنتتىگى، 12 – اقپان، بەيجيڭ. 12 - اقپان كۇنى مەملەكەت ءتوراعاسى شي جينپيڭ گەرمانيا فەدەراتسياسىنا پرەزيدەنتى بولىپ سايلانعان شتاينمايەرگە قۇتتىقتاۋ تەلەگرامماسىن جولدادى.

　　شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: قازىر جۇڭگو مەن گەرمانيانىڭ قارىم - قاتىناسى جوعارى دەڭگەيلى دامۋ كەزەڭىندە تۇر، ەكى جاقتىڭ جوعارى جىكتەگىلەرىنىڭ بايلانىسى جيىلەپ، ءتۇرلى سالاداعى سەلبەستىگى كۇن سايىن تەرەڭدەپ كەلەدى. جۇڭگو مەن گەرمانيانىڭ سەلبەستىكتى نىعايتۋى ەكى ەل حالىقتارىنىڭ يگىلىگىن نىعايتۋعا عانا ەمەس، سونىمەن قاتار، دۇنيە ءجۇزىنىڭ بەيبىتشىلىگىن، ورنىقتىلىعىن، وركەندەۋىن جەبەۋگە دە ءتيىمدى. مەن سىزبەن بىرگە قۇلشىنىس جاساپ، جۇڭگو مەن گەرمانيانىڭ جان - جاقتى ستراتەگيالىق سەرىكتەستىك قاتىناسىنىڭ بارىنشا جاقسى دامۋىن بىرگە ىلگەرىلەتۋدى قالايمىن.

　　كەلۋ قاينارى: حالىق تورابى